Yoeli 2:27 - KITAABA WAAQA

²⁷ Duuba isani, worri Israeli, aka anini jiddu teesani jirufi aka anini AABBO Waaqa keesani, ka Waaqi d'ibiini injirre, beetani. Deebiani gumi tiyya intufatani.

Yoeli 2:27 Referans Kwoze

Sefania 3:17

AABBO Waaqi kanke si woliini jira, irre isaatiini nama dabsata. AABBO Waaqi siraa gammade, jaalala isaatiini jireenna haraa sii keenna. Inni sirbe siraa gammada,

Isaya 45:5

Anini AABBO Waaqa, ana male waaqi d'ibiini tokoleeni injiru. Ato atini na beekhu baatele, anini irre sii kenna.

Yoeli 3:17

Duuba isani aka anini AABBO Waaqa keesani, ka gaara kiyya qulqullo Sioni ira tau, akasiini beetani. Yerusalemuni dira qulqullo taha; nami gosa d'ibi deebie had'e indabsatu.

Ezekieli 39:28

Duuba gumiini tiyya aka anini AABBO Waaqa isaani taanaani beeti. Wonti worri waan suni beekhufi, waan anini aka worra boojiani lafa d'ibi geesani iti lakise, ammo amma worra ch'ufa, ka tokole inhambisini, wolti guure lafa isaniti galchefi.

Yoeli 2:26

Amma isani waan guddo nyaattani quuftani, maqa AABBO Waaqa keesani, ka waan jabdu mama isani tolche, faarsitani. Deebiani gumi tiyya intufatani.

Faaru 46:5

Waaqi dira suni keesa jira, dandaani inchochoosani, inni ganama d'ufe dira suni qarqaara.

Qaabacha Seera 23:14

Waan AABBO Waaqi keesani fulla isani bultani suni isani woliini jiraate, isani qorqorate, nyaapa keesani harka keesaniti kenneefi. Fullaani isani bultani suni ha qulqullo taatuti. Waan hamtu ka infakaanne, ka AABBO Waaqa isaniti garagalcha tokole intolfatina.

Isaya 12:6

Nami Sioni keesa tahu ch'ufti ha lalabe, gammadaani isa faarsu! Waaqi, qulqullooni Israeli, gudda, inni gumi isaa keesa taha.

Mudhii Yohaannisii 21:3

Anini qonqo guddo toko ta gubba dubbatte akana jettu d'agaye: Amma mani Waaqa nama woliini jira! Inni worra woliini tae, worrileeni gumi isaa taha. Waaqileeni worra woliini taa, innileeni Waaqa worraa taha.

1 Petro 2:6

Wonti akanatiifi t'aafiini waan jettu: Anini d'akha gati guddo qabu fohad'e, aka fiit'e mana tahu Sioni keesa kaya: Nama isa d'ugefatu tokole inch'eersani.

Faaru 68:18

Inni nama boojiani heddu fuud'e, fiit'e gaaratiini kore, nama isa didu iraa wofud'ata. AABBO Waaqi achiti gala.

2 Korintho 6:16

Mani Waaqa, waan harkaani boch'ani ka worri Waaqa imbeenne kad'atuuni wolintaani? Nu Mana Waaqa jiruuti! Akuma Waaqi ufiini jed'e, Anini mana kiyya worra woliini jaarad'e worra woliini taa, anini Waaqa worraa tahe, worrileeni gumi tiyya taha.

Ezekieli 39:22

Duuba worri Israeli arti achi, aka anini AABBO, Waaqa isaani beekha.

Isaya 53:6

Nuuni ch'ufti aka hooliye banne, abbu kara ufi gula bahe. Ammo AABBO Waaqi ch'ubbu teenna ch'ufa isa ira kaye.

Isaya 45:18

AABBO Waaqi gubba uume — Waaqi isuma! Inni lafa supe mid'aase, jabeese waan ind'umanne tolche. Inni lafa duwa imid'aasine, ammo fulla nami iti galu tolche. Ammalle inni waan jed'u, Anini AABBO Waaqa, waaqi d'ibiini injiru.

Isaya 44:8

Insodaatina, imudamina, gumi tiyya. Isani haga duritifi haga arrale aka anini waan taha hime imbeetani? Isanileeni amma d'uga tiyya. Na male Waaqi d'ibiini injira? Waaqi irre qabu d'ibiini, ka anini imbeenne, injira?

Isaya 45:6

Wonti anini akasi tolchufi, aka nami lafa keesa jiru ch'ufti, aka ana AABBO Waaqa male waaqi d'ibiini injirre, beekhu.

Isaya 49:23

Hayyooti abba isaanii taate, hayyitiini ch'ufti hawani isanii taati. Worri isani durati jilbifate isani guddise guddo isanii saalfata. Duuba isani akasiini aka anini AABBO Waaqa beetani; nami qarqaarsa kiyya eegatu ch'eera inargatu.

Ezekieli 37:6

Anini morgaafi fooni isaniti deebise goga isaniti uyisa. Anini hafuura isani keesa kaye lubbu isaniti deebisa. Duuba akanaani aka anini AABBO Waaqa beetani.

Sefania 3:11

Gaafasi isani gumiini tiyya waan isani qara na diddanifi deebitani inch'eertani. Anini nama kiyyiba ufi saadu ch'ufa isani keesaa baase, isani deebitani gaara kiyya qulqullo irati mi mata d'aabdani ufi inguddiftani.

Henna 11:29

Musani waan jed'eeni, Atini waan worri kunini tahe ira hameenna agarta? Yo sila taate anini aka AABBO Waaqi lubbu isaa nama ch'ufa ira buuse aka raaga iyyisisu fed'a!

Henna 23:21

Woni anini arge worri Yakobo d'ipu inqabu, worri Israeli gaargala inargatu. AABBO Waaqi worraa worra woliini jira, worri hayyu keenna isaani jed'a.

Mammaasa 1:23

Gorsa kiyya ch'aqasa; anini dubbi dansaani isani gorse beekha kiyyale isanii qooda.

Isaya 44:3

Anini lafa d'eebicha bisaani iti buuse lafa goddule laga yaasa. Anini lubbu tiyya ijoolle teesani ira buuse, d'aloota keesanile eebisa.

Isaya 46:9

Waan duri tahe qaabad'a, Waaqi anuma, ka d'ibiini injiru. Anini Waaqa, nami aka kiyya d'ibiini injiru.

Ezekieli 39:29

Anini lubbu tiyya worra Israeliti erga, armaa achi deebie dudda iti ingalu. Nami dubbi tana jed'e ana, AABBO Waaqa gudda.

Zekaria 2:9

AABBO Waaqati isani had'e, nami duri isanii hojate garagale isani saama. Hojja woni kunini taate, nami ch'ufti aka AABBO Waaqi Guddaani na erge beekha.