Yohana 15:16 - KITAABA WAAQA

¹⁶ Isani na imfohanne, ammo anati isani fohate erge, aka deemtani mid'aani baaftani, mid'aani ka inhamaanne. Duuba Abbaani waan maqa kiyyaani kad'attani ch'ufa isanii kenna.

Yohana 15:16 Referans Kwoze

Yohana 15:19

Yo isani nama lafa tanaa taatani, nami lafa tana akuma woljaalatu isanile jaalata. Ammo waan isani nama lafaa intahiiniifi ammalle waan anini lafa keesa isani fohad'eefi, nami lafaa isani jibba.

Efessoon 2:10

Nu uumama Waaqaati, ammalle Kristo Yeso keesa inni ya nu uume, aka huji dansa ta inni herege nu kurfeese ke teennu.

Luqaas 6:13

Lafti bariinaani jara ufi yaame, nama kud'ani lama keesaa fohate maqa ergattu baase:

Galatia 1:15

Ammo Waaqi, eeba isaatiini, ato anini ind'alatiini na yaame na fohate, aka anini isaa hojad'u.

1 Yohona 4:19

Wonti nu jaalannuufi, Waaqati qara nu jaalate.

Huji Ergattu 22:14

Inni waan naani jed'e, Waaqi ababoota teenna ya si fohate, aka atini fed'i isaa baratte Nama d'uga suni argite qonqo afaani isaa iraa d'ageetu.

2 Timotheo 2:2

Dubbi tiyya ta anini si durati nama barsiise heddu nama atini d'ugefattu, ka dandae nama d'ibile barsiisuti kenni.

Yohana 13:18

Anini isani ch'ufa imbaanu; nama anini fohad'e imbeekha. Ammo t'aafiini ta, Nami na woliini qit'a nyaatu nati garagala jette guutamu malte.

Yohana 6:70

Yesoni waan worraani jed'e, Anini isani kud'ani lama imfohanne? Ammo isani keesa Sheet'ana tokoti jira.

1 Petro 3:15

Ammo garaa keesani keesati Kristo guddisa Aabbo isa tolfad'a. Nama waan abdi isani ufi keesa qabdani isani gaafatu, aka iti himatani hojja ch'ufa kurfo taha. Ammo garaa laafinatifi ka ch'eeratiini tolcha.

Faaru 71:18

Anini amma ya jaare, rifeensi kiyyaleeni ch'ufti ya arrae, Ee Waaqa, na illakisiini! Hojja anini jabeenna kanke d'aloota ch'ufati odeesu naa wahelchi.

1 Yohona 4:10

Jaalalti tana: waan nu Waaqa jaalannefiiniti, ammo waan inni nu jaalate, Ilma ufi nu erge, akanaani maro huji isaatiifi daba keenna nu araaramani.

Mammaasa 11:30

D'ugaani jireennani d'ufti, ammo loli jireenna suni imballeesa.

Huji Ergattu 1:24

Jennaani Waaqa kad'atani waan jed'ani, Aabbo, atini garaa nama ch'ufa imbeeta. Nama atini fohatte, jara lamaani kana keesa nu garsiisi,

Isaya 27:6

Guyyaani ind'ufa, ka worri Israeli, d'alooti Yakobo, aka mukha hidda baase, late daraare lafa ch'ufa mid'aaniini qabatu.

1 Petro 3:2

worri adaba keesani dansaafi qulqullo arge maacha.

Roomaa 15:4

Wonti akanatiifi waan t'aafi keesati t'aafani ch'ufa aka nu barsiisaniifi t'aafani, aka nu abdi maro jabeennaafi obsa t'aafiini nuu kennitu argannu.

Huji Ergattu 9:15

Ammo Aabbooni waan isaani jed'e, Beeni d'aqi, anini yayu isa fohad'e, aka inni maqa kiyya gosa d'ibiifi hayyootafi ijoolle Israelile durati odeesu.

Matayo 21:22

Yo d'ugefattani waan kad'attani ch'ufa inargattani.

