Yohana 6:27 - KITAABA WAAQA

²⁷ Sagale d'umattu inhojatiina, ammo sagale haga jireenna hegeri teetu ta Ilmi Nama isanii kennu hojad'a, wonti akanatiifi Waaqi Abbaani yayu beesisa ufi isa ira keyate.

Yohana 6:27 Referans Kwoze

Kolosai 3:2

Qalbi teesani waan lafa ira inkeyatiina, ammo waan gubba ira keyad'a.

Isaya 55:2

Isani maanifi waan isani inquufsine beese iti baaftani? Isani maanifi ka beela imbaane beese teesani baaftani? Na ch'aqasa, dubbi tiyya gula yaa, sagale sagale ch'ufa ira dansa nyaad'a.

Yohana 6:54

Nami fooni kiyya nyaate d'iiga kiyya d'ugu jireenna hegeri qaba, anini guyya muumme duisa keesaa kaasa.

2 Timotheo 2:19

Ammo yayabi Waaqi keyate dandae inchochou; ammalle dubbi tana irati t'aafani: Aabbooni worra isaa ch'ufa fuula beekha; ammalle, Nami nama Waaqa ufiini jed'u hameenna lakisu male jed'ani.

Yohana 6:40

Wonti Aabbooni fed'u tana: aka worri Ilma arge d'ugefatu ch'ufti jireenna hegeri argatu; duuba anini guyya muumme duisa keesaa kaasa.

Roomaa 6:23

Wonti akanatiifi gatiini daba duisa; ammo toli Waaqa jireenna hegeriiti, maro Kristo Yeso Aabbo keennatiifi.

Yohana 10:28

Anini jireenna hegeri kennaafi, isiini haga jirtu indootu; nami tokoleeni harka kiyya keesaa imfud'atu.

Yohana 6:51

Anini qit'a jireenna ka gubbaa gadi d'ufe. Yo nami qit'a suni nyaate haga hegeri jiraata. Ee, qit'aani anini maro jireenna lafatiifi kennu sunini fooni kiyya.

Huji Ergattu 10:38

aka Waaqi Yeso Nazareti Lubbu Qulqullofi jabeennaani muude, isani imbeetani. Inni fulla ch'ufa dedeeme waan dansa tolche, nama Sheet'ani gaargalche ch'ufa fayyise, waan Waaqi isa woliini jiruufi.

Yohana 17:2

Atini humna nama ch'ufa ira ya isaa kennite, aka inni nama ch'ufa ka atini isaa kennite jireenna hegeri kennuufi.

Matayo 6:19

Hori keesani lafa inkeyatina, fulla bilaachafi dandiini nyaattu, yokhaani fulla hattuuni ch'absite hattufi.

Yohana 6:58

Kunini qit'a gubbaa gadi d'ufe, ka aka ababooti teesani nyaatte dooteetiiniti. Nami qit'a kana nyaatu haga hegerile induu.

2 Petro 1:17

Gaafa Aabbo Waaqi ulfinnafi guddinna isaa kenne, nu achi jirra, gaafa qonqooni gara Guddinna gubbati gadi d'ufte. Kunini Ilma kiyya, ka anini jaalad'u, ka guddo naa gammachiisu jette.

Filipi 2:13

Wonti akanatiifi Waaqi hojja ch'ufa isani keesa hojachu jira, aka, aka fed'i isaa guuttani, isani feesise dandeesisu.

Yeremia 15:16

Atini naani dubbannaani anini dubbi tante ch'ufa ch'aqase fud'ad'e. Ee AABBO Waaqa gudda, anini keetuma, tanaafi garaani kiyya dubbi tante maache iraa gammade.

Abba herega 6:7

Wonti nami hojatufi akuma garaa ufi quubsu, ammo inquufu.

1 Petro 1:24

Akuma t'aafiini jettu, nami ch'ufti aka buuyo jira, guddinni nama ch'ufti aka daraara buuyo jira; buuyooni godde, daraaraani isii jiga,

Luqaas 3:22

Lubbuuni Qulqullooni ta bifa sabaliisa qabdu isa ira buute, qonqooni gubba d'ufte waan jette, Atini Ilma kiyya, ka anini jaalad'u, guddo na gammachiifta.

1Tasaloonqe 1:3

Wonti akanatiifi nu Waaqafi Abba keenna durati qaabanna, aka isani d'ugefacha teesani hujiini hojattani, aka jaalalti teesani huji guddo isani tolchisiifte, ammalle aka abdiini teesani Aabbo Yeso Kristo keesa jabdu.

Kolosai 1:29

Aka waan kana guutu anini gaargale hojad'e irre jabdu ta na keesa hojatu; ta Yeso Kristoni na kenneeni.

Yohana 3:33

Nami dubbi isaa d'ugefatu, aka Waaqi d'uga dubbatu tanaani beesisa.

Huji Ergattu 2:22

Dubbi tana d'agaya, worra Israeli! Yeso Nazareti, nama Waaqi fohate, waan mamatiifi huji jabdufi akheekha Waaqi isa keesa tolcheeni isani agarsiise, aka isani beetani, waan wonti kunini jiddu teesani keesa taateefi.

Yohana 6:68

Simoni Petroni waan jed'eeni, Aabbo, eennuti yaana? Atini dubbi jireenna hegeri qabda.

Luqaas 9:35

Qonqooni dumansa keesaa baate waan jette, Kunini Ilma kiyya, ka anini fohad'e; isa ch'aqasa.

Faaru 40:7

tanaafi anini waan jed'e, Anini kunooti; waan atini nati himu feetu ch'ufa ya kitaaba Seera keesati t'aafani.

