1 Huan 2:20 - Papiamentu Bible 2013

²⁰ Boso tur sí a keda konsagrá dor di Esun santu i boso tur tin konosementu.

Beibel na Papiamentu Koriente 2013

²⁰ Boso tur sí a keda konsagrá dor di Esun santu i boso tur tin konosementu.

1 Huan 2:20 Referans Kwoze

Huan 14:26

Pero esun ku lo yuda boso, esta Spiritu Santu ku Tata lo manda den mi nòmber, lo siña boso tur kos i rekordá boso tur loke Ami a bisa boso.

1 Huan 2:27

Pero boso sí, El a konsagrá i esaki ta e unshon ku ta keda den boso kurason i boso no tin mester di niun otro maestro pa siña boso. Pasobra e unshon akí ta siña boso tur kos i no ta un engaño, e ta berdadero. Keda den Kristu manera su unshon a siña boso.

Isaías 61:1

Spiritu di SEÑOR Dios ta sosegá riba mi, pasobra El a ungí mi i duna mi e enkargo: pa hiba bon notisia pa pobernan i animá hende desanimá; pa anunsiá libertat na prizoneronan i na hende será den lugá skur ku nan por sali;

Proverbionan 28:5

Mal hende n' ta komprondé hustisia, pero esnan ku ta buska SEÑOR ta komprond'é kompletamente.

Salmo 23:5

Bo ta drecha un mesa pa mi den bista di mi enemigu; Bo ta hunta mi kabes ku perfume, mi beker yen ta bash'afó.

Echonan 10:38

i boso sa tambe kon e ora ei Dios a ungi Hesus di Nazarèt ku Spiritu Santu i a kolm'É ku poder. E tabata pasa hasi bon obra tur kaminda i kura esnan ku tabata bou di yugo di diabel, pasobra Dios tabata kunÉ.

Huan 16:13

Ma ora e Spiritu di bèrdat bini, lo E guia boso na bèrdat kompleto i konta boso tokante kos ku ta bai pasa. Pasobra loke E bisa no ta sali di E mes, ma E ta papia tur loke E tende.

Hebreonan 1:9

Bo stima hustisia i ta odia maldat. P'esei Dios, bo Dios, a konsagrá Bo ku zeta, señal di alegria, mas ku tur bo kompañeronan.’

1 Huan 4:13

E prueba ku nos ta keda den Dios i ku E ta keda den nos, ta ku El a duna nos su mes Spiritu.

Salmo 45:7

Bo ta stima hustisia i ta odia maldat. P'esei Dios, bo Dios, a konsagrá bo ku zeta, señal di alegria, mas ku tur bo kompañeronan.

Echonan 3:14

Boso a rechasá Esun ku tabata dediká na Dios i ku a kumpli ku su boluntat i boso a pidi libertat pa un asesino!

Lukas 4:18

‘Spiritu di Señor ta riba Mi, p'esei El a ungi Mi pa anunsiá e bon notisia na pobernan. El a manda Mi proklamá libertat pa prezunan; bista pa siegunan; i pa esnan oprimí, libertat.

Marko 1:24

‘Ta kiko Bo ke di nos, Hesus di Nazarèt? Akaso Bo a bini pa kaba ku nos? Mi sa bon bon ta ken Bo ta; Bo ta e Santu di Dios!’

Salmo 92:10

Bo a hisa mi kara na laria manera un toro su kachu. B'a basha zeta refreskante riba mi,

Salmo 71:22

Anto lo mi alabá Bo ku arpa, alabá bo fieldat, o mi Dios. Lo mi toka lira na bo honor, Abo, Dios Santu di Israel.

Revelashon 4:8

Kada un di e kuater sernan tabatin seis ala, ku na e banda ariba i e banda abou tabata yen di wowo. Sin stòp e sernan tabata bisa di dia i anochi: ‘Santu, santu, santu ta Señor Dios Todopoderoso, ku tabata, ku ta i ku ta bini.’

Revelashon 3:7

Skibi e angel di iglesia na Filadelfia lo siguiente: Esun ku ta santu i konfiabel, ku tin e yabi di David; loke E habri, ningun hende no por sera, loke E sera, ningun hende no por habri, E ta bisa:

Hebreonan 8:11

“Lo no tin nesesidat di instruí un konsiudadano òf ruman mas ni di bisa otro: Siña konosé Señor! Pasobra nan tur lo sa ken Mi ta, tur, di chikí te grandi.

1 Korintionan 2:15

Es ku tin Spiritu Santu, por husga balor di tur kos, ma niun hende no por husga E!

Lukas 4:34

‘Ei, ta kiko Bo ke di nos, Hesus di Nazarèt? Akaso Bo a bini pa kaba ku nos? Mi sa bon bon ta ken Bo ta; Bo ta e Santu di Dios!’

Isaías 43:3

Pasobra Ami ta SEÑOR, bo Dios, e Dios Santu di Israel, bo Salbador. Mi ta duna Egipto komo pago pa bo libertat, Etiopia i Seba Mi ta kambia pa bo.

Salmo 16:10

ya ku Bo no ta entregá mi na morto, Bo no ta laga bo amigu mira graf.

Yeremías 31:34

Lo no tin nesesidat di instruí un bisiña o ruman mas i di bisa otro: “Siña konosé SEÑOR!” Pasobra nan tur lo sa ken Mi ta,’ SEÑOR ta bisa, ‘tur, di chikí te grandi. Lo Mi pordoná nan maldat i no kòrda mas riba nan piká.’

Mateo 13:11

El a kontestá nan: ‘Pasobra boso sí a haña komprondementu di e sekretonan di reino di shelu, ma nan no.

Hudas 1:5

Ounke boso ta na altura kaba, mi ke rekordá boso kon Señor a salba e pueblo di Israel for di Egipto un bia i pa semper, pa despues tòg destruí esnan ku no tabata kere.

Levítiko 7:35

E partinan akí di e sakrifisio na SEÑOR ta toka Aaron i su yunan for di e momento ku a nombra nan saserdote di SEÑOR.