Zekaria 12:10 - KITAABA WAAQA

¹⁰ Anini ilmaani Dauditifi worra Yerusalemu kaani d'ibi herega naasutiifi ka kad'achatiini guuta. Duuba namicha woraanaani ijeesani kaani laalani, akuma nama ilma tokocha bohu bohaniifi. Aka worri ilmi angafa iraa due bohu, garaa hamaatani bohaniifi.

Zekaria 12:10 Referans Kwoze

Mudhii Yohaannisii 1:7

Me ilaali, inni dumansa keesa d'ufuu jira! Nami ch'ufti isa arga, jari duri isa woraaneleeni. Gochiti lafa ch'ufa maro isaatiifi booti. Ha akasuma taatu! Amini.

Ezekieli 39:29

Anini lubbu tiyya worra Israeliti erga, armaa achi deebie dudda iti ingalu. Nami dubbi tana jed'e ana, AABBO Waaqa gudda.

Yeremia 6:26

AABBO Waaqi waan gumi isaatini jed'u, ch'arqi naqad'a, daara keesa gangalad'a. Akuma ilma tokocha bohani, laalefad'a, boha, wonti akanatiifi nami isani balleesu fed'u tassa isaniti d'ufe isani had'a.

Huji Ergattu 2:33

Ya harka mirgicha Waaqati olfuud'ani, inni Lubbu Qulqullo isa ira argate, akuma Abbaani kakhate; wonti isani amma argitani d'ageettani kunini qarqaarsa inni nuu kenne.

Efessoon 6:18

Waan kana ch'ufa kad'achaani tolfad'a qarqaarsa Waaqa kad'ad'a. Hojja ch'ufa Waaqa kad'ad'a, akuma Lubbuuni isani agarsiiftu. Maro waan kanatifi hojja ch'ufa kurfo eegad'a; ufi injibaatiina, hojja ch'ufa gumi Waaqati kad'ad'a.

Roomaa 8:26

Akasuma Lubbuleeni d'ufte nu qarqaarti, ato lalaafo taanele. Nu aka kad'achu malle imbeennu; Lubbuti Waaqa nu kad'ata, waasa nami dandae afaaniini injenneeni.

Roomaa 8:15

Lubbuuni Waaqi isanii kenne sunini tisse isani intolchitu ammalle isani insodaachiiftu; ammo Lubbuuni ilmaani Waaqa isani tolchiti, ammalle jabeenna Lubbutiini Waaqati boonne, Aabbo, Aabbo jenna.

Matayo 24:30

Duuba akheekhi Ilma Nama gubbati mullata; gochiti lafa tana ch'ufti imbooti, Ilma Nama ka dumansa keesa jabeennaafi guddinnaani gadi buu argani.

Amosi 8:10

Anini jila teesani boha tolche sirba keesani ka gammada faaru bohaa tolcha. Anini mata keesani isani haadachiise ch'arqi hid'aanati isani naqa, duuba isani worra ilma ufii tokocha due bohu fakaattani. Guyyaani sunini haga muumme laalala jabdu qaba.

Ebrania 12:2

Yeso ufi durati laalla, waan d'ugefachaani teenna haga qaratiifi haga muummele isa keesa jirtuufi. Inni duisa maskali obse, maro gammada isa eegatuufi maskali gubbati duu inch'eerfanne, amma barch'uma Waaqa mirgaani taa.

Huji Ergattu 11:15

Akuma anini dubbi tiyya iti keyad'eeni, Lubbuuni Qulqullooni worra ira buute, akuma duri nura buute.

Huji Ergattu 10:45

Worri Yahudi ka d'ugefate ka Petro woliini d'ufe, waan Waaqi Lubbu ufi Qulqullo gosa d'ibile ira buusefi guddo mame.

