Yona 4:2 - KITAABA WAAQA

² Waaqa kad'ate waan jed'e, Ee AABBO Waaqa, wonti kunini waan anini gaafa qara worra kiyya jiru jed'eeniti? Wonti anini hurrise kae lafa Tarshishiti baqad'eefi suni! Anini imbeekha, aka atini Waaqa eebafi naasufi obsafi jaalala haga jirtu ind'umanne qabu, ka herega ufii jijire namaa nahu.

Yona 4:2 Referans Kwoze

Faaru 86:15

Ammo atini, ee AABBO Waaqa, Waaqa naasufi jaalala qabu, ka hurrise indallanne, ka hojja ch'ufa namaa nahe nama jaalatu.

Faaru 145:8

AABBO Waaqi naasufi jaalala qaba; inni hurre indallanu, jaalalti isaaleeni ind'umatu.

Faaru 86:5

Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta.

Mika 7:18

Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta.

Yeremia 18:8

ammo yo duuba gochiti sunini eege Hameenna ufi iraa deebite, anini waan qara intolche jed'e illakisa.

Bahisa 32:14

Jennaani Waaqi herega jijirate balleesa worra imballeesa jed'e taani hanqate.

Faaru 78:38

Ato akasile taate Waaqi gumi isaati nahe, ch'ubbu isaani araarameefi, worra hobaasuu dide. Maro heddu inni dallansu ufiitini worra balleesu dide.

Amosi 7:3

AABBO Waaqi herega isaa garagalfate waan jed'e, Wonti atini agarte sunini intaatu.

Yona 3:10

Waaqi waan worri tolcheefi ammalle aka worri kara isaani hama kaani iraa deebiele arginaani herega ufii jijire, worraa nahe, badi sila worra balleesu taani lakise.

Yona 1:3

Ammo Yonaani kae, aka AABBO Waaqa duraa lafa Tarshishiti baqatu, dira Yafa d'aqe, hobolo guddo toko ta Tarshishi deemtu, arge beese baase yaabate, aka akasiini Tarshishi d'aqe AABBO Waaqa duraa bahu.

1 Hayyoota 19:4

ufi guyya suni ch'ufa lafa aloo keesa deema oole. Jennaani ato deemu ejate gaadisa mukha jala tae, Waaqaani, lubbu na keesa fuud'i, hojja anini due ira na jirti jed'e.

Amosi 7:6

Ammalle AABBO Waaqi herega ufii garagalfate waan jed'e, Wonti atini agarte kunileeni intaatu.

Faaru 90:13

Ee AABBO Waaqa, dallansuuni tante yoomi nu lakifti? Hojattu tante ch'ufaa nahi!

Luqaas 10:29

Ammo inni ufi d'ugeesu fed'e waan Yesoni jed'e, Oboleesi kiyya eenufa?

Yeremia 20:7

Ee AABBO Waaqa, atini na sobde jennaani anini ya sobame. Atini irre nara qabda, tanaafi na dabsate. Nami ch'ufti na goyeese hojja ch'ufa na miid'a.

Qaabacha Seera 4:31

Inni Waaqa naasuti, isani lakise imballeesu, ammalle wold'aqisa inni abbooti teesani woliini tolfate kaani inded'u.

Faaru 103:8

AABBO Waaqi naasufi eeba qaba, hurre indallanu, jaalalti isaaleeni ind'umatu.

Yeremia 26:13

Kara gula yaatani kana lakisa, Finna keesani jijirad'a, AABBO Waaqa keesani saalfad'a. Yo isani akasi taatani, inni herega qara dira kanaani balleese jed'e kaani illakisa.

Yeremia 42:10

Yo isani ka lafa tana keesa teetani taatani, anini isani imballeesu ammo isani jabeesa; anini aka mukha isani oobra, isani imbuqisu. Badiini anini isanitini d'ufu ya aka male garaa na yakite.

Yona 3:9

Hegeri Waaqi herega ufii jijire, dallansu ufii hamtu galfate badu nu d'owa fa!