Yohana 4:22 - KITAABA WAAQA

²² Isani waan imbeenne kad'attani, ammo nu waan beennu kad'anna; wonti akanatiifi baafami gara Yahuditi d'ufa.

Yohana 4:22 Referans Kwoze

Huji Ergattu 17:23

Ato anini dedeeme aada kad'acha teesani ilaalu, anini dubbi toko ta fulla isani sorio iti qalattani gubbati t'aafani arge, ta GARA WAAQA NAMI IMBEENNE jettu. Tanaafi waan isani ato imbeenne kad'attani suni anini isaniti odeesa.

Isaya 2:3

waan jettu, koota, gaara AABBO Waaqaa olkorre, Mana Waaqaa Yakoboo d'anna, aka inni kara ufii nu barsiise, nu daandi isaani gula yaanu. Wonti akanatiifi dubbini AABBO Waaqaa Yerusalemu keesaa baati, Seeri isaaleeni Sioni iraa d'ufa.

Luqaas 24:47

aka haga Yerusalemu iti keyatani iraa deebitifi araarama daba maqa isatiini gosa ch'ufati odeesu malani.

Huji Ergattu 17:30

Haga nami isa imbeenne kana ch'ufa Waaqi ya bira namaa dabre, ammo ammatana aka nami ch'ufti daba iraa deebiu fed'a.

Faaru 147:19

Inni dubbi ufi gumi isaati erge barsiisa isaatiifi seera isaa worra Israelitii kenna.

Ebrania 7:14

Aka inni gosa Yuda guddo beekhani; Musaleeni gosa tana maqa ind'oomne, gaafa inni waan qaalole dubbate.

Zekaria 9:9

Gammada, qilit'ama, worra Sioni! Gammada, lalaba, worra Yerusalemu! Laala, hayyuuni keesani isaniti d'ufuu jira! Inni ka waan ch'ufa dabsate irre guddo qabuti d'ufa, ammo inni ufi insaadu, harre yaabata — bukhura harreeni d'altuni d'alte gubba taa.

Faaru 68:20

Waaqi keenna Waaqa nama baasu; inni AABBO, Aabbo keenna, ka duisa keesaa nu baasu.

Isaya 46:13

Anini guyya dabsacha ya gad'ieese. Guyyaani sunini fago injiru. Baafami kiyya inturu. Anini Yerusalemu baase, achiti worra Israeli gurra iti tolcha.

Isaya 12:2

AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase.

Uumama 49:10

Ororooni inni namaani fidu harkaa imbuutu, lichooni hayyumaa worra isaa keesaa imbaatu, haga abbaani damoosa baasanifi d'ufe isa durati gajed'ani saalfatanifiiti.

Kitaaba Izra'aa 4:2

Gara Zerubabelifi jara balbala gosati mataa d'aqani waan jed'aniini, koota, takaa taane, mana kana woliini jaara. Nu Waaqa takaa kad'anna, ammalle haguma duri Esar-Hadonini, hayyuuni Ashuru, armaani nu d'ufe, nu sorio Waaqa suni baasu jira.

Isaya 12:6

Nami Sioni keesa tahu ch'ufti ha lalabe, gammadaani isa faarsu! Waaqi, qulqullooni Israeli, gudda, inni gumi isaa keesa taha.

Huji Ergattu 3:26

Tanaafi Waaqi isa fohate, Hojattu ufi qara isaniti erge, aka isani eebise kara keesani hama ira isani gorsu.

Roomaa 11:18

Tanaafi amma worra aka damele ch'absani intufatiina. Akamiini ufi guddiftani? Isani akuma damele jirtani; hidda inqabdani, hiddati isani qaba male.