Yoeli 2:32 - KITAABA WAAQA

³² Duuba nami maqa AABBO Waaqaa yaamatu ch'ufti imbaafama. Akuma AABBO Waaqi jed'e, Gaara Sionitiifi Yerusalemu keesale nami baqate fiigu injira; nami fiige suni worra anini fohad'e.

Yoeli 2:32 Referans Kwoze

Roomaa 11:26

Israeliini ch'ufti kara kanaani baafamti. Akuma t'aafiini jettu, Qarqaarsi Sioni keesaa d'ufa, inni hameenna ch'ufa d'aloota Yakobo keesaa baasa.

Yeremia 31:7

AABBO Waaqi waan jed'u, Maro Yakobotiifi gammadani sirba, maro gosa gosa ch'ufa ira guddotifi lalaba, faaru teesani d'aad'a. AABBO Waaqi ya gumi ufi baase, nama hafele ch'ufa ya baase jed'a.

Isaya 46:13

Anini guyya dabsacha ya gad'ieese. Guyyaani sunini fago injiru. Baafami kiyya inturu. Anini Yerusalemu baase, achiti worra Israeli gurra iti tolcha.

Roomaa 9:27

Isayani waan Israeli dubbate waan jed'u: Ato gochiti Israeli haga maansa afaani galaana geetele, haguma diqa toko ch'allati baafama;

Yeremia 33:3

Na yaami si, jalaa owaad'a, duuba waan mama dansa ka atini waan isii imbeenne siti hima.

Obadia 1:17

Ammo gaara Sioni gubba worra baqate baheti taa; ammalle fullaani suni fulla woyyuma taati. Duuba worri Yakobo lafuma ufii ta qara argata.

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Faaru 50:15

Hojja gaargali isaniti d'ufu, na yaamad'a; anini d'ufe, isani baase, isanileeni na faarsitani.

1 Korintho 1:2

Gara gumi Waaqa ta Korintho jirtu ta yaamani worra Waaqa tolchani, ta maro Kristo Yesotiifi worra isaa taate, ammalle gara nama lafa ch'ufa ka maqa Aabbo Yeso Kristo yaamatu: Inni Abba keennafi ka worraati.

Huji Ergattu 2:39

Kakhu Waaqa isanifi ilmaani teesani kakhatani, ammalle ta eegi tana d'alattule — worra Aabbo Waaqi keenna ufiiti yaamu ch'ufa.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Yohana 10:16

Anini hooliye d'ibi qaba, ta moona tana intahiini; isiile d'ufuuni male; isiini qonqo tiyya ch'aqafte ch'iisa toko taati, tissituleeni toko.

Yohana 4:22

Isani waan imbeenne kad'attani, ammo nu waan beennu kad'anna; wonti akanatiifi baafami gara Yahuditi d'ufa.

Mika 5:3

Tanaafi AABBO Waaqi gumi ufii harka nyaapa worraati lakisa, haga isiini dau geete ilma deetuuti. Jennaani worra gosa isaa ka boojiani worra isaani ka Israeliti deebisani.

Isaya 11:16

Ammalle worra isaa, ka worra Ashuru jalaa bahe, achiti hafe, kara balla tolchaafi, akuma duri ababoota worraa, ta lafa Misiri keesaa baate, tolche.

Isaya 10:22

Ato amma tana worri Israeli heddu aka maansa galaanaa taatele, nama diqaati deebia. Baddi worraa malte ya hereganifi.

Isaya 4:2

Guyyaani ind'ufa, ka AABBO Waaqi dame lafa keesa jirtu ch'ufa guddise mid'aadu tolchu. Nami Israelii ch'ufti, ka hafe, mid'aani lafti sunini baaftu iraa gammade, kiyyibaani.

Ebrania 12:22

Ammo isani gaara Sinaiti d'uftani, gara dira Waaqa jiru, Yerusalemu ta gubba jirtu, ta malaika kunki heddu qabdu.

Roomaa 11:7

Maani re? Gochiti Israeli waan barbaadde inarganne. Gumi diqo toko ta Waaqi fohateti waan barbaadde arge; jari kaani ch'ufti yaamicha Waaqati duudaa tahe.

Roomaa 9:24

Worri inni yaame nuu, Yahudi ch'alla keesaaniti ammo gosa d'ibile keesaa yaame.

Huji Ergattu 15:17

Aka nama d'ibi ch'ufaafi nami gosa ch'ufa, ka maqa kiyyaani yaamani, Aabbo barbaadu.

Obadia 1:21

Worri Yerusalemu, ka nyaapa ufii dabsate, gaara Esau had'e mohata. Hayyuuni lafa suni AABBUMA Waaqa taha.

Roomaa 11:5

Hojja tanale akasuma: gumi diqo toko ta Waaqi fahateti jira, maro naasu isaatiifi.

Uumama 4:26

Sethiini ilma d'ale maqa Enoshi baaseefi. Gaafi sunini gaafa qara nami yo Waaqa yaamatu AABBO jed'e yaamatu.

Amosi 9:8

Anini, AABBO Waaqi, gosa dabditi tana ta Israeli ilaani tissuu jira, lafale iraa balleesa, ammo ilmaani worraa ch'ufa imfit'u.