1 Huan 3:17 - Papiamentu Bible 2013

¹⁷ Un hende ku ta poseé hopi kos di mundu i ta sera su kurason pa su ruman ku e ta mira den nesesidat, kon un hende asina por tin amor di Dios den dje?

Beibel na Papiamentu Koriente 2013

¹⁷ Un hende ku ta poseé hopi kos di mundu i ta sera su kurason pa su ruman ku e ta mira den nesesidat, kon un hende asina por tin amor di Dios den dje?

1 Huan 3:17 Referans Kwoze

Hebreonan 13:16

Kòrda hasi bon i kompartí loke boso tin ku otro hende; pasobra esakinan ta e sakrifisionan ku ta agradá Dios.

1 Huan 4:20

Si un hende bisa: ‘Mi ta stima Dios’, pero e no ta stima su ruman, e ta un gañadó! Pues si un hende no por stima su ruman, ku e ta mira, e no por stima Dios, ku e no ta mira, tampoko.

Lukas 3:11

Huan a kontestá: ‘Esun ku tin dos paña, kompartí ku un ku no tin nada. Esun ku tin di kome, hasi meskos.’

Proverbionan 19:17

Es ku demostrá amor pa hende pober ta honra SEÑOR, i SEÑOR lo pag'é pa loke el a hasi.

Hakobo 2:15

Suponé ku tin un ruman sin paña drechi pa bisti ni sufisiente kuminda pa kome.

Proverbionan 28:9

Si kualke hende sera orea pa lei, asta su orashonnan ta detestabel.

2 Korintionan 8:9

Boso mes sa ku nos Señor Hesu-Kristu, den su bondat, a bira pober pa boso ounke E tabata riku, ya boso por a bira riku pa medio di su pobresa!

1 Huan 5:1

Ken ku kere ku Hesus ta e Mesias, a nase di Dios. I esun ku ta stima un tata, ta stima e tata ei su yunan tambe.

Proverbionan 12:10

Hende hustu sa asta kiko nan bestianan ta sinti, mal hende no sa mes kiko ta kompashon.

Proverbionan 14:31

Es ku oprimí hende pober ta ofendé Kreador, es ku demostrá amor pa hende pober ta honra Dios ku esei.

Proverbionan 21:13

Es ku sera orea pa yamada di hende pober, lo no haña oido ora e mes grita pidi yudansa.

Hakobo 2:16

Ki bal un di boso bis'é: ‘Te aworó! Tur kos bon! Kòrda tapa pa bo no kohe bientu i bon apetit,’ si bo no yud'é den su nesesidat?