Zekaria 2:8 - KITAABA WAAQA

⁸ Nami isani tuqe ya guma ilaa naa tuqe. Jennaani AABBO Waaqi Guddaani d'aamsa kanaani gara gosa gumi isaa saamte na erge waan jed'e.

Zekaria 2:8 Referans Kwoze

Faaru 17:8

Akuma atini ila tante qorqorattu, nu qorqorad'i; koola kanke jalati na d'ossi,

Qaabacha Seera 32:10

Inni lafa alooti isa arge, lafa bubbiftu gamoojiti fuud'e qorqorate, akuma ufi jabeesu jabeese.

Yohana 14:26

Ammo nami isani jabeesu, ka Lubbu Qulqullo jed'ani, ka Abbaani maqa kiyyaani ergu, waan ch'ufa isani barsiise waan anini isaniini jed'e ch'ufa isani qaabsiisa.

2Tasaloonqe 1:6

Waaqi waan qajeela intolcha: inni worra isani gaargalchu ingaargalcha,

Matayo 25:40

Hayyuuni waan jed'u, Waan anini isaniti himu, waan oboleyaani tiyya didiqo tanaa tolchitani yayu nale tolchitani.

1 Yohona 4:14

Ammalle nu ya garre ammalle biyyati odeesina aka Abbaani Ilma ufi erge, aka Qarqaarsa lafaa tahu.

Yohana 17:18

Akuma atini lafati na ergite, akasuma anileeni worra lafa keesa erge.

Malaki 3:1

AABBO Waaqi Guddaani waan jed'u, Anini ergattu tiyya erga, ta kara naa mid'aasitu. Duuba AABBO Waaqi ka isani barbaaddani tassa Mana isaa ka eebati d'ufa. Ergattuni isani guddo eeddani d'ufte, wold'aqisa kiyya odeesiti.

Sefania 2:8

AABBO Waaqi Guddaani waan jed'u, Anini worra Moabutiifi ka Amoni, ka gumi tiyya arabse goyeese, Lafa teesani fud'anna jed'u, ya d'agaye.

Habakuki 2:8

Isani nama gosa heddu saamtani, ammo worri nami hafe isani saama; wonti akanatiifi isani nama ijeeftani ammalle nama lafa keesa jirufi dira worrale haatani.

Mika 7:10

Duuba nyaapi kiyya waan kana arge, nami qara na goyeese, Waaqi kanke me? naani jed'e inch'eera. Anini nyaapa suni ka aka d'oqe karaati d'id'iitani arga.

Mika 5:6

Irre woraanatiini worri worra Ashuru suni dabsate, worri suni gaafa worri kaani d'ufe lafa teenna had'u duraa nu baasa.

Mika 4:11

Amma gochiti hedduuni wolti baate isani haate waan jettu, Sioni balleesani t'ureesu malani! Ilti teenna ha dira kana ka one bade agartu!

Amosi 1:13

AABBO Waaqi waan jed'u, Worri Amoni ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi gaafa worri lafa d'ibi fed'ata nama had'e, nad'eeni lafa Gileadi ta garaacha qabdule garaa tarsaasani.

Amosi 1:11

AABBO Waaqi waan jed'u, Worri Edomu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri oboleyaani isaani ta Israeli naasu d'abeefi woraanaani reebe. Dallansuuni worraa haga inqabdu, iraale ingaltu.

Amosi 1:9

AABBO Waaqi waan jed'u, Worri Tiro ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko, ta qara wold'aqani oboleesa woli taani, dabse harka worra Edomu ka nyaapa worrati kenne.

Ezekieli 35:5

Isani haguma duriti nyaapuma Israeliti, ammalle nama isi harka nama woraanaani nama fit'uti lakiftani, guyya maro ch'ubbu isiitiifi worra balleesani.

Ezekieli 26:2

Namicha, wonti worri Tiro gammadufi tana. Worri iyye waan jed'u, Yerusalemuni ya badde balbala isii ch'ufa ya ch'absani, daldali isii ya ch'ite. Eegi isiini badde, nu amma woi horanna!

Ezekieli 25:15

Wonti AABBO Waaqi guddaani jed'u tana: Worri Filisti yayu worra Yuda, ka haguma duriti woli nyaapa haalo hamtu fuud'e jibba keesa balleese.

