Zekaria 9:1 - KITAABA WAAQA

¹ Tunini dubbi AABBO Waaqi biyyati hime: Waaqi lafa Hadrakitiifi dira Damaski ya gaargala iti mure. Gosa Israeli ch'allaniti, ammo diri guddaani ka Sirialeeni kama AABBO Waaqaati.

Zekaria 9:1 Referans Kwoze

Malaki 1:1

Tunini dubbi AABBO Waaqi Malakiini, Worra Israeliti himi jed'e.

Zekaria 5:4

AABBO Waaqi Guddaani waan jed'u, Anini woraqata abaarsa ira t'aafani kana lafa keesa erga; duuba inni mana hattu ch'ufafi ka nama waan d'ara kakhatuti seene, mana suni keesa tae, balleese gargari jissa.

Amosi 3:12

AABBO Waaqi waan jed'u, Akuma tissituuni miila lama yokhaani gurra tokofa, ka hori nyeench'i nyaate iraa buuftu, akasuma nami takeeni dira Samaria, ka amma sireefi barch'uma dadansa ira tatau, iraa hafa.

Yeremia 16:19

Ee AABBO Waaqa, atini irre tiyyafi jabeenna kiyya; nami guyya gaargala na qarqaaru siuma. Gochiti muumme lafati d'ufte waan siini jettu, Ababooti teenna waaqa d'ara, ka harkaani boch'ani, ka woma nama imbaane ch'alla gula yaate.

Isaya 52:10

AABBO Waaqi irre ufi qulqullooni gumi ufi baasa, duuba waan suni lafti ch'ufti inargati.

Isaya 13:1

Kunini d'aamsa lafa Babiloni ka AABBO Waaqi Isaya ilma Amoziti d'aame.

Faaru 145:15

Wonti lubbu qaba ch'ufti si laalti, ammalle yo worri sagale fed'u atini inkennitafi.

Faaru 25:15

Anini hojja ch'ufa qarqaarsa AABBO Waaqa ira barbaada, inni hojja ch'ufa gaargala keesaa na baasa.

2 Odu duri 20:12

Atini Waaqa keenna, worra kana balleesi, nu irree duula muumme inqamne kanani haanu inqamnu. Nu waan taanu imbeennu, yo atini nu qarqaarte male.

Uumama 14:15

Achi geennaani inni jara isaa fullaa fullaa qoode, halkaniini nyaapa suni lole dabsate, haga Hoba, ka dira Damaski mirgaa, had'e

Amosi 1:9

AABBO Waaqi waan jed'u, Worri Tiro ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko, ta qara wold'aqani oboleesa woli taani, dabse harka worra Edomu ka nyaapa worrati kenne.

Nahumu 1:1

Tunini waan dira Ninawi, ka Nahumuuni, nami gosa Elkoshi, daayyani arge.

Yeremia 32:19

Atini heregaafi mala jaba qabda, waan jabdule siumati tolcha; atini waan nami tolchu ch'ufa agarte huji isaa gula woi kennitaafi.