1 Huan 1:8 - Papiamentu Bible 2013

⁸ Si nos ta bisa ku nos no tin piká, ta nos mes nos ta gaña i nos no tin bèrdat den nos.

Beibel na Papiamentu Koriente 2013

⁸ Si nos ta bisa ku nos no tin piká, ta nos mes nos ta gaña i nos no tin bèrdat den nos.

1 Huan 1:8 Referans Kwoze

Romanonan 3:23

Tur hende a peka i ta karesé di Dios su gloria.

Hakobo 3:2

Nos tur ta kometé tur sorto di fayo. E hende ku no ta faya den loke e ta bisa ta un hende madurá, kapas di dominá henter su kurpa.

Predikador 7:20

Tene bo na tur dos konseho, pasobra riba mundu no tin niun hende hustu ku ta hasi bon sin peka nunka.

Isaías 53:6

Nos tur a kana dualu manera karné, kada un riba su mes kaminda, pero SEÑOR a lag'é karga tur nos maldat.

1 Huan 2:4

Esun ku bisa: ‘Mi konosé Dios’, ma no ta obedesé su mandamentunan, ta un gañadó i un hende asina no tin bèrdat den dje.

1 Huan 1:10

Si nos ta bisa ku nos no a peka, nos ta hasi manera ta Dios ta gañadó i su palabra no ta den nos.

Proverbionan 20:9

Ken por bisa: ‘Mi a purifiká mi kurason; mi a keda limpi sin piká?’

Job 15:14

Akaso hende por ta perfekto, un mortal por ta korekto den tur kos?

Galatanan 6:3

Si un hende ta kere ku e ta mashá kos, pero en realidat e no ta nada, e ta gaña su mes.

Isaías 64:6

Nos tur ta impuru, inkapas pa sirbi Bo, nos mihó echonan ta repugnante manera paña chikí sushá na sanger. Nos ta kulpabel i ta kai manera blachi seku, bientu ta hisa nos bai kuné.

Salmo 143:2

No pone bo sirbiente duna kuenta, Bo dilanti ningun hende no ta limpi.

Hakobo 1:26

Si un hende ta kere ku e ta mashá dediká na Dios, pero e no por frena su lenga, e ta gaña su mes i su dedikashon no ta sirbi pa nada.

1 Timoteo 6:5

Tambe e ta trese diskushon entre hende ku mente korumpí ku a pèrdè tur sentido di bèrdat. Nan ta pensa ku sirbi Dios ta un manera pa bira riku!

Job 25:4

Antó kiko un hende mester hasi awor, pa Dios deklar'é hustu? Kon un hende, nasé di muhé, por ta puru?

1 Reinan 8:46

Kisas por yega dje leu ei ku e israelitanan ta peka kontra Bo — tòg no tin ningun hende ku no ta hasi piká —, Bo ta bira furioso riba nan i entregá nan na nan enemigunan ku ta kohe nan prezu i hiba nan nan pais, ei serka òf leu.

1 Korintionan 3:18

No gaña boso mes. Si un di boso ta sintié sabí segun norma di e mundu akí, lag'é bira un hende loko segun mundu pa e por bira un sabio di bèrdat!

Job 14:4

Ken por saka algu puru for di loke ta impuru? Niun hende!

2 Krónikanan 6:36

Kisas por yega dje leu ei ku e israelitanan ta peka kontra Bo — tòg no tin ningun hende ku no ta hasi piká —, Bo ta bira furioso riba nan i entregá nan na nan enemigunan ku ta kohe nan prezu i hiba nan un pais, serka òf leu.

2 Huan 1:2

Mi ta stima boso, pasobra e bèrdat ta biba den nos kurason i lo keda den nos pa semper.

1 Huan 1:6

Si nos ta bisa ku nos tin komunion kunÉ, ma ta biba den skuridat, nos ta gaña i no ta praktiká bèrdat.

Hakobo 1:22

No gaña boso mes i kere ku djis skucha palabra di Dios ta sufisiente; sea hende ku ta pone e mensahe den práktika!

2 Timoteo 3:13

i hende malbado i gañadó lo bira dia pa dia pió. Nan lo sigui gaña hende i hende lo sigui gaña nan.

Job 9:2

‘Ai sí, mi sa tur e kosnan ei kaba, pero kiko un hende mester hasi awor pa Dios deklar'é hustu?

3 Huan 1:3

Pasobra mi a keda mashá kontentu, ora algun ruman a bin konta mi di bo dedikashon na e bèrdat; sí, ta bo kustumber di biba konforme bèrdat.

2 Pedro 2:13

Asin'ei nan lo paga ku sufrimentu pa e sufrimentu ku nan a kousa otro hende. Nan idea di plaser ta di entregá nan mes na libertinahe di dia kla; nan ta un bèrgwensa i skandal na boso mesa, ora nan ta sinta gosa nan mes gañamentu.

Yeremías 2:35

“Mi ta inosente. SEÑOR no ta rabiá ku mi mas.” Pero awor hustamente pasobra bo ta bisa: “Mi no a hasi nada malu”, p'esei mes Mi ta kuminsá un kaso kontra bo.’

Huan 8:44

Diabel ta boso tata i boso ke pone e deseonan di boso tata den práktika. E ta un matadó for di kuminsamentu, i nunka e no a aten'é na bèrdat, pasobra e no tin bèrdat den dje. Ora ku e gaña, e ta gaña di naturalesa, pasobra e ta un gañadó i tata di mentira.

Romanonan 3:10

Manera tin skibí den Skritura: No tin niun ku ta hasi bon, ni sikiera ún!

1 Huan 4:20

Si un hende bisa: ‘Mi ta stima Dios’, pero e no ta stima su ruman, e ta un gañadó! Pues si un hende no por stima su ruman, ku e ta mira, e no por stima Dios, ku e no ta mira, tampoko.

Levítiko 13:12

Si di otro banda e saserdote tin impreshon ku e malu a plama riba tur e kueru i ku henter e kurpa, di pia te kabes, ta afektá,

2 Reinan 20:15

Isaías a puntra: ‘Kiko nan a weta den bo palasio?’ Ezekías a kontestá: ‘Nan a weta tur kos ku tin den mi palasio; no tin nada den mi kambernan di warda tesoro, ku mi no a mustra nan.’