1 Huan 1:3 - Papiamentu Bible 2013

³ Ta loke nos a mira i tende nos ta proklamá na boso, pa boso por tin komunion ku nos, meskos ku nos tin komunion ku Tata i ku su Yu Hesu-Kristu.

Beibel na Papiamentu Koriente 2013

³ Ta loke nos a mira i tende nos ta proklamá na boso, pa boso por tin komunion ku nos, meskos ku nos tin komunion ku Tata i ku su Yu Hesu-Kristu.

1 Huan 1:3 Referans Kwoze

1 Korintionan 1:9

Dios ta fiel, E ku a yama boso pa biba den komunion ku su Yu, nos Señor Hesu-Kristu.

Huan 17:3

I bida eterno ke men: konosé Abo, e úniko Dios berdadero, i konosé Kristu-Hesus, Esun ku Abo a manda.

Echonan 4:20

Di nos banda ta imposibel pa nos keda sin konta loke nos a mira i tende.’

Huan 17:21

Tata, mare nan tur por ta ún, manera Abo ta den Mi i Ami den Bo, pa asina nan por ta den nos, pa mundu kere ku Abo a manda Mi.

Filipensenan 2:1

N' ta asina ku mi a ekshortá boso na nòmber di Kristu, kurashá boso ku amor? N' ta asina ku boso a eksperensiá komunion pa medio di Spiritu Santu i kompashon i mizerikòrdia di Dios?

2 Korintionan 13:14

Grasia di Señor Hesu-Kristu, amor di Dios i e komunion ku Spiritu Santu ta duna sea ku boso tur.

1 Huan 1:7

Ma si nos ta biba den lus, manera Dios ta den lus, nos lo tin komunion ku otro, i sanger di Hesus, su Yu, ta purifiká nos di tur piká.

1 Huan 1:1

Nos ta skibi boso tokante Esun ku ta e Palabra di Bida. Loke tabata eksistí for di prinsipio, nos a tende i nos a mira ku nos mes wowo; nos a kontempl'É i ku nos mes man nos a mishi kunÉ.

Hebreonan 3:14

Pasobra nos tin parti na Kristu, si nos mantené e konfiansa ku nos tabatin na prinsipio, te na final.

Filipensenan 3:10

Mi ke konosé Kristu, eksperensiá poder di su resurekshon i kompartí su sufrimentu; mi ke bira manera E den su morto.

1 Pedro 5:1

Mi ta hasi un apelashon serio na boso ku ta ansiano di iglesia. Ademas mi tambe ta un ansiano meskos ku boso, testigu di Kristu su sufrimentunan i mi tin parti tambe den su gloria benidero.

Hebreonan 3:1

P'esei, rumannan, boso ku ta pertenesé na Dios i ku El a yama pa ta di djE, paga bon tinu na Hesus, Apòstel i Gransaserdote di e fe ku nos ta profesá.

Kolosensenan 1:13

El a reskatá nos for di poder di skuridat i a pasa nos pa reino di su Yu stimá.

Echonan 20:27

Pasobra mi a anunsiá boso henter plan di Dios, sin tene nada atras.

1 Huan 1:5

Esaki ta e mensahe ku nos a tende di Dios su Yu i ku nos ta anunsiá na boso: Dios ta lus i den djE no tin niun tiki skuridat.

Hebreonan 2:12

ora E bisa Dios: ‘Lo Mi konta mi rumannan di bo Nòmber i alabá Bo den presensia di nan tur.’

1 Timoteo 6:2

Katibu den sirbishi di e kreyentenan no mester menospresiá nan shon pasobra nan ta ruman den fe. Al kontrario, nan mester sirbi nan shon mihó, pasobra esnan ku ta risibí e benefisionan di nan sirbishi ta kreyente i ruman stimá. Instruí i animá e hendenan ku loke mi a bisa aki.

