Luki 1:48 - Dónbeenì páaníi fĩnle vũahṹ

⁴⁸ Lé bìo le lora mí ton-sá hã́a na bìo ɲúhṹ mía. Bìo kà wán á ɓa nùpua ɓúenɓúen na wee te lè mí pɔ̃̀nna á à bío lé ĩ bìo se.

Luki 1:48 Referans Kwoze

Luki 11:27

Bìo ó o Yeesu dĩ̀n wee bío, à bṹn ò o hã́a ɓúi na wi ɓa zã̀amáa tĩ́ahṹ bía nɔn wo yi pɔ̃́npɔ̃́n: «O hã́a na ton fo á yɛ̀ɛnía ɓɛ̀ntĩ́n ɲúhṹ sĩ.»

Luki 1:42

ó o zoó bía pɔ̃́npɔ̃́n: «Ɓa hã́awa ɓúenɓúen tĩ́ahṹ ũnɛ́n lé yìa le Dónbeenì dúɓuaa wi wán, ó o za na sãní wi ũ wán á le mún dúɓuaa yi.

Luki 1:28

Bìo ó o Kabiriyɛɛle vaá zon o zĩi yi ó o tɛ̀ɛnía a yi: «Mari, foó. O Ɲúhṹso Dónbeenì wó mí sãamu làa fo: Orɛ́n mí bɛɛre mún wi làa fo. Wã́a zã̀maka.»

Luki 1:45

Yìa tà le bìo ó o Ɲúhṹso bía nɔn mí yi á à wé máa khí ɓɛ̀ntĩ́n bìo se.»

Luki 1:49

Lé bìo le Dónbeenì na dà mu bìo ɓúenɓúen á wó mu bè-beera nɔn miì. Le yèni po hã yènnáa ɓúenɓúen.