Yohana 2:19 - KITAABA WAAQA

¹⁹ Yesoni waan worraani jed'e, Isani Mana Waaqa kana ch'absa, duuba anini guyya saditi deebie jaara.

Yohana 2:19 Referans Kwoze

Mariko 14:58

Nu isa, Anini Mana Waaqa kana, ka nami ijaare, ch'abse, guyya saditi kad'ibi ka nami inijaariini ijaara jed'u d'ageenne jed'ani.

Mariko 15:29

Nami d'aatu isaa yau isa arabse, mata iti irbe waan jed'ani, Lee! Atini ka sila Mana Waaqa ch'ach'absite, guyya sadi keesati jaartu,

Matayo 27:40

Atini ka, Mana Waaqa ch'abse, guyya saditi jaaru dandaa jette, ufi baasi, yo atini Ilma Waaqaa taate! Maskali ira lafati gadi bui!

Matayo 12:40

Akuma Yonani guyya sadifi halkani sadi garaa qurt'umi keesa tae, akasuma Ilmi Namaleeni guyya sadifi halkani sadi boola keesa taa.

Roomaa 8:11

Yo Lubbuuni Waaqaa ta Yeso duisa keesaa kaafte isani keesa jiraatte, yoosi ka Yeso duisa keesaa kaase nafa keesanile jireenna inkenna, Lubbuuni isaa ta isani keesa jirtuuni.

Huji Ergattu 3:15

Abba Jireenna ijeeftani. Ammo Waaqi duisa keesaa isa kaase, nu d'uga waan kanaati.

Huji Ergattu 2:32

Waaqi ya Yeso kana duisa keesaa kaase, nu ch'ufti d'uga waan kanaati.

Huji Ergattu 2:24

Ammo Waaqi isa kaase, gaargala duisa keesaa isa baase, waan dooti dandeete isa indabsanneefi.

1 Petro 3:18

Wonti akanatiifi Kristoleeni nami dansaani maro nama hamatiifi due. Inni maro keesaniifi maro tokotu due, aka akasiini Waaqati isani deebisu. Nafa isa ijeesani ammo lubbuuni isaa injirti.

Roomaa 6:4

Batiso teennaani nu isa woliini doone awaalamne, aka, akuma guddinna Abbatiini Kristo duisa keesaa kaasani, nuleeni jireenna haraani jiraannu.

Yohana 11:25

Yesoni waan jed'eeni, Ka kaasufi ka jiraachisu ana; nami na d'ugefatu, yo duele, injiraata.

Mariko 8:31

Jennaani inni worra barsiise waan jed'e, Ilmi Nama guddo gaargalu male, jaarolefi qaalole gugurdofi jari Seera beekhuleeni isa mormachu male. Isa ijeesani, ammo inni guyya sadeeso inkaa jed'e.

Kolosai 2:12

Wonti akanatiifi gaafa isani batisani, Kristo woliini isani awaalani, ammalle batiso teesani keesa Kristo woliini duisa keesaa isani kaasani, waan isani jabeenna Waaqaa, ka duisa keesaa isa kaase, d'ugefattaniifi.

1 Korintho 15:12

Yo d'aamsi keenna, Kristoni duisa keesaa ya kae jed'u, isaniini gari akamiini, Nami due inkau jettani?

Roomaa 4:24

Ammo maro teennale ya t'aafani, nu ka Waaqa, Yeso Aabbo keenna duisa keesaa kaase d'ugefannule d'uga heregani.

Huji Ergattu 3:26

Tanaafi Waaqi isa fohate, Hojattu ufi qara isaniti erge, aka isani eebise kara keesani hama ira isani gorsu.

Yohana 5:19

Duuba Yesoni waan worraani jed'e, D'uguma, waan anini isaniini jed'u, Ilmi dandae ufiini woma intolchu, yo waan Abbaani tolchu argu male. Ilmi waan Abbaani tolchu ch'alla tolcha.

Matayo 27:63

waan jetteeni, Aabbo, nu aka namichi kiyyibaani suni gaafa jiru, Eegi guyya sadi anini duisa keesaa kaa jed'e, inqaabanna.

Matayo 16:21

Eegi suni Yesoni diideese jara ufiti hime waan jed'eeni, Anini Yerusalemu d'aqu male. Harka jaaroletiifi qaalole gugurdotiifi jara Seera beekhutiini gaargala. Ammalle na ijeesani, guyya sadeeso kau male.

Huji Ergattu 6:14

Nu ya d'ageenne aka inni, Yesoni Nazareti mana qulqullo kana balleese aada Musani nuu kenne tana garagalcha jed'u!