Yohana 20:17 - KITAABA WAAQA

¹⁷ Yesoni waan isiini jed'e, Naa inqabatini, anini qara gara Aabbo olindeemne. Ammo gara oboleyaani tiyya d'aqi waan jettuuni, Anini gara Abba kiyyatiifi Abba keesani, gara Waaqa kiyyatiifi gara Waaqa keesani oldeema, jed'i iti himi jed'e.

Yohana 20:17 Referans Kwoze

Yohana 16:28

Anini gara Abbati bahe lafati d'ufe; ammalle anini gara lafaati bahe Abbati deebia jed'e.

1 Petro 1:3

Waaqafi Abba Aabbo keenna Yeso Kristoti galata deebimna! Maro naasu isatiifi inni Yeso Kristo duisa keesaa kaase, jireenna haraa nuu kenne. Wonti kunini abdi jirtu nuu kenniti,

Galatia 3:26

Wonti akanatiifi maro d'ugefachatiifi isani Yeso Kristo keesa ilmaani Waaqa taatani.

Yohana 17:11

Anini amma tana lafa keesa intau, ammo jari kunini lafa keesa taa; anini gara kanke d'ufa. Ee Aabbo qulqullo jabeenna kanke ka atini naa kennite sunini worra qorqorad'i aka worri akuma kenna taka tahu.

1 Yohona 3:2

Jaallani tiyya, nu amma ijoolle Waaqati, ammo ammalle waan iti yaanu aka dansa imbeennu. Ammo waan kana imbeenna: Yo Kristoni mullate nu aka isaa taana waan nu aka inni jiru arginufi.

Yohana 14:6

Yesoni waan jed'eeni, Karaani ana, d'ugaafi jireennileeni ana; nami tokoleeni gara Abba ind'aqu, anaani d'aqu male.

Mariko 16:19

Eegi Aabbo bo Yesoni jara ufiti dubbate, inni gubbati oldeebie, harka Waaqa mirgaani tae.

Faaru 68:18

Inni nama boojiani heddu fuud'e, fiit'e gaaratiini kore, nama isa didu iraa wofud'ata. AABBO Waaqi achiti gala.

Mudhii Yohaannisii 21:3

Anini qonqo guddo toko ta gubba dubbatte akana jettu d'agaye: Amma mani Waaqa nama woliini jira! Inni worra woliini tae, worrileeni gumi isaa taha. Waaqileeni worra woliini taa, innileeni Waaqa worraa taha.

2 Korintho 6:18

Anini abba keesani tahe, isani ilmaani tiyya ta d'iiratifi ta dubra taatani, Aabbo Guddaani akana jed'a.

Roomaa 8:29

Worra duri Waaqi fohate inni ya olkaye aka ilma isaa fakaatu aka oboleyaani hedduu ilmi angafa tahu.

Yohana 17:25

Ee Aabbo d'uga, nami lafa qara si imbeekhu, ammo anini si beekha, jari kunileeni aka atini na ergite beekha.

Matayo 28:7

Hurrisa, deema jara isaati hima: Yayu duisa keesaa kaasani, amma ya Galilayati isani dura dabre; achiti isa argitani jed'a. D'aamsa kiyya kana inded'ina.

Matayo 12:50

Nama waan Abbaani kiyya ka gubba fed'u tolchu ch'allati oboleesafi, oboleetifi, haad'a tiyya.

Mudhii Yohaannisii 21:7

Nami dabsatu waan kana nara argata: Anati Waaqa isaa tahe, inni ilma kiyya taha.

Ebrania 8:10

Aabbo waan jed'u, wold'aqisi taka tana gosa Israeli woliini tolchu kana: Anini Seera kiyya qalbi worra keesa kaye, garaa worra keesati t'aafa. Anini Waaqa worra taha, worrileeni gumi tiyya taha.

Yohana 20:27

Jennaani inni waan Tomasoni jed'e, Quba kanke achi asi gaqabad'u, harka kiyya ilaali; ammalle harka kanke asi gadi d'eerefad'u, t'iit'a tiyya keesa kayi. Ind'areefatiini, ammo d'ugefad'u!

Yohana 17:5

Ee Aabbo, amma tana guddinna naa kenni, guddinna nu ato lafti inuumamiini woliini qamnu suni.

