Yohana 6:51 - KITAABA WAAQA

⁵¹ Anini qit'a jireenna ka gubbaa gadi d'ufe. Yo nami qit'a suni nyaate haga hegeri jiraata. Ee, qit'aani anini maro jireenna lafatiifi kennu sunini fooni kiyya.

Yohana 6:51 Referans Kwoze

Luqaas 22:19

Jennaani inni qit'a fuud'e, eebimnaani ch'ach'abse, worrati kenne waan jed'eeni, Kunini nafa kiyya [ka maro keesaniifi kennani. Waan kana tolcha na qaabad'a.

Yohana 6:33

Qit'aani Waaqi namaa kennu namicha gubbaa gadi d'ufe jireenna lafaa kennu.

Yohana 3:13

Nami tokoleeni ka takuma gubba d'aqe injiru, Ilma Nama tokocha, ka gubba gadi bue male.

Tiitoo 2:14

Inni nafa ufi nuu kenne, aka hameenna ch'ufa keesaa nuu baase, gumi isaa qulqullo, ta waan dansa tolchu feetu nu tolchu.

Matayo 20:28

akuma Ilmi Nama, aka nami isa hojattufi ind'ufiini, ammo aka namaa hojate, jireenna ufi maro nama heddutiifi baasu d'ufe.

Ebrania 10:20

Inni golla keesa kara hareesafi ka jireenna nuu bane; akasi jechaani nafa isaa keesa.

2 Korintho 5:21

Kristoni daba inqabu, ammo Waaqi maro teennaafi isaa daba tolche aka nu maro Kristotiifi d'uga Waaqa argannu.

1 Petro 2:4

Gara Aabbo koota, inni d'akha jiru ka biyyiti ch'ufti didde, ammo Waaqi fohate.

Efessoon 5:2

Jaalala keesa yaa, akuma Kristoni nu jaalate jireenna ufii nuu baase, sorio dansa fooleeni isii Waaqa gammachiiftu nuu tahe.

Yohana 3:16

Wonti akanatiifi Waaqi guddo lafa jaalate, tanaafi Ilma ufi tokocha namaa kenne, aka nami isa d'ugefatu tokoleeni imbanne, ammo jireenna hegeri argatu.

Yohana 1:29

Boriyya Yohanani Yeso gara isa d'ufu jiru arginaani waan jed'e, ilaala, ilme hoola Waaqa, ta daba nama lafa ch'ufa fud'attu.

1 Yohona 4:14

Ammalle nu ya garre ammalle biyyati odeesina aka Abbaani Ilma ufi erge, aka Qarqaarsa lafaa tahu.

1 Yohona 4:10

Jaalalti tana: waan nu Waaqa jaalannefiiniti, ammo waan inni nu jaalate, Ilma ufi nu erge, akanaani maro huji isaatiifi daba keenna nu araaramani.

1 Yohona 2:2

Maro huji isaatiifi daba keenna nu araaramani, keenna ch'allaaniti ammo ka nama lafa ch'ufale.

Yohana 1:14

Dubbini nama taate, jiddu teenna teete, nu guddinna isaa agarre, akuma guddinna Ilma tokocha ka gara Abbati bahe, ka eebafi d'ugaani guutame.

Efessoon 5:25

D'iirsole, akuma Kristoni gumi ufi jaalate nafa ufi kenneefi, isanileeni akasuma nad'eeni teesani jaaladlad'a.

2 Korintho 5:19

D'aamsi keenna aka Waaqi Kristo keesa nama ufiti araarsu. Waaqi daba worrati int'aamne, ammalle ya d'aamsa nagaya kana harka keennati kenne.

Yohana 7:38

Nami na d'ugefatu, aka t'aafiini jettu, garaa isaa keesaa bisaani jireennati yaa.

Yohana 3:14

Akuma Musani lafa gamoojiti bofa fannise, akasuma Ilma Nama fannisu malani,

Yohana 3:36

Nami Ilma d'ugefatu jireenna hegeri qaba; nami Ilma d'ugefachu didu haguma jiru jireennale jireenna inargatu, ammo Waaqi haga jiru jireenna isati dallana.

Yohana 5:24

D'uguma waan anini isaniini jed'u, Nami dubbi tiyya d'agaye ka na erge d'ugefate, jireenna hegeri qaba. Isa wollaala iti imurani, ammo ya duisa keesa bahe jireenna argate.

Yohana 6:35

Yesoni waan jed'eeni, Qit'aani jireenna ana. Nami gara kiyya d'ufu imbeelau, ammalle nami naa d'ugefatu diqole ind'eebotu.

Yohana 6:41

Jennaani Yahudiini waan isaa gungumte, waan inni, Anini qit'a ka gubbaa gadi d'ufe ufiini jed'eefi.

Yohana 6:47

D'uguma, waan anini isaniini jed'u, Nami d'ugefatu jireenna hegeri qaba.

Yohana 6:48

Anini qit'a jireennaati.

Yohana 6:50

Kunini qit'a ka gubbaa gadi d'ufe, ka nami nyaate indoone.

Yohana 11:26

Nami ato jiru na d'ugefatu haguma jiru induu. Atini akasi d'ugefatta?