Yoeli 3:7 - KITAABA WAAQA

⁷ Anini ammatana lafa isani worra iti gurgurattani suni keesaa worra baase waan isani worra tolchitani isani tolcha.

Yoeli 3:7 Referans Kwoze

Yeremia 23:8

Ammo fulla suni wonti worri kakhatuni maqa AABBO Waaqa jiru, ka gumi Israeli lafa mirgaatifi lafa inni iti firfirse ch'ufa keesaa galche. Duuba worri lafa isaani keesa taa.

2Tasaloonqe 1:6

Waaqi waan qajeela intolcha: inni worra isani gaargalchu ingaargalcha,

Yeremia 30:16

Ammo amma tana nama isani hobaasu ch'ufa inhobaasani, nyaapa keesani ch'ufale imboojiani. Nama isani dabsu ch'ufa dabsani, nama isani saamu ch'ufa saamani.

Yeremia 30:10

Gumi tiyya ta Yakobo, insodaatina; worra Israeli, imudamina. Anini lafa fago suni, ta qara boojiani iti isani geesani, keesaa isani baase, isani galtani nagayaani teetani, nami tokoleeni deebie isani insodaachisu.

Mudhii Yohaannisii 19:2

Qorsumaani isaa ta d'ugatiifi ta qajeelaati! Inni ya sharmut'iti guddo ta hameenna ufitiini lafa balleesite wollaala iti mure. Waaqi ya maro isiini tissele isaa fit'eefi gaargalche jettu.

Mudhii Yohaannisii 16:6

Worri d'iiga worra qulqullo ka raagoota jisse, tanaafi atini ya d'iiga worra obaafte. Waan worraa male argachu jirani!

Mudhii Yohaannisii 13:10

Nama qabu fed'ani inqabani; nama sheeftiini ijeesu fed'ani inijeesani. Worri Waaqaa obsafi d'ugefacha qabaachu male.

Yakobo 2:13

Waaqi, yo dubbi nama naasu inqamne qoru, isale inahu; ammo naasuuni qorsuma dabsatti.

Matayo 7:2

qorsuma isani namaani qortani isanile qorani; ammalle kiila isani biimitaniini isanile biimani.

Yoeli 3:4

Maal naraa feetani worra Tirotiifi ka Sidonitiifi ka arda Filisti? Haalo na baafachu feetani? Yo isani haalo baafachu feetani, anini maro tokotu arrifad'e haalo isani baafad'a!

Ezekieli 38:8

Eegi ganna heddu anini si yaame duuba atini gosa qara lafa isaani keesaa baasani, ta lafa hedduti gargari firfirfamte, ammo amma wolti deebite nagayaani lafa keesa teetu, haata. Atini gaareeni Israeli ta qara badde danqara taate ta amma nami iti deebie nagayaani keesa tau, haata.

Ezekieli 36:24

Anini gosa ch'ufafi lafa ch'ufa keesaa wolti isani guure lafa teesaniti isani galcha.

Yeremia 32:37

Anini worra ch'ufa lafa anini dallansu tiyyaani worra iti firfirse keesaa wolti guure fulla tanati deebise nagayaani teesisa.

Yeremia 31:8

Anini mirgaa worraani d'ufe muumme lafale worra guure galcha. Naafafi ballaleeni worra woliini d'ufe, nad'eeni garaacha qabdufi, ta diquma ind'alinileeni worra woliini d'ufti, worra gumi heddu muumme inqamneti gala.

Isaya 49:12

Gumiini tiyya fago d'ufti, mirgaafi gama ila adule, ammalle gara Aswani ta bitale d'ufti.

Isaya 11:12

AABBO Waaqi baandera oliqabe gosa ch'ufa garsiisa, aka inni worra Israelitiifi ka Yuda ka gargari firfirsani boojiani, wolti guure, gama lafa ch'ufaa woltiini d'ufa.

Esta 7:10

Duuba Hamani mukha inni ufiftu qara Mordekai jed'e mid'aase kaani irati fannisani. jennaani hayyichi dallansu galfate.

1 Samueli 15:33

Samuelini waan jed'eeni, Akuma goraadeeni tante hawani heddu ilme d'owarte akasuma amma tana haati tante ilme d'abdi. Jennaani Samuelini Agagi Gilgaliti AABBO Waaqa durati garagari ch'ire ijeese.

Jaallaboota 1:7

Adon-Bezekini waan jed'e, Hayyooti torbatama ta quba hagicho ka harkatifi ka miila ira ch'irani d'ieenna hamba mesa kiyya jalaa guurati. Waaqi amma yayu waan anini duri worra tolche na tolche. Yerusalemu isa geesani inni achiti due.

Isaya 66:6

Ch'aqasa! Iyyanti dira keesaa d'uftu, yokhaani lalabi Mana Waaqa keesaa d'ufu sunini qonqo nyaapa AABBO Waaqi haalo baafatuti.

Zekaria 9:13

Anini Yuda aka guube qonyisa, Israelile aka t'iya tolcha. Anini worra Sioni goraade tolche, worra Grikitiini had'a.