1 Huan 2:1 - Papiamentu Bible 2013

¹ Mi yunan stimá, mi ta skibi e kosnan akí pa boso no hasi piká. Ma si un di boso hasi piká, nos tin Hesu-Kristu, Esun sin piká, pa boga pa nos serka Dios Tata.

Beibel na Papiamentu Koriente 2013

¹ Mi yunan stimá, mi ta skibi e kosnan akí pa boso no hasi piká. Ma si un di boso hasi piká, nos tin Hesu-Kristu, Esun sin piká, pa boga pa nos serka Dios Tata.

1 Huan 2:1 Referans Kwoze

1 Timoteo 2:5

Ta ún Dios so tin i ún Mediador entre Dios i nos, esta e hende, Kristu-Hesus;

Romanonan 8:34

Ken lo riska kondená nan? Niun hende! Kristu-Hesus ta e úniko hende ku no solamente a muri, pero tambe a lanta for di morto pa nan. E ta Esun ku ta sintá na man drechi di Dios i ta intersedé pa nos!

Huan 14:6

Hesus a kontest'é: ‘Ami ta e kaminda, bèrdat i bida; niun hende no por yega serka Tata, si no ta pa medio di Mi.

2 Korintionan 5:21

Kristu tabata sin piká, pero Dios a pone nos pikánan riba djE pa asina Dios por aseptá nos komo hustu.

1 Huan 4:4

Mi yunan, boso ta pertenesé na Dios i boso a vense e profetanan falsu, pasobra Esun ku ta den boso ta mas poderoso ku esun ku ta den mundu.

1 Huan 3:18

Mi yunan stimá, no laga nos stima ku boka i palabra so, ma laga nos stima di bèrdè mes, ku echo!

1 Huan 3:7

Mi yunan stimá, no laga niun hende pone boso desviá. Ta e hende ku hasi loke ta agradabel den Dios su bista ta hustu, meskos ku Kristu ta hustu.

Huan 8:11

acE muhé a kontestá: ‘Niun hende, shon!’ Hesus a sigui bis'é: ‘Wèl, Ami tampoko no ta kondená bo. Bai i no sigui biba den piká.’

Hebreonan 9:24

Pasobra Kristu no a drenta un santuario ku hende a traha, djis un kopia di e santuario berdadero. Nò, El a drenta shelu mes pa aya presentá dilanti di Dios na nos fabor.

1 Huan 3:5

I boso sa ku ta pa kita piká Kristu a bini i ku den djE no tin piká.

Efesionan 2:18

Pasobra pa medio di djE nos tur por yega serka Tata dor di e mesun Spiritu.

Huan 6:27

No traha pa kuminda ku ta kaba na nada, ma pa kuminda ku ta keda i ta duna bida eterno. Esei ta loke Yu di hende ta duna boso; pasobra ta riba djE, Tata, Dios mes, a pone su seyo.’

Ezekiel 3:21

Pero si bo avis'é pa e no peka mas i e tuma e aviso na serio, e ora ei e ta keda na bida. I bo bida tambe ta keda ispar.’

1 Pedro 3:18

Pasobra Kristu a muri un bia i pa semper pa nos pikánan; E tabata un hende hustu ku a muri pa hende inhustu pa E por hiba boso serka Dios. Komo hende El a muri, pero pa medio di Spiritu Santu El a haña bida.

Efesionan 4:26

Boso por rabia sí, ma no peka ora boso rabia ni no bai drumi rabiá.

Galatanan 4:19

Mi yunan, un bia mas mi ta pasa den dolónan di parto pa boso, te ora boso keda formá segun imágen di Kristu.

Huan 10:15

Meskos tambe Mi konosé mi Tata i mi Tata konosé Mi; Mi ta entregá mi bida pa mi karnénan.

Huan 5:36

Sinembargo Ami tin un testigu muchu mas importante ku Huan. Pasobra ta e trabounan ku mi Tata a duna Mi pa hasi ta testiguá ku Tata a manda Mi.

Lukas 10:22

Tur kos mi Tata a duna Mi. Niun hende no konosé e Yu, ku no ta e Tata so; ni niun hende no konosé e Tata, sino e Yu so i esnan ku e Yu ke laga konosé e Tata.’

1 Pedro 2:22

E no a kometé niun piká ni nunka mentira no a sali for di su boka.

1 Korintionan 15:34

Bin bei i stòp di peka, pasobra algun di boso no konosé Dios. Mi ta bisa boso esaki pa pone boso kara na bèrgwensa.

Huan 5:14

Despues Hesus a topa e hòmber den tèmpel i a bis'é: ‘Tende, bo a keda bon awor; mira pa bo no sigui den piká, sino algu pió ta pasa ku bo!’

Zakarías 9:9

Basha gritu di legria, mi yu Herusalèm, hubilá, mi yu Sion! Pasobra ata bo rei ta bini serka bo, E ta hustu i triunfante, E ta humilde, sintá riba un buriku, un buriku machu, di rasa puru.

Hakobo 1:27

Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

Salmo 4:4

Tembla, no hasi piká, reflekshoná riba kama, den silensio.

1 Huan 5:21

Mi yunan, keda leu fo'i tur kos ku ke tuma e Dios akí su lugá!

Hakobo 3:9

Nos ta us'é pa alabá nos Señor i Tata, i tambe pa maldishoná hende, ku ta kreá segun imágen di Dios.

Romanonan 6:15

Kon nos lo reakshoná awor? Nos lo sigui hasi piká, pasobra nos no ta sometí na Lei di Moises, pero na grasia? Apsolutamente ku nò!

Huan 13:33

Mi yunan stimá, lo Mi no ta pa muchu tempu mas huntu ku boso. Boso lo buska Mi i manera Mi a bisa e outoridatnan hudiu, asina Mi ta bisa boso awor akí tambe: Kaminda Mi ta bai, boso no por bini.

1 Timoteo 3:14

Mi ta skibi e instrukshonnan akí pa bo, ku speransa di mira bo pronto.

Huan 21:5

El a bisa nan: ‘Mi yunan, boso no a kohe nada di kome, no?’ Nan a kontestá: ‘Nada!’

Huan 14:16

Lo Mi pidi Tata i lo E manda un otro pa yuda boso, ku lo keda pa semper huntu ku boso.

Echonan 7:52

Kua di e profetanan boso antepasadonan no a persiguí? Nan a mata esnan ku a anunsiá binida di esun Hustu for di padilanti. Anto awor boso a traishoná i mata esun Hustu.

Romanonan 5:10

Pasobra si Dios a rekonsiliá nos kunÉ tempu nos tabata su enemigu ainda, pa medio di morto di su Yu, ku mas rason lo E salba nos pa medio di bida di su Yu, awor ku nos ta rekonsiliá kunÉ.

1 Huan 5:17

Tur maldat ta piká, pero tin piká ku no ta hiba na morto.

3 Huan 1:4

Nada no ta hasi mi mas kontentu ku tende ku mi yunan ta biba konforme bèrdat.