Faaru 145:4

Waan atini tolchite ch'ufa d'aloota kanafi d'aloota d'ibile ch'ufa keesati faarsani; huji tante jabdu inodeesani.

2 Timotheo 1:11

Waaqi ya na fohate, aka anini Odu Dansa odeese, ergattufi barsiiftu tahu;

1 Korintho 10:11

Wonti kunini ch'ufti aka nama d'ibi akheekha taatuufi taate, ammalle aka nu gorsanifi t'aafani. Wonti akanatiifi nu bara muummeeni d'iaate keesa jirra.

Roomaa 9:21

Nami eele suni d'au, akuma fed'u d'oqe tolcha, yo fed'e eele lama d'oqe tokooni mid'aasa, yo fed'e ta gati guddo yokhaani ta gati diqo mid'aasa.

Yakobo 3:18

D'ugaani d'uguma mid'aani worra nagaya ka nagayaani oobreti baasa.

Ebrania 11:4

D'ugefachati Habili sorio ta Kaini ira dansa baasise. Maro d'ugefacha isatiifi Waaqi, Nama d'uga isaani jed'e, waan Waaqi sorio isaa fud'ateefi. Maro d'ugefacha isatiifi Habilini arrale dubbata, ato duele.

Tiitoo 1:5

Anini aka atini waan tolchu malani guutuufi lafa Krete keesati si lakise, ammalle aka atini dira ch'ufa keesati jaarole gumi fohattu. Gorsa kiyya qaabad'u:

Kolosai 1:6

Oduuni Dansaani eebaani d'ufte lafa ch'ufa gahuu jirti, akuma gaafa isani guyya qara eeba Waaqa d'ageetani waan isii hubattani taate.

Roomaa 1:5

Maro isaatiifi Waaqi na fohate ergattu maro maqa Kristotiifi na tolche, aka gosa ch'ufa d'ugefachiise fud'achiisu.

Huji Ergattu 10:41

Nami ch'ufti isa ingarre, ammo jara d'uga isaa tahe, ka Waaqi qara fohateefi nuleeni ka isa woliini nyaanne d'unne, eegi inni duisa keesa kae, isa agarre.

1 Timotheo 2:7

Maro waan kanatifi aka anini ergattufi, barsiiftu gosa d'ibi tahu na ergani, aka d'aamsa d'ugefachaatifi ka d'ugaa odeesu. Anini kiyyibuuti injiru d'uga dubbachuu jira!

Kolosai 1:23

Tanaafi isanileeni d'ugefacha keesa jabaattani dura yau maltani, aka yayaba Oduuni Dansaani isanii kennite iraa inchochoone, ammalle aka abdi gaafa Odu Dansa d'ageetani argattani iraa ingorre. Oduuni Dansaani ta nama lafa ch'ufati odeesani tana; anini Pauloleeni ya hojattu isii tahe.

Mika 5:7

Worri Israeli ka hafe fit'eesa AABBO Waaqi gosa hedduti ergu yokhaani ebele mid'aaniti roobdu fakaata. Ammalle worri suni Waaqa male nama inheregatu.

Uumama 18:18

Eegi tana ilmaani isaa gosa guddo taate, gochiti lafa tana ch'ufti worrani eeba argatti.

Roomaa 1:13

Waan kana qaabachu maltani, oboleyaani tiyya: anini maro heddu imaltu gara keesani d'ufu fed'e, ammo hojja ch'ufa woiti na d'owe. Ya jiddu teesanile nama d'ugefachiisu fed'e, akuma gosa d'ibi keesa tolche.

Huji Ergattu 1:8

Ammo eegi Lubbuuni Qulqullooni isani ira buute jabeenna argattani, Yerusalemufi Yudeafi Samaria keesafi haga muumme lafale ch'ufa na d'ugeesitani.

Matayo 7:7

Kad'ad'a, isanii kennani; barbaada, inargitani; balbala d'ad'aa, isani duraa banani.

Yohana 15:5

Anini mukha zabibuti, isani damele. Nama na keesa tae anileeni keesa tau ch'allati mid'aani guddo baasa; wonti akanatiifi na male dandeetani woma intolchitani.