Ezekieli 25:12

AABBO Waaqi guddaani waan jed'e, Worri Edomu worra Yuda aka hama haalo baafate, akanaani wollaala hama keesa ufi buuse.

2 Hayyoota 24:2

AABBO Waaqi duula heddu worra Babilonifa ka Shamufa ka Moabufa ka Amonifa lafa Yuda balleesiti iti erge, akuma AABBO Waaqa hojattu isaa ta raagatini jed'e kaani.

Uumama 20:6

Jennaani Waaqi oobju keesa waan jed'eeni, D'uguma anini imbeekha, aka atini waan d'uga seete taate, tanaafi anini ch'ubbu si d'owe isi bira gahu si d'owe.

Zekaria 2:11

Gaafasi gochiti hedduuni AABBO Waaqati d'ufte gumi isaa taati. Inni isani keesa tae, duuba isanileeni aka inni isaniti na erge beetani.

Zekaria 2:9

AABBO Waaqati isani had'e, nami duri isanii hojate garagale isani saama. Hojja woni kunini taate, nami ch'ufti aka AABBO Waaqi Guddaani na erge beekha.

Matayo 25:45

Inni waan jed'uuni, D'uguma, waan anini isaniini jed'u, yo isani worra didiqa kana qarqaaru diddani, yayu nale qarqaaru diddani.

Huji Ergattu 9:4

Inni lafati jige, qonqo toko d'agaye ta, Saulo, Saulo, atini maafi akana na gaargalchita? jetteeni.

Habakuki 2:17

Isani qara badda Lebanoni ch'irtani, ammo ammatana isani ch'irani. Isani qara bineensa isii fitt'ani, ammo bineensi sunini isani mudamsiise lubbu isani naqa. Wonti woni kunini taatuufi, waan isani d'iiga namaa jissitani nama fitt'ani namafi dira worrale ch'ufa saamtani balleesitanifi.

Mammaasa 7:2

Seera kiyya jabeesi, duuba injiraata. Barsiisa tiyya akuma ila tante qorqoratu qorqorad'u.

Yeremia 12:14

AABBO Waaqi waan jed'u, Anini gosa d'aatu Israeli teetu, ta lafa anini gumi tiyya ta Israeliti kenne balleesite, dubbi iraa qaba. Anini worra hamama suni lafa isaani keesaa aka mukha buqise, Yudale harka worraa jalaa baasa.

Yeremia 27:7

Gochiti ch'ufti isaafi ilma isaatifi akhaakhu isale jalati bulti, haga guyyaani lafti isaa baddu gahuti. Duuba gaafasi gochiti isaa gosa jabduufi hayyoota gugurdo jalati bulti.

Ezekieli 26:20

Anini boola ekhera keesa si buuse, worra haguma duriti achi jiruti si dara. Worra gadi ka due, ona worra suni keesa woliini teetani, deebie nami siti inqubatu, yokhaani atinileeni lafa nama jiru deebite keesa inteetu.

Ezekieli 38:14

Tanaafi, Namicha, fagi, waan Goguni jettu, AABBO Waaqi guddaani waan jed'u, Amma, ato gumiini tiyya ta Israeli ufumaa nagayaani teetu, atini

Isaya 49:19

Lafti tante qara ya badde ona taate ammo amma diqaate nama d'ufe iti qubatu fuud'u dad'abdi. Ammalle worra si balleese ona si tolche kaani siraa fageesani balleesani.

Ezekieli 36:11

Anini namaafi saa keesani ch'ufa horsiise lafa ira dabarsa. Isani lafa ira dabartani, ilmaani heddu d'altani. Anini akuma duri isani achi teetani kaani achi isani teesise, haga duri kaanile ira isani horsiise, isani deebansa. Duuba akanaani aka anini AABBO Waaqa beetani.

Ezekieli 38:11

waan jettu, Anini lafa nagaya ta nami isii dagu jiru, ka diri worraleeni naabofi fullo inqamne, had'a.

Zekaria 8:5

Ammalle kara isaale ijoolle d'iiratiifi ta dubra ta tabatuuti guuta.