Yoshua 9:9 - KITAABA WAAQA

⁹ Tana gula worri odu tana isati odeese: Aabbo, nu AABBO Waaqa kanke waan isaa d'ageenne lafa fagooti d'ufne. Nu ya waan inni lafa Misiri keesati tolche ch'ufa d'ageenne.

Yoshua 9:9 Referans Kwoze

Yoshua 9:24

Worri waan Yoshuani jed'e, Aabbo, woni nu akasi taanefi, waan nu d'ageenne AABBO Waaqi keesani d'uguma waan hojattu isaa Musani jed'e, Anini lafa tana ch'ufa isaanii kenna yo iti d'uftanile nama keesa jiru ch'ufa fit'a. Duuba woni nu akasi taanefi, guddo isani sodaanne, waan lubbu teennale d'amnu seene.

Qaabacha Seera 20:15

Aki isani dira lafa isani iti qubattani iraa fago tolchitani akana.

Isaya 66:19

aka nami worra gaargalchu anuma beekha. Ammo anini worra nama haga gari lakise, gosafi lafa fago, ta gurra kiyyaafi jabeennaafi guddinna kiyya ind'aagayiniti erga: lafti suni Tarshishi, Libia, Ludi ta nami isii t'iyole ammalle Tubalifi Yavani. Duuba gosa tana keesa worri guddinna kiyya odeesa.

Isaya 55:5

Isani gosa qara imbeenne yaamtani; worri qara isani imbeekhu ammo amma tana orie gara keesani d'ufa! Waan kana ch'ufa ana, AABBO Waaqa keesani, Waaqa qulqullo Israeliti, tolche, anini ulfinnaafi guddinna isanii kenna.

Faaru 148:13

Worri kunini ch'ufti ha maqa AABBO Waaqa faarsuti! Wonti akanatiifi maqaani isaa maqa waan ch'ufa ira jira; ammalle guddinni isaa lafafi gubbale ira jira.

Faaru 83:18

Worri ha aka atini AABBO Waaqi ch'allaani lafa ch'ufa mohate fidu, beekhuti.

Faaru 72:19

Maqa isaa dansa haga jiru jireenna ha faarsani! Guddinni isaa ha lafa ch'ufa guututi. Amini! Amini!

Nehemia 9:5

Jari Lawi kunini Yeshua, Kadmieli, Bani, Hashabneya, Sherebia, Hodia, Shebaniafi Pethahiyaleeni waan biyyaani jed'ani: Olkakaa, AABBO Waaqa keesani haga jiru jireenna faarsa! Nami ch'ufti ha maqa isa gudda faarsu, ato faaruni isa geetu jiraachu baatele.

1 Hayyoota 8:41

Hojja nami gosa d'ibi, ka lafa fago tau, gurra kanke jabaafi waan jabdu atini worra kanketi tolchite d'agaye, aka si kad'atu Mana kanati gad'ufe,

Henna 14:15

Amma hojja atini gumi tante ch'ufa hobaafte, gochiti gurra kanke jaba d'ageete waan jettu,

Bahisa 15:14

Gochiti waan suni d'ageete jennaani naate hollatte; worri Filisti aka hama mudame.

Bahisa 9:16

Ammo wonti anini isani fit'u dideefi, aka isani irre tiyya agartani, gurri kiyya lafa ch'ufaa gahu.

Huji Ergattu 8:7

Jinniini hamtuuni qonqo olfud'atte iyite nama heddu keesaa yaate; nami hedduuni ka kokotaefi ka naafate fayye.

Henna 20:14

Musani, ato Kadeshi jiru, nama hayyu Edomuti erge waan jed'eeni, Oboleyaani tante gochiti Israeli waan jettu, Atini gaargala nu arganne ch'ufa imbeeta,

Yoshua 9:10

Ammalle waan inni hayyoota lamaani Amori, ta Yordanini ila boru, tolche; hayyicha Sioni jed'ani ka Heshbonitifi hayyicha Ogu jed'ani ka Bashani, ta lafa Ashtarothi teetu ya d'ageenne.

Yoshua 9:16

Eeguma wold'aqisa nagaya kaani buufatani guyya sadi bulani, worri Israeli aka worri suni d'aatu worra tau hubate.

Yoshua 9:17

Jennaani worri Israeli kae guyya sadeeso dira worra sunitini bahe: diri sunini Gibeoni, Kefira, Beerothifi ammalle Kiriath-Yearimu.

Qaabacha Seera 20:11

Yo worri fullo banate harka kennate, worri ch'ufti ha tisse isanii tahuti, irreeni hojachifad'a.

Faaru 78:12

Ato ababooti worra ilaaltu, Waaqi diida Soani ka lafa Misiri keesati waan mama tolche.