Yohana 19:30 - KITAABA WAAQA

³⁰ Yesoni daad'i suni argannaani waan jed'e, La hobaate! Jennaani mataani gajed'e, lubbuuni keesaa baate.

Yohana 19:30 Referans Kwoze

Yohana 17:4

Huji atini naa kennite suni hobaamnaani anini ya lafa keesati si guddise.

Filipi 2:8

ufi diqeese, duale ee jed'e fud'ate dua maskali gubba.

Ebrania 12:2

Yeso ufi durati laalla, waan d'ugefachaani teenna haga qaratiifi haga muummele isa keesa jirtuufi. Inni duisa maskali obse, maro gammada isa eegatuufi maskali gubbati duu inch'eerfanne, amma barch'uma Waaqa mirgaani taa.

Yohana 10:11

Anini tissitu dansa. Tissituuni dansaani jireenna ufi maro hooliyetiifi baafti.

Danieli 9:24

Ganni torbatama maro torba ganna Waaqi aka gosa tanteetifi dira kanke qulqullo ch'ubbufi hameenna suni keesaa baasu fohate. Ch'ubbu namaa araaramani, d'uga haga jiru jireenna jirtule namaa kennani aka daayyafi fagiisi guutame Mana Waaqa qulqullo maro lameeso jaraani eebisani.

Luqaas 23:46

Yesoni qonqo guddooni lalabe waan jed'e, Aabbo, lubbu tiyya harka kanketi lakisa! Akasi jed'e ch'iche.

Isaya 53:10

AABBO Waaqi waan jed'u, Inni fed'i tiyya gula gaargale; duisi isa sorio dabaani namaa araaramani. Duuba akanaani inni lubbu bule ilmaani isa ch'ufa arge, fed'iini tiyyaleeni isani guutamti.

Roomaa 10:4

Wonti akanatiifi Kristoni ya Seera muumme baase, aka nami d'ugefatu ch'ufti d'uga argatu.

Yohana 19:28

Eegi suni Yesoni aka wonti ch'ufti guutamte beennaani, aka t'aafiini guutamtu waan jed'e, Anini d'eebu qaba.

Mariko 15:37

Yesoni qonqo guddooni lalabe, hafuura baafate ch'iche.

Yohana 10:18

Nami tokoleeni nara imfud'atu, ammo ani ufumaani baasa. Anini jabeenna baasuuni qaba, ammalle ka deebie fud'ad'uuni qaba. D'aamsa kana anini gara Abba kiyyati argad'e jed'e.

Yohana 4:34

Yesoni waan jed'eeni, Sagaleeni tiyya aka anini fed'i nama na erge tolche huji isaa hobaasu.

Matayo 20:28

akuma Ilmi Nama, aka nami isa hojattufi ind'ufiini, ammo aka namaa hojate, jireenna ufi maro nama heddutiifi baasu d'ufe.

Matayo 27:50

Yesoni ammalle qonqo guddooni iye, hafuura baafate due.

Isaya 53:12

Tanaafi anini fulla guddinna ta hayyooti gugurdoni irre qabdu teetu isaa kenna. Waan inni fed'i ufitini jireenna ufi baase worra ch'ubbu woliini duefi. Inni ch'ubbu nama heddu fed'ate, ammalle aka ch'ubbu worra suni araaramanifi Waaqa kad'ate.

Faaru 22:15

Lubbuuni tiyya guddo gogodde, arabi kiyyaleeni laagati na mat'ane. Atini yayu awaara keesa na buufte, duati na lakifte.

Ebrania 9:22

Ammalle Seera gula waan ch'ufa d'iigaani qulqulleesani; dabale, yo d'iiga jissani ch'alla araaramani.

Roomaa 3:25

Waaqi ya isa sorio namaa tolche, aka maro d'iiga isatiifi daba namaa araaramani. Araarama kana yo d'ugefatani argatani. Wonti Waaqi Kristo sorio tolcheefi, aka d'uga ufi agarsiisu. Duri Waaqi obse wollaala bira namaa dabre;

Matayo 3:15

Ammo Yesoni waan jed'eeni, Amma ha taatu, kara kanaani waan Waaqi fed'u ch'ufa guunna. Jennaani Yohanani ee jed'eeni.

1 Korintho 5:7

Bukho dullati tana balleesa, aka qulqullo taatani. Yoosi aka qit'a hareesa ka bukho inqamne taatani, akuma isani d'uguma jirtani. Wonti akanatiifi jilti teenna ta Pasaka ya kurfoofte, Kristo hoola keenna ka Pasaka ya qalani.

Zekaria 13:7

AABBO Waaqi Guddaani waan jed'u, Goraade, kai, tissitu tiyya, ta ree naa tissitu, had'i ijeesi; duuba reeni gargari bitinoofti. Anini gumi tiyya had'a,

Uumama 3:15

Anini siifi niiti tana nyaapa wolti tolche, d'alooti keesanileeni woli jibba. D'alooti isii mata si ch'arase, atileeni hirba worraa nyaatta.

Danieli 9:26

Eegi bari sunini dabre, namicha Waaqi fohate kaani akanumati ijeesani wollaala male. Duuli hayyicha jaba toko lafa suni had'e dirafi Mana Waaqa balleesa. Duuba muummeeni akuma lolaa fach'aate, woraanafi badi Waaqi kurfeeseni d'ufti.

Luqaas 22:37

Wonti akanatiifi, waan anini isaniini jed'u, T'aafiini inni worra ch'ubbu woliini dua jettu, anaani guutamu malte. Wonti akanatiifi wonti waan kiyya t'aafani inguutamti.