Zekaria 13:1 - KITAABA WAAQA

¹ AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani.

Zekaria 13:1 Referans Kwoze

Faaru 51:2

Hameenna kiyya ch'ufa naraa d'iqi, ch'ubbu tiyya ch'ufa na qulqulleesi!

1 Korintho 6:11

Isaniini garileeni duri akasi. Ammo amma ya isani d'iqani, ya isani qulqulleesani, ya maqa Aabbo Yeso Kristotiifi Lubbu Waaqa keennatiini Waaqaani wolti araaramtani.

Yohana 1:29

Boriyya Yohanani Yeso gara isa d'ufu jiru arginaani waan jed'e, ilaala, ilme hoola Waaqa, ta daba nama lafa ch'ufa fud'attu.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

1 Yohona 5:6

Yeso Kristoni d'iigafi bisaaniini d'ufe. Inni bisaani ch'allaani ind'umne ammo bisaanifi d'iigaani d'ufe. Aka wonti kunini d'uga Lubbuleeni yayu himte, maro Lubbuuni d'ugatiifi.

1 Yohona 1:7

Ammo yo akuma inni ifse keesa jiru nuleeni ifise keesa jiraanne wold'aqisa qamna; ammalle d'iigi Yeso, Ilma Waaqa daba keenna ch'ufa nura d'iqe qulqulleesa.

Yeremia 17:13

Ee AABBO Waaqa, nami Israeliini abdatu sii, nama si lakisu ch'ufa inch'eersani. Worri akuma maqa d'uke keesati t'aafani bada, waan si AABBO Waaqa, bisaani madda jireenna lakiseefi.

1 Petro 1:19

D'iiga Kristo ka guddo gati qabuti isani bite, ka aka ilme hoola bobotolefi miid'ama tokole inqamne.

Zekaria 12:3

Ammo hojja guyyaani suni d'ufu, anini Yerusalemu aka d'akha ulfaata tolcha; gochiti imfuuti iti gamtu ufi madeesiti. Gochiti lafa ch'ufaa wolti d'ufte isa haati.

Faaru 51:7

Daba kiyya naraa fuud'i, duuba inqulqullaa; na d'iqi duuba anini aka dansa qulqullae, addaad'e haama fakaad'a.

Ezekieli 36:29

Anini waan isani t'ureesa ch'ufa keesaa isani baase, isanii eebise, lafti teesanileeni aka isani deebitani beela ingarre, mid'aani guddo isanii baafti.

Ezekieli 36:17

Namicha, gaafa worri Israeli lafa ufi keesa tau kaani, worri woma taheeni lafa ufi t'ureese. Anini ammalle worra suni jibbe, worri niiti aada uwa qabdu, ta qulqullo intahini nati fakaate.

Isaya 4:4

Jabeenna isaatini AABBO Waaqi nad'eeni Yerusalemu qulqulleese ch'ubbu worratiifi d'iiga achiti jissani d'iqa.

Yeremia 2:13

Wonti akanatiifi gumiini tiyya yayu kara lamaani ch'ubbu tolchite: Worri yayu ana madda inch'inne lakise, qaba bisaani, ta babaqat'e bisaani keesa inteenne heddu qotate.

Yeremia 29:26

AABBO Waaqi yayu fulla Yehoyada qaallu si tolche, inni amma yayu gudda Mana Waaqa si tolche. Atini nama marata, ka raaga ufiini jed'u ch'ufa, sansalatani hid'i, haada sibiila mormati kayi.

Yeremia 33:8

Anini ch'ubbu worri duri nati ch'ubbame ch'ufa iraa qulqulleese, wollaala worri na dide keesa seene ch'ufa araaramaafi.

Ezekieli 47:1

Jennaani namichi fulla balbala Mana Waaqati na deebise. Bisaaniti balbala suni jala ilaboru yaa, gara Mani Waaqa fuula deefatu. Bisaani suni Mana Waaqa gama bita jala yaani, waan sorio irati baasani kaani moga bitaa qajeelani.

Lawi 11:36

Ammo maddofi qabaani bisaani qulqullooma ind'abdu, ato wonti d'ibiini reefi suni tuqe qulqullooma d'abdele.

Isaya 12:3

Akuma bisaani eela qullooni nama d'eebuu qabu gammachiisani, akasuma gumiini Waaqaa hojja inni worra baasu gammaddi.

Mika 5:12

Anini qud'aama keesani ka falfalaa isani iraa fuud'e worra keesani ka wo himule balleesa.

Yohana 5:4

waan maro gari malaikaani Aabbo haro suni keesa seente bisaani woch'isifitufi, nami fayya inqamne ka eegi bisaani woch'ani qara haro suni seene d'ukuba taatefu infaya.]