Huji Ergattu 2:17

Waaqi waan jed'u, Guyya muumme anini akana tolcha: Anini Lubbu tiyya nama ch'ufa ira buusa; ilmaani teesani ta d'iiratifi ta uwaleeni imfaddi, kaimi keesani daayya arga, jaaroleeni teesanileeni oobju oobjatti.

Yeremia 50:4

AABBO Waaqi waan jed'u, Yo guyyaani sunini gahu, worri Israelitiifi ka Yuda bohaa d'ufe, ana Waaqa isaani barbaada.

Yeremia 31:9

Gumiini tiyya boote na kad'atti, ato anini worra galchuu jiru. Anini afaani galaana daandi qajeeltu worri keesati ingufanne gula worraani godaana. Anini abba Israeliti, ilmi kiyya ka angafa Efraimu.

Isaya 32:15

Ammo Waaqi deebie lubbu ufi nuu erga. Lafti badde taani wo baafte oobruleeni sagale baafti.

Yihudaa 1:20

Ammo isani, jaallaani tiyya, d'ugefacha teesani qulqullo jabeesa gula yaa. Jabeenna Lubbu Qulqullotiini Waaqa kad'ad'a,

Huji Ergattu 2:37

Biyyiti waan kana d'ageennaani guddo rifatte sodaatte waan Petrofi ergattu taaniini jette, Nu maani taana, oboleyaani?

Mammaasa 1:23

Gorsa kiyya ch'aqasa; anini dubbi dansaani isani gorse beekha kiyyale isanii qooda.

Faaru 51:12

Gammada baafami kanke namaa kennu naa deebisi, garaa sii saalfatu naa kenni.

Matayo 26:75

Petroni, waan Yesoni isaani jed'e, qaabate, Ato kormi lukuu iniyiini atini maro sadi na mormatta. Duuba inni alati bahe guddo bohe.

Yohana 1:29

Boriyya Yohanani Yeso gara isa d'ufu jiru arginaani waan jed'e, ilaala, ilme hoola Waaqa, ta daba nama lafa ch'ufa fud'attu.

Mammaasa 4:3

Gaafa anini ijoolle, ka abbaani kiyya anuma ch'alla qabu,

Isaya 45:22

Nati deebia, baafama argad'a, isani gumiini lafa ch'ufa keesa jirtu! Waaqi anuma, na male kad'ibini injiru.

Yeremia 31:19

Nu siraa gorre ammo eege siti deebiu feene, eegi atini nu gorsite nu qajeelchite, nu aka male ch'eere lafa lalale; wonti akanatiifi nu gaafa ijoolle ch'ubbu hojanne.

Ezekieli 20:43

Duuba isani akasiini, aka waan hamtu taatani ufi t'ureesitani qaabatani. Ammalle maro waan hamtu akasi suni taatanifi ufi jibbitani.

Ezekieli 37:14

Anini hafuura kiyya isani keesa kaye lubbu isaniti deebise lafa teesani keesa isani teesisa. Duuba akasiini aka dubbi tana AABBO Waaqi jed'e ammalle guute beetani. Nami dubbi tana jed'e, ana, AABBO Waaqa.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Uumama 45:1

Yusufuuni hojattu ufii durati ufi d'owu dad'abe jennaani waan jed'eeni, Isani ch'ufti na biraa baha. Tanaafi yo inni oboleyaani isaa ufi beesise, nami tokoleeni isa bira injiru.

Uumama 45:2

Inni aka taka inargini bohe jennaani worri Misiri ch'ufti d'agaye, oduuni suni mana Faraoleeni baate.

Henna 21:9

Jennaani Musani bofa sibiila diima iraa mid'aase mukhati fannise aka sila, nami bofi nyaate ch'ufti bofa sibiila suni millate fayyu.

1 Samueli 7:2

Sanduqi Wold'aqisa AABBO Waaqa guddo lafa Kiriath-Yearimu suni keesa ture haga ganna diddama tae. Haga ganna kana ch'ufa worri Israeli guddo AABBO Waaqati bohe qarqaarsa kad'ate.