Yoshua 7:26 - KITAABA WAAQA

²⁶ Worri d'akha irati tuule d'akhaani sunini haga arrale achuma jira. Tanaafi fulla sunini laga gaargala jed'ani, Duuba AABBO Waaqi worrati indallanne.

Yoshua 7:26 Referans Kwoze

Hosea 2:15

Anini oobru isii ta zabibu isii deebise Bale Gaargala garagalche balbala abdi tolcha. Isiini achiti dubbi na jalaa qabdi, akuma gaafa kaima, ka isiini lafa Misiri keesaa baate na jalaa qabde kaani.

Isaya 65:10

Duuba worri na kad'ate, loonifi reeni worraaleeni diida Sharoni gama ila adutifi bale gaargala Akori gama ilaborule tikhati.

Qaabacha Seera 13:17

Waan balleesu malani oli inkeyaatina, aka AABBO Waaqi dallansu ufii hamtu taani galfate isanii nahu. Inni isanii nahe isani daraarsa, akuma inni ababoota teesaniti kakhate,

Boha 3:53

Ato anini jiru boola keesa na buuse d'akhaani nati timfe.

2 Samueli 18:17

Duuba reefa Absalomuni fuud'ani, boola qile toko ta badda keesa jirtu keesa buusani, d'akha iti tuulani. Worri Israeli ch'uftinu abbu worra ufiti baqate.

Yoshua 8:29

Inni hayyu Aile mukhati fannise, reefa isaa haga aduuni d'ituti achumati lakise. Aduuni d'iinaani Yoshuani, Reefa arti fuud'a jed'e, duuba arti fuud'ani fullo keesa buusani d'akha irati tuulani d'akhaani sunini haga arrale achuma jira.

Yoshua 7:24

Yoshuafi worri Israeli ch'ufti Akani ilma Zeratifi waan inni hate kaani, qarsi woya, worqi, ammalle nad'eenifi ijoolle isaa ta d'iiratifi ta dubrale, loonifi harreefi reefi waaro isaatiifi waan inni qabu ch'ufa bale Akori geesani.

Zekaria 6:8

Jennaani malaikaani iyyite waan naani jette, Fardi mirga qajeele yayu dallansu AABBO Waaqaa qabaneese.

Yoeli 2:18

Jennaani AABBO Waaqi lafa isaa qaabate, nama isaati nahe waan jed'eeni,

Yoeli 2:13

Woya tarsaaftani laalala ingarsiisina, ammo garaa keesaniini garsiisa. AABBO Waaqa keesaniti deebia, inni eebaafi naasu qaba; obse kakhu ufii guute, hojja ch'ufa namaa nahe araraama.

Isaya 40:2

Gumi Yerusalemu dubbi dansa iti dubbad'a. Waan jettaniini, gaargali keesani guddaani ya hobae, daba keesani amma la isanii araaramani. Anini maro daba keesanitifi yayu guddo isani gaargalche.

2 Samueli 21:14

Jennaani worri lafele Saulotifi ta Yonathani awaala Kishi abba Saulo ka Zela lafa Benjamini keesa jiru keesaati awaale. Akanaani waan hayyuuni tolcha jed'e ch'ufa guutani. Eegi suni Waaqi kad'acha worri lafa suni jed'e, kad'ate, d'agaefi.

Yoshua 10:27

Aduuni d'iinaani Yoshuani biyyaani reefa worra guura jed'e, duuba reefa suni gadi buusani, goda worri qara keesati d'okhate kaani keesa jissani d'akhaye gugurdo afaani goda suniti gagalchani; d'akhayeeni sunini haga arrale achuma jirti.

Bahisa 32:12

Atini maalifi aka worri Misiri, Inni maafi worra Israeli lafa Misiri keesaa baase gaareeni jalati lafa iraa balleesa jed'u iti lakifte? Dallansu galfad'u, worra kanke kana lafa iraa imballeesini.

Henna 25:8

namichafi niiti suni, ka waaro ke jirani, iti olseene wolirati woworaane worra lachu ijeese. Akanaani ch'iisi hamani sila worra Israeli balleese ejate.

Qaabacha Seera 13:18

hojja isani qonqo isaa d'ageetani, seera anini arra isanii kenne guutani, waan isaa durati qajeeltu tolchitani.

2 Odu duri 29:10

Anini amma wold'aqisa AABBO Waaqa Israelitini tolfachu fed'a, aka inni deebie nuti indalanne.

Kitaaba Izra'aa 10:14

Jaaroleeni teenna ha Yerusalemu keesati dubbi suni qorqoratu. Duuba nami nad'eeni gosa d'ibi fuud'e, yo yaamani, ha guyya qabatanifiti jaaroleeti jaallaboota dira isaa woliini d'ufuti. Akanaani Waaqi ka qara maro waan kanatifi nuti dallane dallansu ufi taani galfata.

Faaru 85:4

Ee Waaqa, qarqaarsa keenna, ufiti nu deebisi, deebitele, nu indidiini!

Hosea 2:17

Ammalle AABBO Waaqi waan jed'u, Anini deebie aka isiini maqa Baali d'ooftu diqole ee injed'u.

Yona 1:15

Duuba worri Yona fuud'e baariini keesa buuse; jennaani hojuma suni baariinini rorau lakise.