Yohana 14:28

Aka anini, Deeme isaniti deebia jed'e, la d'ageetani. Yo na jaalattani sila ingammaddani, waan anini gara Abba kiyya deemuufi. Wonti akanatiifi Abbaani kiyya nara gudda.

Yohana 14:2

Mana Abba kiyya keesa fulla hedduti jira, yo injirre sila isaniti hima. Anini deeme fulla isanii mid'aasa.

Yohana 13:3

Yesoni aka Abbaani waan ch'ufa harka isaa keesa kaye, ammalle aka inni gara Waaqaati bahe Waaqati deebiu beennaani,

Yohana 13:1

Ato jilti Pasaka jed'ani ingahiini, Yesoni aka hojjaani inni lafa keesaa kae gara Abbati galu d'iaatte beekhe. Inni haguma qara jara ufi ka lafa tana gubba woliini tae guddo jaalate, jaalalti sunileeni muumme inqabdu.

Yohana 7:33

Yesoni waan jed'e, Bulti diqo toko ch'alla isani woliini jira, eegi suni gara nama na erge gala.

Luqaas 10:4

Borsa imfud'atiina, subba yokhaani kopele, nama karaati argitani nagaya imfud'iina.

Ezekieli 37:27

Anini achi worra woliini tae, Waaqa worraa tae, worrileeni gumi tiyya taha.

Ezekieli 36:28

Duuba isani lafa anini ababoota teesanii kenne keesa teetani, gumi tiyya taatani, aninileeni Waaqa keesani taha.

Yeremia 32:38

Duuba worri gumi tiyya tahe aninileeni Waaqa worraa taha.

Yeremia 31:33

Wold'aqisi haraai anini worra Israeli woliini tolfad'u kana; anini seera kiyya qalbi worra keesa kaye, garaa worraa keesati t'aafa. Anini Waaqa worraa tahe, worrileeni gumi tiyya taha.

Faaru 89:26

Inni waan nani jed'u, Atini abba kiyyafi Waaqa kiyya, siida kiyyafi qarqaarsa kiyya.

2 Hayyoota 7:9

Ammo eege waan woliini jed'ani, Nu waan dansa tahuti injiru, nu odu dansa tana d'ofachu himmalle. Yo nu haga diirama ch'almineni gaargali nu inhanqatu. Amuma tana nu yaasa, worra hayyuuti himna!

Matayo 25:40

Hayyuuni waan jed'u, Waan anini isaniti himu, waan oboleyaani tiyya didiqo tanaa tolchitani yayu nale tolchitani.

Faaru 48:14

Waaqi kunini Waaqa keenna, ka haga jiru jireennati; inni haga hegeri nuni deeme, tisse nu qorqorata.

Faaru 43:4

Duuba ee Waaqa, anini fulla sorio iti sii qalani d'aqa; nami anini gammada ira argad'u sii. Anini kiraari d'ae si faarsa, ee Waaqa, Waaqa kiyya.

Faaru 22:22

Anini waan atini tolchite gosa tiyyati hime gumi isaani durati si faarsa:

2 Hayyoota 4:29

Jennaani Elishani waan Gehazini jed'e, Mart'ifad'i, hurrisi, ule tiyya fud'ad'i, deemi. Nama fuula keesa si d'ufele nagaya infuud'ini, yokhaani yo nagaya si fud'anile jalaa didi. Beeni, mana olseeni, ule tiya tana mata gurba suni ira kayi.

Ebrania 11:16

Taatule lafa ira dansa barbaadani, lafa gubbaa jirtu. Maro waan kanatifi yo worri Waaqaani, Waaqa keenna jed'u, inni inch'eerfatu, waan inni dira worra mid'aaseefi.

Isaya 41:10

Tanaafi insodaatina, anini isani woliini jira! Anini Waaqa keesani wonti tokoleeni isani imudansisini! Anini isani jabeese isani qarqaare, irre isanii tahe harka kiyyaani isani baasa.

Mariko 12:26

Ammo aka ka due kaasani isani kitaaba Musa keesa fulla waan gurbi bobeetu t'aafani taka insoomne? Aka Waaqi anini Waaqa Abrahamu, Waaqa Isaaqotiifi Waaqa Yakobo jed'e.