Zekaria 3:8 - KITAABA WAAQA

⁸ Duuba Yoshua, qaallicha gudda ch'aqasi, ammalle qaalole wahela isaa isanileeni ch'aqasa, isani akheekha dansa milki ka d'ufu: anini hojattu tiyya ta Dame jed'aniini d'ufa!

Zekaria 3:8 Referans Kwoze

Yeremia 23:5

AABBO Waaqi waan jed'u, Guyyaani ind'ufa, ka anini d'aloota Daudi keesa nama d'uga toko fohad'e hayyu tolchu. Hayyichi sunini kara dansaani nama fidde, waan d'ugaatifi ka qajeela lafa ch'ufa keesati tolcha.

Isaya 11:1

D'alooti Yese hunda mukha murani fakaata; ammo akuma dameeni latte hunda suni iraa baatu, akasuma hayyuuni d'aloota isa keesa d'alata.

Zekaria 6:12

Duuba waan jettuuni, AABBO Waaqi Guddaani waan jed'u, Namichi Dame jed'ani sunini aka dansaa fulla jiru suniiti late bahe Mana AABBO Waaqaa jaara.

Yeremia 33:15

Gaafasi anini d'aloota Daudi keesa nama d'ugaa toko fohad'e, hayyu tolcha. Inni waan d'ugaatifi ka qajeela lafa suni keesati tolcha.

Isaya 53:2

Inni AABBO Waaqa durati akuma mukha late, hiddi isaa lafa goddu keesati bahu jira. Inni guddinnaafi mid'aaguma nu isani millannu inqabu, wonti nami millate isaani jaalatu tokoleeni injirtu.

Isaya 42:1

AABBO Waaqi waan jed'u, Hojattuuni kiyya ka anini jabeesu kuno kana, inni nama ani fohad'e, isumati na gammachiisa. Anini ya lubbu tiyyaani isa guute tanaafi gochiti ch'ufti maqa isaatini d'uga argatti.

Isaya 20:3

Dira Ashdodi kaani qabani jennaani AABBO Waaqi waan jed'e. Hojattuuni tiyya Isayaani haga ganna sadi kobeefi woya male qulla qunquma deema. Tunini akheekha waan lafti Misiritiifi ta Kushi iti deemtu garsiisu.

Isaya 4:2

Guyyaani ind'ufa, ka AABBO Waaqi dame lafa keesa jirtu ch'ufa guddise mid'aadu tolchu. Nami Israelii ch'ufti, ka hafe, mid'aani lafti sunini baaftu iraa gammade, kiyyibaani.

Ezekieli 12:11

Waan jettuuni, wonti anini amma tahu jiru kunini akheekha waan hegeri isaniti d'ufaati, isani boojiani lafa d'ibi isani geesani.

Isaya 53:11

Eegi guddo gaargale inni deebie gammada argate, aka gaargali isaa sunini wo namaa bahu beekha. Hojattuuni tiyya dansaani, ta guddo na gammachiiftu, ch'ubbu nama heddu fud'ata, aninileeni maro isaatiifi worraa araarama.

Isaya 52:13

AABBO Waaqi waan jed'u, Hojatu tiyya hujiini isa ch'ufti ineebifamti isa guddo ulfeesani guddinna iti kennani.

Isaya 49:5

Ato anini ind'alatini, AABBO Waaqi na fohate, hojatu ufi na tolche aka anini worra Yakobo galche, worra Israeli ch'ufa fuud'e isati deebisu. AABBO Waaqi guddinna naa kenne, irre naa tahe na jabeese.

Isaya 8:18

Anaafi ilmaani AABBO Waaqi naa kenne kunooti. AABBO Waaqi guddaani, ka gaara Sioni gubba tau, yayu nu erge, aka nu akheekhafi beesisa worra Israeliti taanu.

Luqaas 1:78

Waaqi keenna hojja ch'ufa naasu qaba; inni kayyo ta aka adu gubba nuti ifsa,

Ezekieli 37:24

Hayyuuni hojattu tiyya Daudi fakaatu toko hayyu worraa tae, worri hayyu takaa jalati bule aadaafi seera kiyya aka dansaa guuta.

Ezekieli 34:29

Anini lafa guddo mid'aani baaftu worraa kenne beelale lafa suni keesaa balleesa. Gochiti d'ibileeni deebite worra goyeesite intufattu.

Ezekieli 24:24

Duuba anini akheekha isanii taha, isani waan anini tae kana ch'ufa intaatani. AABBO Waaqi waan jed'u, yo wonti kunini taate, aka anini AABBO Waaqaa gudda beetani.

Isaya 49:3

Duuba inni waan nani jed'e, Ee Israeli, atini hojatu tiyya, maro teetifi biyyiti na faarsiti.

Faaru 71:7

Waan atini aka jaba na qorqorateefi, jireenni kiyya yayu akheekha nama hedduu tahe.

Ezekieli 12:6

Duuba worri ha sii, miha kanke gurmu ira keeyate ila hid'ate dukana keesa, ka gara imbeenne deemtu, si argu, wonti atini taatu kunini akheekha worra Israeliti taati.