Yohana 17:19 - KITAABA WAAQA

¹⁹ Maro worraatiifi anini ufi qulqulleesa, aka worri d'ugaani qulqullau.

Yohana 17:19 Referans Kwoze

Ebrania 2:11

Yesoni nama ch'ufa daba iraa qulqulleese, isaafi worri qulqulleesanileeni ka Abba taka tahani. Maro waan kanatifi Yesoni, Oboleyaani worraani jechu inch'eere.

Tiitoo 2:14

Inni nafa ufi nuu kenne, aka hameenna ch'ufa keesaa nuu baase, gumi isaa qulqullo, ta waan dansa tolchu feetu nu tolchu.

Yohana 17:17

D'ugaani worra qulqulleesi, dubbini tante d'uga.

1 Korintho 1:2

Gara gumi Waaqa ta Korintho jirtu ta yaamani worra Waaqa tolchani, ta maro Kristo Yesotiifi worra isaa taate, ammalle gara nama lafa ch'ufa ka maqa Aabbo Yeso Kristo yaamatu: Inni Abba keennafi ka worraati.

2 Timotheo 2:10

maro waan kanatifi anini gumi Waaqi fohate jed'e obsa, aka worrileeni baafama Kristo Yeso keesa jiru argatu, guddinna hegeri woliini.

1Tasaloonqe 4:7

Waaqi, Algalooma keesa taa nuuni injenne, ammo Qulqullooma keesa taa jed'e.

2 Korintho 8:9

Isani eeba Aabbo keenna Yeso Kristo imbeetani: inni dureesa, ammo maro teesaniifi ufi hiyyoomse, aka hiyyuma ufitiini isani duroomsu.

2 Korintho 4:15

Wonti kunini ch'ufti maro teesaniifi taate; duuba akuma eebiti Waaqa nama heddu geetuuni, nami galata Waaqaa deebisa, aka maqa Waaqa guddisani.

Ebrania 9:26

yo akasi tolche, maro heddu haga lafa uumani sila gaargala. Ammo ammatana inni ya maro tokotu mullate, ka d'alooti ch'ufti diquma inhobaiini, aka sorio nafa ufitiini daba balleesu.

Ebrania 10:29

Nama Ilma Waaqa tuffatu, ka d'iiga wold'aqisa Waaqa ka isa qulqulleese bilaasha sehu, ka Lubbu eebaa arabsu, maal tolchani re? Gaargala isaa, aka inni hama, me herega!

Ebrania 9:13

D'iiga reetiifi ka koromitiifi daara jibicha sorio baasani nama qulqullo intahiiniti firfirsani, t'uri worraa iraa fuud'ani worraa qulqulleesani.

Isaya 62:1

Anini maro Yerusalemu inuma dubbad'a, haga Sioni baasani, d'ugaani isii aka ifse halkaniini bibilit'uti, afaani inqabad'u.

Ebrania 9:18

Maro waan kanatifi wold'aqisi qaraleeni d'iigaani tahe.

Yohana 10:36

Na ammo Abba kiyyati na fohate lafati na erge, isani duuba maafi waan anini Ilma Waaqa ufiini jed'eefi, inni Waaqa arabsa naani jettani re?

Yeremia 1:5

Anini ato si inuuminu si fohad'e, ato atini ind'alatinu koba si baase, raaga gosa ch'ufaa si tolche.

Yohana 15:3

Isani qara la qulqullooftani, maro dubbi anini isaniti hime suniifi.

Yohana 15:13

Nami tokoleeni jaalala hagana ira inqabu, ta nami maro jaalaani ufitiifi duu.

Yohana 17:20

Anini worraa ch'allaa inkad'ad'u, ammo nama maro dubbi worraatiifi na d'ugefatu ch'ufale kad'ad'a.

2 Korintho 7:14

Anini guddo waan keesani isati odeese, isanileeni na inch'eersine. Nu hojja ch'ufa ya d'uga isaniti dubbanne. Akasuma wonti nu Titoni jenne ya d'uga taate.

Kolosai 1:6

Oduuni Dansaani eebaani d'ufte lafa ch'ufa gahuu jirti, akuma gaafa isani guyya qara eeba Waaqa d'ageetani waan isii hubattani taate.

1 Yohona 3:3

Nami abdi tana Kristo keesa qabu ch'ufti akuma inni qulqullo ufile qulqullaa.

1 Yohona 3:18

Ijoolle tiyya! Jaalalti teenna dubbi afaani ch'alla intahiini; ammo jaalala d'uga tahu malte, ta huji dansaani ufi mulliftu