Filipensenan 1:7

Boso tin un lugá den mi kurason! P'esei mes ta korekto ku mi ta pensa asin'akí di boso tur ku ta tuma parti na e grasia ku mi a haña di Dios, awor ku mi ta den prizòn i tin ku defendé e bon notisia i konfirmá su bèrdat.

Efesionan 3:6

Anto esaki ta loke tabata skondí: ku esnan ku no ta hudiu, pa medio di predikamentu di e bon notisia i di nan union ku Kristu, huntu ku nos, ku ta hudiu, ta tuma parti na e mesun herensia, ta bira miembro di e mesun kurpa i ta risibí e mesun promesa di Dios.

1 Korintionan 1:30

Pero pa medio di Dios boso ta den Kristu, kende a bira nos sabiduria, nos hustisia, santidat i liberashon.

1 Tesalonisensenan 1:10

i spera binida di Dios su Yu for di shelu; ta Hesus ku El a lanta for di morto. E ta libra nos di e kastigu benidero.

1 Korintionan 15:1

Awor, rumannan, mi ke pa boso kòrda e bon notisia ku mi a prediká na boso. Ta e bon notisia ei boso a aseptá i ta riba dje boso ta firme pará.

Romanonan 15:27

Nan a hasié boluntariamente, ounke en realidat ta nan obligashon. Pasobra meskos ku e no hudiunan a haña un parti di e bendishonnan spiritual di e hudiunan, esnan no hudiu mester kompartí loke nan ta poseé ku esnan hudiu.

Echonan 13:41

“Mira, hasidónan di bofon; keda asombrá i muri! Pasobra Mi ta hasi algu den boso tempu, algu ku boso lo no a kere nunka, asta si un hende splika boso e!” ’

Echonan 13:32

Asina ei nos tambe ta prediká e bon notisia na boso awor akí: Dios a realisá e promesa ku El a hasi na nos antepasadonan.

Echonan 2:42

Tur e kreyentenan tabata fiel na siñansa di e apòstelnan i na e bida den nan komunidat, i fielmente nan tabata kibra pan i hasi orashon.

Huan 17:25

Tata hustu, ounke mundu no konosé Bo, Ami sí tabata konosé Bo i e hendenan akí a bin haña sa ku t'Abo a manda Mi.

Huan 17:11

Awor Ami ta bini serka Bo; Mi no ta keda den mundu mas, ma nan sí ta keda den mundu. Tata santu, warda nan pa medio di poder di bo nòmber, e nòmber ku Abo a duna Mi, pa nan por ta ún manera nos ta ún.

Salmo 22:22

Lo mi konta mi rumannan di bo nòmber i alabá Bo den presensia di nan tur.

Isaías 66:19

I Mi ta bai duna nan un señal: Algun di nan lo skapa di e huisio. Ta nan Mi ta manda serka pueblonan ku no konosé Mi, manera Tarsis, Pul i Lud, pueblonan ábil ku bog; serka Tubal i Gresia i e islanan di mas leu, ku no a tende di mi fama ni nunka no a sinti mi poder. Nan lo proklamá n'e pueblonan akí kon poderoso Mi ta.

Salmo 2:7

Mi ke papia dje dekreto di SEÑOR. E di ku mi: ‘Bo ta mi yu; awe M'a duna bo bida.

Huan 19:35

Esun ku a mira esaki, ta testiguá pa boso tambe kere; su testimonio ta kuadra ku bèrdat i e sa ku e ta papia bèrdat.

2 Pedro 1:16

Pasobra ora nos a siña boso tokante nos Señor Hesu-Kristu su poder i binida, no ta tras di kuenta di webu di gai nos a bai; nò, nos a mira su grandesa ku nos mes wowo.

Numbernan 10:32

Si bo bai ku nos, nos ta laga bo toka parti den e bondatnan ku SEÑOR ta bai duna nos.’

Job 13:1

Komprondé mi bon, tur loke mi a papia, ta mi mes wowo a mira, mi mes orea a tende i mi a komprondé tur kos bon kla.