1 Huan 2:24 - Papiamentu Bible 2013

²⁴ Sòru pa boso warda e mensahe ku boso a tende for di kuminsamentu den boso kurason. Si boso warda e mensahe ei den boso kurason, boso ta keda den e Yu i den e Tata.

Beibel na Papiamentu Koriente 2013

²⁴ Sòru pa boso warda e mensahe ku boso a tende for di kuminsamentu den boso kurason. Si boso warda e mensahe ei den boso kurason, boso ta keda den e Yu i den e Tata.

1 Huan 2:24 Referans Kwoze

Huan 14:23

Hesus a kontest'é: ‘Si un hende ta stima Mi, e ta obedesé mi palabra i mi Tata lo stim'é; nos lo bini serka dje i keda biba serka dje.

1 Huan 4:13

E prueba ku nos ta keda den Dios i ku E ta keda den nos, ta ku El a duna nos su mes Spiritu.

1 Huan 4:16

Asina nos a haña sa i kere ku Dios ta stima nos. Dios ta amor i esun ku ta biba ku amor ta keda den Dios i Dios ta keda den dje.

Revelashon 3:3

Kòrda anto kon boso a risibí i kon boso a skucha e mensahe. Tene boso n'e i kombertí. Si boso no lanta fo'i soño, lo Mi bini diripiente manera un ladron, i boso lo no sa ki ora.

1 Huan 2:7

Mi keridonan, mi no ta skibi e karta akí pa duna boso un mandamentu nobo, pero e bieu ayá ku boso a haña for di prinsipio. E mandamentu bieu ei ta e mensahe ku boso a tende kaba.

1 Huan 1:3

Ta loke nos a mira i tende nos ta proklamá na boso, pa boso por tin komunion ku nos, meskos ku nos tin komunion ku Tata i ku su Yu Hesu-Kristu.

Huan 15:7

Si boso keda den Mi i mi palabranan keda den boso, pidi e ora ei loke boso ke i boso ta hañ'é.

Revelashon 3:11

Mi ta bini pronto! Tene loke boso tin, pa ningun hende no kohe boso rekompensa bai kuné.

Kolosensenan 3:16

Laga e mensahe tokante Kristu permanesé ku tur su rikesa den boso kurason. Siña i koregí otro ku tur sabiduria. Kanta salmo, himno i kantika spiritual na Dios ku un kurason gradesido.

Salmo 119:11

Mi ta warda bo palabra den mi alma, pa mi no peka kontra Bo.

1 Huan 1:7

Ma si nos ta biba den lus, manera Dios ta den lus, nos lo tin komunion ku otro, i sanger di Hesus, su Yu, ta purifiká nos di tur piká.

Hebreonan 3:14

Pasobra nos tin parti na Kristu, si nos mantené e konfiansa ku nos tabatin na prinsipio, te na final.

Filipensenan 4:15

Filipensenan, boso mes sa mashá bon ku tempu mi a kuminsá prediká e bon notisia, ora mi a bandoná provinsia di Masedonia, niun otro iglesia no a mustra nan gratitut materialmente. Ta boso so a yuda mi!

3 Huan 1:3

Pasobra mi a keda mashá kontentu, ora algun ruman a bin konta mi di bo dedikashon na e bèrdat; sí, ta bo kustumber di biba konforme bèrdat.

2 Huan 1:2

Mi ta stima boso, pasobra e bèrdat ta biba den nos kurason i lo keda den nos pa semper.

Hebreonan 2:1

P'esei nos mester paga mas tantu atenshon na loke nos a tende, pa nos no pèrdè kaminda.

Huan 8:25

E ora ei nan a puntr'É: ‘Ma ta ken bo ta antó?’ El a rospondé nan: ‘Mi a bisa boso esei na kuminsamentu kaba.

Lukas 1:2

E hendenan akí a raportá e echonan di akuerdo ku loke testigu a konta nos; nan tabata testigu for di un prinsipio i despues a bira predikadó di e mensahe.

Proverbionan 23:23

Kumpra bèrdat i sabiduria, siñansa i komprenshon. No bende nan pa nada di mundu!

Lukas 9:44

‘Konopá loke Mi ta bai bisa boso den boso orea! Yu di hende lo ta entregá den man di hende.’

Huan 6:56

Esun ku kome mi karni i bebe mi sanger, lo keda den Mi i Ami den dje.

1 Huan 3:24

Esun ku obedesé Dios su mandamentunan ta keda den Dios i Dios ta keda den dje. Anto ku E ta keda den Dios, nos sa pasobra nos tin e Spiritu ku El a duna nos.

1 Huan 4:15

Esun ku rekonosé i proklamá ku Hesus ta Yu di Dios, Dios ta keda den dje i e ta keda den Dios.

2 Huan 1:9

Esun ku ke bai mas ayá di loke Kristu a siña, no tin Dios; pero esun ku aten'é na su siñansa, tin tantu e Tata komo e Yu.