1 Huan 3:2 - Papiamentu Bible 2013

² Keridonan, awor akí nos ta yu di Dios i ounke te ainda no ta revelá loke nos lo bira, nos sa ku ora Kristu bini nos lo ta manera E, pasobra nos lo mir'É manera E ta en realidat.

Beibel na Papiamentu Koriente 2013

² Keridonan, awor akí nos ta yu di Dios i ounke te ainda no ta revelá loke nos lo bira, nos sa ku ora Kristu bini nos lo ta manera E, pasobra nos lo mir'É manera E ta en realidat.

1 Huan 3:2 Referans Kwoze

Filipensenan 3:21

E lo transformá nos kurpa mizerabel den kurpa glorioso, meskos ku esun di djE. Pa hasi esei lo E usa e poder ku E tin pa someté tur kos na su outoridat.

Kolosensenan 3:4

Boso bida real ta Kristu mes i ora E bini bèk, boso tambe lo aparesé huntu kunÉ i kompartí su gloria.

2 Korintionan 3:18

Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios.

1 Korintionan 13:12

Awor akí nos ta mira via un spil, no direktamente, pero e dia ei nos lo mira direktamente. Awor akí mi konosementu ta limitá, pero e dia ei lo mi tin konosementu kompleto manera Dios konosé mi kompletamente.

Romanonan 8:29

Pasobra esnan ku Dios a konosé di antemano, El a destiná kaba pa bira meskos ku su Yu, pa asina su Yu ta e ruman mayó di hopi ruman.

Salmo 17:15

Ma ami, hende hustu, lo mira bo Kara i lo ta yen di bo presensia, ora mi spièrta.

1 Korintionan 15:49

Awor, meskos ku nos parse e hende trahá di tera, asina nos lo parse esun ku a bini di shelu!

Revelashon 22:4

Nan lo mir'É i su nòmber lo ta riba nan frenta.

2 Pedro 1:4

Pa medio di e kosnan akí El a duna nos su promesanan ku ta di gran balor i hopi importansia. Asin'ei boso por hui di e dekadensia di e mundu akí ku ta konsekuensia di mal deseo i boso por tuma parti den naturalesa di Dios.

1 Korintionan 2:9

Pero, manera Skritura ta bisa: ‘Loke niun hende no a yega di mira, ni niun hende no a yega di tende, ni niun hende no por imaginá nan, esei Dios a prepará pa esnan ku ta stim'É.’

1 Huan 3:1

Mira kuantu Dios Tata ta stima nos: E ta pèrmití nos karga e nòmber ‘yu di Dios’! Anto enberdat esei nos ta tambe! Ta p'esei mes esnan ku ta sigui mundu no sa ken nos ta, pasobra nan no a siña konosé Dios.

Galatanan 4:6

I esaki ta e prueba ku boso ta yu: Dios a manda Spiritu di su Yu den nos kurason i e Spiritu akí ta sklama: ‘Abba, Tata!’

Romanonan 8:18

Mi ta konvensí ku sufrimentu ku nos ta pasa aden awor akí no ta di kompará ku e gloria ku Dios lo mustra nos.

Galatanan 3:26

Boso tur ta yu di Dios pa medio di fe den Kristu-Hesus,

Huan 17:24

Tata, Mi ke pa esnan ku Bo a duna Mi ta kaminda Mi ta, ya nan por mira mi gloria; e gloria ku Bo a duna Mi, pasobra Bo a stima Mi promé ku kreashon di mundu.

Mateo 5:8

Felis esnan kurason limpi; nan lo mira Dios.

1 Huan 2:28

Sí, mi yunan stimá, keda den Kristu, pa ora E aparesé, nos lo por ta yen di konfiansa i lo no pasa bèrgwensa riba dia di su regreso.

Hebreonan 9:28

Asina Kristu tambe a ofresé ún bia e sakrifisio di su bida pa kita piká di hopi hende. E di dos bia ku E bini, E no ta bini pa karga piká di hende, pero pa salba esnan ku ta sper'É.

2 Korintionan 4:17

E sufrimentu ku nos ta pasa den e bida akí, ta pasahero i no ta pisá, pero e ta trese komo resultado un gloria sin límite i duradero pa nos.

Job 19:26

Mi deseo ta di mira Dios, tanten ku mi tin karni na mi kurpa ainda, ounke a destrosá mi kueru di e forma akí.

1 Huan 5:1

Ken ku kere ku Hesus ta e Mesias, a nase di Dios. I esun ku ta stima un tata, ta stima e tata ei su yunan tambe.

Salmo 31:19

Esta abundante e bondat ta, ku Bo ta warda pa esnan ku respetá Bo, e bondat ku Bo ta prepará den bista di henter humanidat, pa esnan ku ta skonde serka Bo.

Isaías 56:5

e ta haña un plachi ku su nòmber grabá ariba parti paden dje murayanan di mi tèmpel. Esei lo mantené su rekuerdo mas bibu ku kualke yu hòmber o muhé por hasi. Asin'ei lo Mi perkurá pa su nòmber nunka no pasa pa olvido.

Salmo 16:11

Bo ta siña mi ki kaminda ta hiba pa bida, abundansia di legria kaminda Bo ta, goso banda di Bo pa tur eternidat.

Malakías 3:2

Ken lo sobrebibí e dia ku Señor bini? Ken lo keda na bida ora E aparesé? Pasobra E ta manera kandela ku ta purifiká metal òf manera habon di un labadó.

Lukas 17:30

Asina lo pasa dia Yu di hende manifestá su mes.

Lukas 20:36

Nan lo no muri mas, pasobra nan lo ta manera angel. Nan lo ta yu di Dios, pasobra nan a lanta for di morto.

Huan 1:12

Esnan ku sí a asept'É, ku a pone nan fe den su nòmber, El a duna derecho pa bira yu di Dios.

Huan 11:52

No solamente pa e pueblo hudiu, ma tambe pa trese tur yu di Dios ku ta plamá, huntu i hasi nan ún.

Romanonan 8:16

E mesun Spiritu ta konfirmá loke nos spiritu ta testiguá, esta ku nos ta yu di Dios.

Romanonan 8:19

Ku un deseo profundo kreashon tambe ta anhelá e momento ku Dios lo mustra klaramente ken ta su yu,

1 Huan 2:7

Mi keridonan, mi no ta skibi e karta akí pa duna boso un mandamentu nobo, pero e bieu ayá ku boso a haña for di prinsipio. E mandamentu bieu ei ta e mensahe ku boso a tende kaba.

1 Huan 3:10

Na esaki nos ta rekonosé ken ta yu di Dios i ken ta yu di diabel: esun ku no ta hasi loke ta hustu den bista di Dios, no ta pertenesé na Dios, i spesialmente esun ku no ta stima su ruman.

1 Huan 3:21

Keridonan, si nos kurason no kondená nos, esei ta nifiká ku nos por bai serka Dios ku konfiansa,

Revelashon 2:28

E mesun poder ei Mi a haña serka mi Tata. Tambe lo Mi duna kada un ku triunfá, e strea di mardugá.