Zekaria 6:13 - KITAABA WAAQA

¹³ Nami Mana Waaqaa jaare guddinna hayyu argate gosa ufii fidu isuma. Qaallichi toko barch'uma isaa ka hayyu d'aatu eje, wold'agayani woliini taani.

Zekaria 6:13 Referans Kwoze

Faaru 110:4

AABBO Waaqi ya kakhate, kakhu suni guutuu male intau: inni waan jed'e, Atini haga jiru jireenna aada Melkizedeki gula qaallu taata.

Ebrania 3:1

Oboleyaani tiyya ta Kristiana, Waaqi ya isanile yaame! Yeso ka Waaqi erge, aka Qaallu Gudda d'ugefacha teenna tahu, ilaala.

Isaya 22:24

Ammo fit'a isaatiifi nami isaani bulu isa gaargalcha. Worri akuma okholeefi sorora fafannisani, isati fafannifama!

Isaya 11:10

Guyyaani ind'ufa, ka nami d'aloota Daudi hayyu tahe, akheekha gosa ch'ufaa tahu. Worri dira isaa keesati wolti bahe isa guddisa.

Isaya 9:6

Daimi ya nuu d'alate! Ilma ya nuu kennani! Isati hayyu keenna taha. Maqaani isaani yaamani: Abba mala dansaa, Waaqa Guddaya, Abba jiru jireenna, Hayyu Nagaya.

Faaru 21:5

Maro qarqaarsa keetitifi guddinni isaa yayu guddate; atini yayu gurrafi ulfinna gudda kenniteefi.

Mudhii Yohaannisii 3:21

Nama dabsatu anini d'awatu tiyya barch'uma kiyya ira teesisa, akuma anini dabsad'e amma Aabbo woliini barch'uma isaa ka guddinna ira tau.

1 Petro 3:22

ka gubbati oldeebie harka Waaqa ka mirga tae, malaikafi jabeennaafi humna gubba jiru ch'ufa fidu.

Ebrania 6:20

Yesoni ya maro teennaafi nu dura seene. Inni ya qaallu gudda haga hegeri tahe, aada qaalluma Melkizedeki gula.

Kolosai 1:2

Gara gumi Waaqa ta Kolosai jirtu, oboleyaani teenna ta d'uga Kristo keesa jirtu. Waaqi Abbaani keenna eebafi nagaya isanii kenninna.

Roomaa 5:1

Tanaafi waan maro d'ugefachatifi d'uga nu hereganiifi nu amma Waaqaani wolti nagaya qamna, maro Aabbo keenna Yeso Kristotiifi.

Zekaria 6:11

Qarsifi worqi worri d'ufeeni sunini ruufa mid'aasi, mata qaallicha gudda Yoshua, ilma Yehosadaki jed'ani ira kayi.

Zekaria 4:14

Jennaani isiini waan jette, Jari kuni lamaani worra Waaqi, abba lafa ch'ufaa, fohate muude aka worri huji isaa hojatu.)

Mika 5:4

Inni gaafa d'ufu jabeenna AABBO Waaqatifi guddinna isaatiini gumi ufii tissa. Gumiini isaaleeni nagayaani teeti, waan nami lafa keesa jiru ch'ufti guddinna isaa beekhuufi;

Yeremia 23:6

Gaafa inni hayyu tahu, worri Yuda soda nyaapa jalaa bahe, worri Israelileeni nagayaani taa. Maqaani isaani yaamani AABBO Waaqi d'uga keenna.

Isaya 54:10

Ato gaareeni chochoosani kubilele balleesani, jaalalti anini isi jaalad'u ind'umatu, anini kakhu tiyya ta nagaya haga jiru jireenna jabeesa. AABBO Waaqi ka sii nahu akana jed'a.

Uumama 14:18

Jennaani Melkizedekiini, ka hayyu Salemu, ka ammalle qaallu Waaqa Guddaa, qit'afi daad'i Abramuu geese

Faaru 110:1

AABBO Waaqi waan hayyicha abba kiyyatiini jed'e, Kooti arma moga tiyya ta mirga tahi, haga anini nyaapa kanke miila kanke jalati deebisuti.

Isaya 9:7

Jabeenni inni namaani fidu inhobau, lafti inni fidu yo ch'ufa nagaya qabdi. Inni barch'uma Daudi, ka hayyuma, ira tae nama fida; inni d'ugaafi qajeelumaani nama fida, haga ammatiifi haga hegerile. AABBO Waaqi guddaani waan suni guutu male illakisu.

Yeremia 23:5

AABBO Waaqi waan jed'u, Guyyaani ind'ufa, ka anini d'aloota Daudi keesa nama d'uga toko fohad'e hayyu tolchu. Hayyichi sunini kara dansaani nama fidde, waan d'ugaatifi ka qajeela lafa ch'ufa keesati tolcha.

Yeremia 33:15

Gaafasi anini d'aloota Daudi keesa nama d'ugaa toko fohad'e, hayyu tolcha. Inni waan d'ugaatifi ka qajeela lafa suni keesati tolcha.

Zekaria 4:9

Zerubabelini nama Mana Waaqa kana yayabe, ka hobaasuleeni isuma. Yo wonti kunini taate, gumiini tiyya, aka nami gara worra si erge ana, beeti.

2 Samueli 7:13

Nami mana naa jaaruleeni isuma anini ammalle hayyuma isaa haga jiru jireenna iraa infuud'u.

Faaru 21:4

Inni jireenna si kad'annaani, jireenna haguma jiru ind'umanne kenniteefi.

Isaya 9:5

Kobele worra duulaatiifi woya isaani, ta d'iigi balleese, ibidaani gubani.