1 Huan 3:21 - Papiamentu Bible 2013

²¹ Keridonan, si nos kurason no kondená nos, esei ta nifiká ku nos por bai serka Dios ku konfiansa,

Beibel na Papiamentu Koriente 2013

²¹ Keridonan, si nos kurason no kondená nos, esei ta nifiká ku nos por bai serka Dios ku konfiansa,

1 Huan 3:21 Referans Kwoze

1 Huan 2:28

Sí, mi yunan stimá, keda den Kristu, pa ora E aparesé, nos lo por ta yen di konfiansa i lo no pasa bèrgwensa riba dia di su regreso.

Hebreonan 4:16

Ban aserká Dios su trono, antó ku konfiansa, kaminda por haña grasia, pa E tene mizerikòrdia ku nos i den su bondat yuda nos na ora di nesesidat.

2 Korintionan 1:12

Ún kos ta hasi nos orguyoso: e echo ku nos konsenshi ta sigurá nos ku nos komportashon, en general i spesialmente ku boso, tabata dominá pa e simplesa i sinseridat ku Dios ta duna. No ta sabiduria di hende a guia nos, sino grasia di Dios.

1 Huan 5:14

Anto e konfiansa ku nos tin den Dios ta, ku ora nos pidiÉ algu ku ta di akuerdo ku su boluntat, E ta skucha nos.

Salmo 101:2

Mi ke tene mi andá ireprochabel — ki ora Bo ta bini serka mi? Mi ke biba ku konsenshi limpi den mi kas tambe.

1 Huan 4:17

Asin'akí amor ta keda realmente perfekshoná den nos, esta ora nos tin konfiansa riba dia di huisio, pasobra aki na mundu kaba nos ta biba ku amor meskos ku Hesus.

Hebreonan 10:22

laga nos aserká Dios ku un kurason sinsero i un fe firme, ku un kurason purifiká di un mal konsenshi i ku un kurpa labá ku awa puru.

Job 22:26

Ku siguransa e ora ei lo bo tin goso den Todopoderoso i lo bo por mir'É ku konfiansa.

1 Korintionan 4:4

Mi konsenshi ta limpi, pero esei no ta hasi mi inosente; ta Señor ta Esun ku ta husga mi.

Job 27:6

Lo mi keda para ariba ku mi ta sin falta, ni ún solo dia di mi bida mi no a hasi nada malu nada ku por tira na mi kara.

1 Timoteo 2:8

Mi ke pa tur kaminda ku ta hasi orashon hende hòmber, konsagrá na Dios, alsa nan man den orashon, sin ku nan paden ta karga rabia òf ta kunsumí.

Romanonan 14:22

Laga e fe ku ta pone ku bo por kome tur kos, keda entre abo ku Dios. Felis esun ku su konsenshi no ta remordé, ora e hasi loke ta korekto segun e!

Efesionan 3:12

Anto den Kristu nos tin libertat pa bai serka Dios ku e konfiansa ku nos fe den Kristu ta duna nos.

1 Huan 2:7

Mi keridonan, mi no ta skibi e karta akí pa duna boso un mandamentu nobo, pero e bieu ayá ku boso a haña for di prinsipio. E mandamentu bieu ei ta e mensahe ku boso a tende kaba.

1 Huan 3:2

Keridonan, awor akí nos ta yu di Dios i ounke te ainda no ta revelá loke nos lo bira, nos sa ku ora Kristu bini nos lo ta manera E, pasobra nos lo mir'É manera E ta en realidat.

1 Huan 3:20

ki ora ku nos kurason ta kondená nos. Pasobra nos sa ku Dios ta mas grandi ku nos mes kurason, i E sa tur kos.