Yoshua 11:23 - KITAABA WAAQA

²³ Akanaani Yoshuani lafa ch'ufa fud'ate. Akuma AABBO Waaqi Musani jed'e. Duuba Yoshuani lafa suni d'aala worra Israeliti kenne, gosa gosani gargari qoodeefi. Akanaani lafti nagaya argatte.

Yoshua 11:23 Referans Kwoze

Faaru 46:9

Inni lafa ch'ufa keesa nama woli had'u d'owe, guube ch'ach'abse, woraana balleese, wontele guba.

Yoshua 23:1

Eegi guyya heddu AABBO Waaqi gosa Israeli nyaapa worra ka d'aatu jiru ch'ufa jala baase hafuura baaseefi gaafa suni Yoshuani ya jaare fulla gahe.

Yoshua 22:4

Ammo akuma inni iti kakhate, AABBO Waaqi keesani yayu oboleyaani teesani ta Israeli nagaya kenneefi. Tanaafi beena lafa isani teenna jettani, ta galaana Yordani ilaboru jirtu ta hojattuuni AABBO Waaqa Musani isanii kenneti gala.

Yoshua 18:10

Duuba Yoshuani AABBO Waaqa durati hit'a worraa buuse, gosa Israeli ta qara lafa inargatini lafa qoodeefi.

Qaabacha Seera 25:19

Tanaafi duuba eegi AABBO Waaqi keesani lafa ch'ufa isanii kenne, nyaapa isaani d'aatu jiru ch'ufa isani dura baase, lafa nagaya tolche, jabaad'a, worra gosa Amaleki ch'ufa hobaasa, aka deebiani maqa worra nami lafa irati inqaabanne. Dubbi tana inded'ina.

Qaabacha Seera 1:38

Ammo Yoshuani, ilmi Nuni ka amma isani dura deemu, lafa suni inseena. Isa garaa jabeesa; wonti akanatiifi isumati Israeli lafa suni d'aalchisa.

Bahisa 34:11

Dubbi anini arra siini jed'u tana jabeesi. Anini worra gosa Amoritifi ka Kanaanitiifi ka Hititifi ka Perizitiifi ka Hivitiifi ka Yebusile si duraa gussa.

Nehemia 9:24

Worri lafa Kanaani dabsate, atinileeni gosa lafa suni keesa teetu harka worrati kennite. Atini gumi tante irre worri gosafi hayyoota Kanaani waan fed'uni tolchu kenniteefi.

Ezekieli 45:8

Fullaani tunini qooda lafa hayyuuni Israeli mohatu taati. Duuba innileeni deebie gumi tiyya indabsu, ammo lafa hafte taani ch'ufa gumi Israeliti lakisa.

Yoshua 12:7

Yoshuafi worri Israeli hayyoota ch'ufa ta lafa Yordani ila aduu, haga Baal-Gadi Lebanoni keesaa fuud'e gaara Halaki ka bita d'aatu lafa Edomuti, d'aabe ch'ufa dabsate. Inni lafa tana worra Israeliti gosa gosani gargari qoodeefi akanaani lafti sunini ta worraa taate.