Faaru 2:7

Hayyichi waan jed'u, Anini waan AABBO Waaqi jed'e, biyyati hima. Inni waan nani jed'e, Atini ilma kiyya, anini ya arra abba sii tahe.

Ebrania 12:16

Eegad'a aka nami tokoleeni sharmut'a tahe, yokhaani aka Esau inhamaanne, ka sagale guyya tokotiifi d'aala ufi ta angafooma gurgurate.

Galatia 5:6

Wonti akanatiifi yo nu Kristo Yeso keesa jiraanne, qabanqaba qabachafi qabachu baannaanile haga tokotu; wonti jabduuni d'ugefacha ta jaalalaani hojattu.

Ebrania 4:11

Tanaafi nu haga dandeennu jabaachu malle, aka boqota suni argannu. Nuuni tokoleeni, aka worri suni ch'aqasu dide boqota argachu dad'abe, tahu himmalle.

Kolosai 2:22

Wonti kunini ch'ufti barsiisafi seera nami tolche; yo gula deemanile ufuma baddi.

1 Korintho 9:2

Ato nami gari ergattu naani injennele, isani inuma naani jettani! Isanumaani, maro jireenna keesani ka Aabbootiifi, aka anini ergattu ingarsiiftani.

1 Korintho 6:13

Nami d'ibiini, Sagaleeni garaa malte, garaaleeni sagale male jed'a. Ammo Waaqi waan suni lachu imballeesa. Nafi namaa ka hameennaatiniti, ammo ka Aabbooti; Aabboleeni ka nafaati.

Roomaa 4:11

Inni eegi suni qabanqaba qabate, qabanqabaani tunini beesisa Waaqi isaa kenne, ka maro d'ugefacha isaatiifi d'uga isaa heregani agarsiifti, ato inni qabanqaba inqabatini. Tanaafi Abrahamuuni Abba worra Waaqa d'ugefate ka Waaqi d'ugaa heregeefi ch'ufa, ato qabanqaba qabachu d'ibaatele.

Yohana 15:24

Ato sila anini huji nami tokoleeni jiddu worrati intolchiini tolchu d'ibaad'e, daba inqabani; taatule amma worri ya anaafi Abba kiyya arge jibbe.

Yohana 14:6

Yesoni waan jed'eeni, Karaani ana, d'ugaafi jireennileeni ana; nami tokoleeni gara Abba ind'aqu, anaani d'aqu male.

Yohana 11:42

Ammalle aka atini guyya ch'ufa na d'ageetu ani imbeekha, ammo maro gumi arma marsite ch'iiftu tanaafi anini waan kana jed'a, aka isiini aka atini na ergite d'ugefattu.

Yohana 8:18

Anini ufi d'ugeesa, Abbaani na ergeleeni naa d'ugeesa.

Mariko 9:7

Dumansi d'ufe, worrati gaadiseese, qonqooni dumansa suni keesaa baate waan jette, Kunini Ilma kiyya tokocha, isa ch'aqasa.

Mariko 1:11

Qonqooni gubba baate waan jette, Atini Ilma kiyya tokocha, ka guddo na gammachiisu.

Matayo 17:5

Ato inni dubbatu, dumansi adiini toko worrati golle, qonqooni dumansa keesa waan jette, Kunini Ilma kiyya ka anini jaalad'u, ka na gammachiisu, dubbi isaa ch'aqasa jette.

Matayo 3:17

Qonqooni gubba baate waan jette, Kunini Ilma kiyya ka anini jaalad'u, inni guddo na gammachiisa.

Isaya 42:1

AABBO Waaqi waan jed'u, Hojattuuni kiyya ka anini jabeesu kuno kana, inni nama ani fohad'e, isumati na gammachiisa. Anini ya lubbu tiyyaani isa guute tanaafi gochiti ch'ufti maqa isaatini d'uga argatti.

Yakobo 1:11

Aduuni balaliite buuyo gubde, daraaraani isii gogoge, mid'aagumti isii baddi. Akuma suni dureesa ch'ufa balleesani, ato inni tae huji ufi hojatu.

2 Korintho 4:18

Nu waan mullata abdachuti injirru, ammo waan imullanne abdachuu jirra. Wonti mullata haga diqa toko ch'alla teeti, ammo wonti imullanne haga hegeri teeti.

Matayo 8:20

Yeso waan jed'eeni, Geedalti goda qabdi, simpirreleeni mana qabdi, ammo Ilmi Nama fulla mata ufi keyatu inqabu.

Habakuki 2:13

Gochiti isani dabsattani huji woma imbaane hojatte ufi dad'absiifte, ammo waan worri hojate jaare ch'ufa ingubani. Hujiini tunini ch'ufti huji AABBO Waaqi Guddaani tolcheniti?

Mammaasa 9:5

Koota, sagale tiyya nyaad'a, daad'i anini urgeese d'uga.

Matayo 25:46

Worra kana gara gaargala ind'umanne ergani, worra d'uga gara jireenna ind'umanne ergani.

Yohana 3:15

aka nami isa d'ugefatu ch'ufti jireenna hegeri argatu.

Yohana 6:47

D'uguma, waan anini isaniini jed'u, Nami d'ugefatu jireenna hegeri qaba.

Yohana 6:53

Jennaani Yesoni waan jed'eeni, D'uguma, waan anini isaniini jed'u, Yo isani fooni Ilma Nama nyaattani d'iiga isaa d'ugu baattani, jireenni isani keesa injiru.

Yohana 6:62

Yo isani Ilma Nama ka fulla qara jiruti deebiu argitani maani taatani?

Qaabacha Seera 30:13

Yokhaani seeri suni baariini gama injiru. Isani waan, Eentu baariini taake nutiini d'ufa aka nu ch'aqamne guunnu? jettanifi inqabdani.