Zekaria 2:6 - KITAABA WAAQA

^6-7 AABBO Waaqi waan gumi isaatiini jed'e, Anini qara lafa ch'ufati isani bitineese, ammo ammatana, isani worri boojiani, kakaa, lafa Babiloni keesaa baqad'a, Yerusalemuti gala.

Zekaria 2:6 Referans Kwoze

Ezekieli 17:21

Askarti isaa jajanna ch'ufa lola keesati fit'ani, ta baateleeni ch'ufti lafa ch'ufa keesati bitinoofti. Duuba akanaani, aka dubbi tana anini AABBO Waaqi jed'e, beetani.

Isaya 48:20

Babiloni keesaa yaa, worra Babiloni duraa baqad'a! Odu tana gammadaani lalaba odeesa, muumme lafale geesa; AABBO Waaqi yayu hojatu isaa Israeli baase jed'a.

Mudhii Yohaannisii 18:4

Jennaani anini qonqo d'ibi ta gubba baate akani jettu d'agaye: Koota, nama kiyya! Isi biraa koota! Ch'ubbu isii keesa inseeniina, gaargala isii inqoodatiina!

Ezekieli 11:16

Amma tana waan anini sini jed'u, Kana worra sii woliini boojianiti himi. Nami lafa suni worra achiti gargari firfirse anuma. Ammo hataatuti, haga worri achi lafa suni keesa tau anini worra woliini taa.

Qaabacha Seera 28:64

AABBO Waaqi lafa ch'ufa keesa haga muumme lafaa gargari isani firfirse, achiti waaqa d'ibi, ka mukhafa d'akha iraa mid'aasani kad'attani, ka isanifi ababooti teesani taka inkad'atiini.

Uumama 19:17

Malaikaani Waaqa toko waan jette, Oria, lubbu teesani baasa! Ufi duuba imillatiina, ammalle bale keesati inejatina; gaarati baqad'a, aka lubbuuni baatani.

Amosi 9:9

Anini amma seera gabaase worra Israeli aka mid'aani gingilchani gingilcha. Anini gosa ch'ufa keesa worra gingilche qulleesa.

Ezekieli 5:12

Nami keesani hagi toko beelafi d'ukubaani dira keesati hobaa; hagi toko dira keesaa bahe alati goraadeeni gatani; duuba ka hafele gara ch'ufa gargari firfirse, gula deeme goraadeeni balleesa.

Yeremia 51:50

AABBO Waaqi waan gumi isaa ta Babiloni jirtuuni jed'e. Isani ya lubbu duraa baatani! Woma ineegina, amma kaa, yaa! Ato isani worra keesani ira fago jiraatanile, ana AABBO Waaqafi Yerusalemu qaabad'a.

Yeremia 51:45

Gumi Israeli, arti baqad'a! Dallansu tiyya hamtu duraa baqad'a, lubbu ufi baasa.

Yeremia 51:6

Babiloni keesaa baqad'a, lubbu teesani baasa! Maro ch'ubbu Babilonitifi induina. Anini amma haalo baafad'e, akuma isii male gaargalchuu jira.

Yeremia 50:8

Worra Israeli, lafa Babiloni keesaa baqad'a. Lafa worraa keesaa baha, nama qara ka lafa suni keesa bahu taha!

Yeremia 31:10

AABBO Waaqi waan jed'u, Gosa ch'ufa, na ch'aqasa, dubbi tiyya lafa fago ta afaani galaana ch'ufati haasaa. Anini gumi tiyya ta Israeli gargari firfirse, duuba eege wolti deebise, akuma tissituuni hooliye ufi qorqoratu qorqorad'a.

Yeremia 31:8

Anini mirgaa worraani d'ufe muumme lafale worra guure galcha. Naafafi ballaleeni worra woliini d'ufe, nad'eeni garaacha qabdufi, ta diquma ind'alinileeni worra woliini d'ufti, worra gumi heddu muumme inqamneti gala.

Yeremia 15:4

Anini gumi tana waan nama lafa ch'ufaa rifachiisa tolcha, maro waan duri Manaseeni, ilmi Hezekia, gaafa inni hayyu Yuda, Yerusalemu keesati tolcheetifi.

Yeremia 3:18

Israelifi Yudaani takaa taate, wolumaani lafa qara worra iti boojiani, ta mirgati d'ufani, lafa anini duri ababoota isaniti d'aala kenneti galani.

Yeremia 1:14

Inni waan nani jed'e, Badiini mirgaa gabaafate nama lafa tana keesa jiru ch'ufa qabati;

Isaya 55:1

AABBO Waaqi waan jed'u, Nami d'eebu qabu ch'ufti koota, bisaani kunooti! Isani worri beese inqamne koota, mid'aani bitad'a, nyaad'a! Koota, aananifi daad'i beese male fud'ad'a!

Kitaaba Ruutii 4:1

Boaziini gara fullo dira suni d'aqe achi tae. Duuba namichi miilo aanti, ka Boaziini waan isaa dubbate kaani, gad'ufe. Jennaani Boaziini isa yaame waan jed'eeni, Jaali, kooti me, arma tai; inni gore tae.

Matayo 24:31

Magalata gudda d'aani, inni malaika ufi moga lafa afraaniti erga, gumi inni fohate haga muumme tanaafi haga muumme suni woltiguurani.

Mariko 13:27

Inni malaika erge nama inni fohate gama ch'ufa wolti guura, haga muumme lafatiifi ta gubba ch'ufa.

Faaru 44:2

aka atini gosa Waaqa imbeenne gussite, gumi tante lafa worra keesa qubsiifte; ammalle aka atini gosa d'ibi gaargalchite, ammo gumi tante eebifte horsiifte.

Ezekieli 5:10

Maro waan kanatifi worri Yerusalemu ilmaani ufi nyaate, ilmaanileeni worra isaani nyaati. Anini isani gaargalche, nama keesani ka lubbuuni baheele lafa ch'ufa keesa gara ch'ufa firfirsa.

Danieli 11:4

Eegi inni irre guddo horate, lafti inni mohatu suni irre d'abde, fulla afuriti gargari qoodamte baddi. Hayyoota d'aloota isaa intahiniti d'ufe lafa mohata, ammo worri irre aka inni qabu taani inqabu.

Yeremia 31:38

AABBO Waaqi waan jed'u, Guyyaani ind'ufa, ka dira Yerusalemu ch'ufa deebiani naa jaarani, haguma doofi Hananeliti iti keeyatani Fullo mogaati d'aabani.

Zekaria 1:16

Tanaafi anini amma dira Yerusalemuu deebie nahaafi. Mana kiyya ka iti na kad'atani deebiani jaarani, dirale jaarani.