Zekaria 9:12 - KITAABA WAAQA

¹² Isani worri boojiani, ka amma abdi qabu, lafa teesani ta soda womatu inqamneti deebia. Anini ammatana isaniti hima, gaargala isani gaargaltani, eebaani maro lama isaniti deebisa.

Zekaria 9:12 Referans Kwoze

Aayubu 42:10

Jennaani eegi Ayubuni jaalani isa taani sadeeni Waaqa kad'ate. AABBO Waaqi ammalle isa horsiise, waan inni duri horate kaani ch'ufa ira harka lama kenneefi.

Isaya 61:7

Ch'eerafi fokoni teesani ya hobaate. Lafa teesani keesa teetani hormaata keesani maro lama isanii darani, gammadi keesanileeni ka jiru jireennaa taha.

Ebrania 6:18

Duuba waan lamati jira, ta injijiramneefi ta Waaqi dandae irati inkiyyimne.

Yeremia 51:10

AABBO Waaqi waan jed'u, gumiini tiyya lalabde waan jettu, AABBO Waaqi yayu d'uga nuu galche, koota, worra Yerusalemu d'anne, waan Waaqi keenna nuu tolche iti himna.

Yeremia 31:17

Abdiini injirti, aka takaa tana ilmaani tante worra ufiti galtu. Nami dubbi tana jed'e ana, AABBO Waaqa.

Nahumu 1:7

AABBO Waaqi dansa; guyya gaargala gumi ufii jabeese qorqorata; nama qarqaarsa isa ira fed'atu ch'ufa inuma tissa.

Hosea 2:15

Anini oobru isii ta zabibu isii deebise Bale Gaargala garagalche balbala abdi tolcha. Isiini achiti dubbi na jalaa qabdi, akuma gaafa kaima, ka isiini lafa Misiri keesaa baate na jalaa qabde kaani.

Isaya 40:2

Gumi Yerusalemu dubbi dansa iti dubbad'a. Waan jettaniini, gaargali keesani guddaani ya hobae, daba keesani amma la isanii araaramani. Anini maro daba keesanitifi yayu guddo isani gaargalche.

Yoeli 3:16

AABBO Waaqi Sioni ira mandie lalaba; qonqo isaa Yerusalemu keesati d'agayani; lafafi gubbaleeni chochoote. Ammo inni gumi ufii jabeese, worra Israeli qorqorata.

Ezekieli 37:11

Duuba Waaqi waan nani jed'e, Namicha, worri Israeli akuma lafele tana jira. Worri waan jed'u, Nu yayu gogonne, ufi jibbaanne, waan iti yaanule wollaale.

Mika 4:8

Atileeni Yerusalemu, fulla Waaqi aka tissitu gumi ufii tissu, deebite dira gudda taate, guddinnileeni kanke taha.

Isaya 52:2

Ee Yerusalemu, kai awaara gingilafad'i, barch'uma kanke ka hayyuma ira tai. Ee worra Sioni ka boojiani, sansalata isaniini hid'ani ufiraa fura!

Yeremia 31:6

Ee, guyyaani ind'ufa, ka nami woi eegu gaareeni Efraimu iraa iyye waan jed'u, koota gara AABBO Waaqa keenna, Sioniti nu yaasa.

Isaya 38:18

Nami fulla Ekhera jiru tokoleeni dandae si infaarsu, ekheraani dandeete si d'ugeefatte si inabdattu.

Isaya 49:9

Ammalle anini waan jara hid'aansa keesa jiruni jed'u, Ga baha! Worra dukana keesa jiruleeni waan jed'u, Ifsaati ga baha! Worri akuma hooliye gaareeni gubba oole, adaala kubii ch'ufa ira d'eeda.

Yeremia 50:28

(Nami Babiloni keesaa baqate Yerusalemu d'ufe waan jed'u, AABBO Waaqi keenna ya worra Babiloni haalo baafate, waan worri nama Waaqa qulqullo balleesefi.)

Ebrania 6:19

Abdiini tuni jabduu aka male nu jabeesiti. Isiini jabdufi d'uga, ammalle golla Mana Waaqa ka gubba jiru keesa seenti, haga Fulla Qulqullo.

Isaya 24:22

Waaqi worra lafa mohatu suni boola keesati wolti guure hid'a. Inni booluma keesati worra lakisa, haga guyyaani worra gaargalchani gahuti.

Yeremia 14:8

Abdiini Israeli siuma; nami gaargala keesaa nu baasu si male injiru. Atini maafi lafa teenna keesati keessuma karaa deemtu, ta halkani toko ch'alla worra namaa bulte, fakaata?

Yeremia 16:19

Ee AABBO Waaqa, atini irre tiyyafi jabeenna kiyya; nami guyya gaargala na qarqaaru siuma. Gochiti muumme lafati d'ufte waan siini jettu, Ababooti teenna waaqa d'ara, ka harkaani boch'ani, ka woma nama imbaane ch'alla gula yaate.

Yeremia 17:13

Ee AABBO Waaqa, nami Israeliini abdatu sii, nama si lakisu ch'ufa inch'eersani. Worri akuma maqa d'uke keesati t'aafani bada, waan si AABBO Waaqa, bisaani madda jireenna lakiseefi.