Yohana 3:33 - KITAABA WAAQA

³³ Nami dubbi isaa d'ugefatu, aka Waaqi d'uga dubbatu tanaani beesisa.

Yohana 3:33 Referans Kwoze

Ebrania 6:17

Waaqi worra waan inni iti khakhate argate ch'ufa diideese iti himu fed'e, aka qalbi ufi garingalfanne, tanaafi aka jaba kakhate.

Efessoon 1:13

Isanileeni akasuma: gaafa dubbi d'uga d'ageetani, Odu Dansa ta baafamaani isanii d'ufte, isani Kristo d'ugefattani, jennaani Waaqi beesisa ufi isani ira keyate Lubbu Qulqullo ta kakhate isani kenne.

2 Korintho 1:22

beesisa ufi nura kaye, ammalle Lubbu Qulqullo ufi nuu kenne, aka qabdo nuu taatu.

2 Korintho 1:18

Waaqi ka d'ugaati, kakhuuni tiyya gara keesani Ee yokhaani Hiyyoniti.

Yohana 6:27

Sagale d'umattu inhojatiina, ammo sagale haga jireenna hegeri teetu ta Ilmi Nama isanii kennu hojad'a, wonti akanatiifi Waaqi Abbaani yayu beesisa ufi isa ira keyate.

Yohana 8:26

Anini waan heddu qaba, ta dubbad'e waan keesani qoru, ammo nami na erge ka d'ugaati, ammalle waan anini isa ira d'agaye ch'alla namati hima.

Roomaa 4:11

Inni eegi suni qabanqaba qabate, qabanqabaani tunini beesisa Waaqi isaa kenne, ka maro d'ugefacha isaatiifi d'uga isaa heregani agarsiifti, ato inni qabanqaba inqabatini. Tanaafi Abrahamuuni Abba worra Waaqa d'ugefate ka Waaqi d'ugaa heregeefi ch'ufa, ato qabanqaba qabachu d'ibaatele.

Roomaa 15:28

Eegi anini huji tana hobaase, hori baasani ch'ufa harka worrati kenne, imaltu lafa Spania d'aqa, duuba isani ira baha.

1 Korintho 9:2

Ato nami gari ergattu naani injennele, isani inuma naani jettani! Isanumaani, maro jireenna keesani ka Aabbootiifi, aka anini ergattu ingarsiiftani.

Efessoon 4:30

Lubbu Qulqullo Waaqa ilaalefachiisiina; Lubbuuni tunini beesisa Waaqa ka isani gubba jiru, ka aka guyyaani isani balchoomsani d'ufu agarsiisu.

2 Timotheo 2:19

Ammo yayabi Waaqi keyate dandae inchochou; ammalle dubbi tana irati t'aafani: Aabbooni worra isaa ch'ufa fuula beekha; ammalle, Nami nama Waaqa ufiini jed'u hameenna lakisu male jed'ani.

1 Yohona 1:10

Yo, Nu daba intolchine jenne, isa d'areesina, dubbini isaleeni nu keesa injirtu.