Zekaria 14:2 - KITAABA WAAQA

² AABBO Waaqi gosa ch'ufa woltiini d'ufe Yerusalemu haasisa. Dira qabani, maneeni saamani, nad'eeni buufatani. Gumi suni wod'akumati gargari kutani boojiani ta hafte woma intolchani dira keesati lakisani.

Zekaria 14:2 Referans Kwoze

Isaya 13:16

Ila worraa durati, ilmaani worraa ch'ach'arasani hobaasani, maneeni worraa saamani, nad'eeni worrale buufatani.

Mariko 13:14

Ammo hojja waan jibbani ta nama rifachiisa, ta fulla tau himmalini teetu argitani (nami soomu ha hubatu), nami Yudea keesa jiru ha gaareeniti baqatu.

Matayo 22:7

Hayyuuni guddo dalane, askarti ufi erge, worra nama ijeese suni ch'ufa fit'e dira worrale gube.

Amosi 7:17

Tanaafi Amazia, AABBO Waaqi waan siini jed'u. Niitiini tante dira kana keesa sharmut'a taate, ilmaani tante goraadeeni fit'ani. Lafa tante qoodani biyyaa kennani, atileeni lafa nama Waaqa imbeenneti doota. Ammalle worra Israeli boojiani lafa d'ibiti geesani.

Yoeli 3:2

Anini gosa ch'ufa wolti baase, Bale Qorsumatiini d'ufe, achiti maro waan worri gumi tiyya tolchetiifi worra qora. Worri worra Israeli lafa gosa d'ibiti gargari bitineese, lafa tiyya ta Israelile gargari qoode.

Isaya 5:26

AABBO Waaqi gosa fago jirtu akheekha garsiise, worra muumme lafa jiru fiiquuni yaama. Duuba gochiti sunini hurifte utaalte d'ufti!

Luqaas 2:1

Bara suni seeri gara Kaisari Augustoti bahe aka maqa nama lafa ch'ufa t'aafani.

Mariko 13:19

Wonti akanatiifi guyya suni gaargala haga Waaqi lafa uume haga arrale nami taka inargiiniti d'ufa. Wonti akasi iti deebite lafa ind'uftu.

Boha 1:10

Nyaapi isi waan isiini olkeeyate ch'ufa yayu iraa saame. Isiini worra Mana Waaqa ka AABBO Waaqi gosa d'ibi ch'ufa seerate seenu agarte.

Yeremia 34:1

Gaafa Nebukadrezani hayyu Babilonitifi duula isaatifi duuli gosa d'ibi ka lafti worraa finna isaa jala jirtuleeni d'ufe Yerusalemufi dira d'aatu jiru ch'ufa had'e, AABBO Waaqi nani dubbate.

Isaya 65:18

Maro waan anini uume sunifi, gammada, qilit'ama. Wonti akanatiifi Yerusalemu hareetiini anini uume fulla gammada taate, gumiini isiileeni gammadi.

Yeremia 21:4

AABBO Waaqi Israeli waan jed'u: Sedekia, anini askarti tante ta hayyu Babilonitifi duula isatini woli haatu imballeesa. Anini woraana askarti teeti wod'aka dirati tuula.

Ezekieli 5:8

Tanaafi anini, AABBO Waaqi guddaani, waan isaniini jed'u, Anini amma nyaapa keesani. Anini ato gochiti ch'ufti agartu gaargala isanitini d'ufa.

Yoeli 3:9

Dubbi tana gosa ch'ufati hima: Had'iisa kurfefad'a; nama duulaa wolti yaama; nama keesani ka lolaale ch'ufa wolti yaama, woma ineegiina, lola d'aqa jed'a.

Zekaria 12:2

Anini dira Yerusalemu aka muduunu daad'ii tolcha; gochiti d'aatu isaa jirtu d'udde aka nama machae daat'i. Ammalle hojja Yerusalemu marsani dira Yuda d'ibile marsani.

Zekaria 12:3

Ammo hojja guyyaani suni d'ufu, anini Yerusalemu aka d'akha ulfaata tolcha; gochiti imfuuti iti gamtu ufi madeesiti. Gochiti lafa ch'ufaa wolti d'ufte isa haati.

Zekaria 12:9

Gaafasi ani gosa ch'ufa ta Yerusalemu haatu imballeesa.

Isaya 4:3

Nami Yerusalemu keesati Waaqi hambise qulqullo jed'aniini.