Zekaria 7:6 - KITAABA WAAQA

⁶ Ammalle gaafa isani nyaattani d'uddani, ufumaafi nyaattani d'uddaniniti?

Zekaria 7:6 Referans Kwoze

1 Korintho 10:31

Duuba waan tolchitani ch'ufa, yo nyaattani d'uuddanile, maro guddinna Waaqaatiifi tolcha.

Hosea 8:13

Sorio naa qalani, fooni sorio sunile nyaatani, ammo anini, AABBO Waaqi, sorio suni gammadaani imfud'ad'u. Amma anini ch'ubbu worraa qaabad'e, maro ch'ubbu sunitiifi worra gargalche, lafa Misiriti deebisa!

Kolosai 3:17

Waan isani jettaniifi waan tolchitani ch'ufa keesa maqa Aabbo Yesotiini tolcha, ammalle maqa isaatiini Waaqa Abba galata deebisa.

Hosea 9:4

Lafa biyya suni keesati daad'i AABBO Waaqaa d'ibayu imbaasani, yokhaani soriole imbaasaniifi. Sagaleeni worri nyaatu nama nyaatu ch'ufa int'ureesiti, akuma sagale hojja nama awaalani nyaatani. Sagaleeni suni beeluma ch'alla baafti, tokole fuud'ani Mana Waaqatini d'ufani sorio imbaasani.

1 Odu duri 29:22

Akanaani guyya suni, AABBO Waaqa durati, nyaatani d'ugaani gammadani. Jennaani maro lameeso Solomoni ilma Daudi hayyu Lalabani, maqa AABBO Waaqatini isa muudani, hayyu tolchani, Sadokile qaallu tolchani.

1 Samueli 16:7

Ammo AABBO Waaqi waan isaani jed'e, D'eerinnaafi mid'aaguma isaa iniilalini, anini yayu isa dide. AABBO Waaqi waan nami laalu iniilaalu. Nami nama nafuma ala laala, ammo AABBO Waaqi garaa keesa ilaala.

Qaabacha Seera 14:26

waan feetanini bitad'a — looni taanaani, ree taanaani, daad'ifi farsole taanaani — achiti AABBO Waaqa keesani dura, worra keesani woliini, nyaad'a quufa gammada.

Qaabacha Seera 12:7

Achiti, AABBO Waaqa keesani ka isani eebise durati, isanifi worri keesani sagale nyaattani waan dansa isani hojattani iraa gammaddani.

Isaya 43:23

Isani sorio hooliye teesani ta gubani na baasu diddani; isani sorio teesanini na inguddimne. Anini sorio naa baasa jed'e isani ingargalchine, yokhaani hit'aana na aarsa jed'e isani indad'absiimne.

Isaya 58:3

Biyyiti waan jettu, Nu maafi ufi agabsina, ka AABBO Waaqi waan suni nuu ingarre? Nu maafi sagale nyaachu dinna, ka inni nu iyyaalle? AABBO Waaqi waan worraani jed'u, Wonti anini akasi tahefi, waan isani guyya ufi agabsitani suni, fed'i teesani gula yaatani nama isanii hojatu dabsitanifi.

Zekaria 7:5

Waan atini nama lafatifi qaaloleeni jettu, Gaafa isani jia shaneesotiifi ka torbeeso ufi agabsitani ganna torbatama bootani, isani d'uguma naa jettani akasi taatani?

Zekaria 7:7

Gaafa diri Yerusalemu waan ch'ufa qabu, ka nami keesa guute, ammalle ka nami hedduuni dira d'aatutiifi arda bitatiifi lafa gamooji ta ila galchu keesa jiru, dubbini tunini dubbi AABBO Waaqi afaani raagoota duritiini jed'eeniti?