1 Huan 2:22 - Papiamentu Bible 2013

²² Ta ken antó ta e gañadó? Ta esun ku nenga ku Hesus ta e Mesias ku mester a bini. E persona ei ta e antikristu. E ta nenga e Tata i e Yu.

Beibel na Papiamentu Koriente 2013

²² Ta ken antó ta e gañadó? Ta esun ku nenga ku Hesus ta e Mesias ku mester a bini. E persona ei ta e antikristu. E ta nenga e Tata i e Yu.

1 Huan 2:22 Referans Kwoze

2 Huan 1:7

Mi ta papia asin'akí, pasobra hopi gañadó a plama rònt mundu; nan ta nenga ku Hesu-Kristu a bini berdaderamente komo ser humano. Esun ku ta hasi esei ta e antikristu, esta e gañadó.

1 Huan 4:3

Ma esun ku no rekonosé i proklamá ken Hesus ta, no ta pertenesé na Dios. Ta e spiritu di e antikristu ta manifestá su mes den e persona ei. Boso a tende kaba ku e spiritu di e antikristu mester bini; wèl, e ta na mundu kaba!

1 Huan 2:18

Mi yunan, e ora final a yega! Boso a tende ku antikristu ta bini, awèl, awor hopi enemigu di Kristu a sali bini dilanti i p'esei mes nos sa ku e ora final a yega.

Hudas 1:4

Mi ta skibi e karta akí, pasobra algun hende ku no ta tene kuenta ku Dios a slùip drenta meimei di nos sin niun hende ripará. Skritura a bisa di antemano kaba ku nan ta kondená. Ta hende ku no ta tene kuenta ku Dios, hende ku ta trose mensahe di grasia di nos Dios pa tapa nan komportashon inmoral i ku no ke rekonosé Hesus komo e úniko Doño i Señor di nan bida.

1 Huan 4:20

Si un hende bisa: ‘Mi ta stima Dios’, pero e no ta stima su ruman, e ta un gañadó! Pues si un hende no por stima su ruman, ku e ta mira, e no por stima Dios, ku e no ta mira, tampoko.

1 Huan 2:23

Pasobra esun ku nenga e Yu no tin e Tata tampoko; esun ku deklará su mes na fabor di e Yu, tin e Tata tambe.

1 Huan 1:6

Si nos ta bisa ku nos tin komunion kunÉ, ma ta biba den skuridat, nos ta gaña i no ta praktiká bèrdat.

1 Huan 2:4

Esun ku bisa: ‘Mi konosé Dios’, ma no ta obedesé su mandamentunan, ta un gañadó i un hende asina no tin bèrdat den dje.

Huan 8:44

Diabel ta boso tata i boso ke pone e deseonan di boso tata den práktika. E ta un matadó for di kuminsamentu, i nunka e no a aten'é na bèrdat, pasobra e no tin bèrdat den dje. Ora ku e gaña, e ta gaña di naturalesa, pasobra e ta un gañadó i tata di mentira.

Revelashon 3:9

Tende, lo Mi sòru pa e siguidónan di Satanas, e gañadónan ei ku ta yama nan mes hudiu, pero no ta, sí, lo Mi sòru pa nan bin tira nan kurpa na boso pia i rekonosé ku Ami a stima boso.

Mateo 24:5

Hopi lo bin usa mi nòmber i bisa: “T'ami ta e Mesias!”, i nan lo gaña hopi hende.

Mateo 24:24

Hende ku ta pretendé di ta e Mesias i di ta profeta, lo lanta; nan lo mustra señal grandi i hasi milager pa asina desviá asta e eskohidonan di Dios, si ta posibel.

1 Huan 5:1

Ken ku kere ku Hesus ta e Mesias, a nase di Dios. I esun ku ta stima un tata, ta stima e tata ei su yunan tambe.