Yoeli 2:17 - KITAABA WAAQA

¹⁷ Qaaloleeni ta fulla sorio iti baasanifi balbala Mana AABBO Waaqaa jiddu hojattu ha, Ee AABBO Waaqa, gumi tanteeti nahi, jette bootuti. Gochiti d'ibiini nu tufatte nu goyeesite, Waaqi keesani me? nuuni injed'iini.

Yoeli 2:17 Referans Kwoze

Ezekieli 8:16

Jennaani inni ch'icha Mana Waaqa na geese; anini d'aatu balbala Mana Waaqaa, waan sorio irati baasanifi kara jiddu keesa, nama d'iira diddami shani arge. Worri Mana Waaqa dudda iti gale ilaboruti fuula deefate, gajejed'e, biiftu baatu kad'ate.

Faaru 115:2

Gochiti maafi nu gaafate, Waaqi keesani me? nuni jetti.

Faaru 79:10

Gochiti d'ibiini maafi, Waaqi keesani me? Jette nu gaafati. Aka atini gosa d'iiga hojattu teeti jissite gaargalchitu nu garsiisi.

Matayo 23:35

D'iigi worra woma iyakini ch'ufti mata keesani gubba jira, d'iiga Habiliti haga d'iiga Zekaria ilma Barakia, ka isani Mana Waaqatiifi waan sorio irati baasani jiddu lamanti ijeeftani.

Amosi 7:2

Daayya suni keesa awaanisa waan doti ch'ufa nyaatu arge; jennaani anini waan jed'e, AABBO Waaqa Gudda, gumi tanteeti araarami, gumiini Yakobo akami waan kana iraa hafti? Gumiini sunini diqo ammalle laaftu.

Yoeli 1:9

Mid'aanifi daad'iini ta sila Mana Waaqaati baasani tokoleeni injirtu; qaaloleeni waan Waaqaa baaftu d'abde bohuu jirti.

Hosea 14:2

AABBO Waaqati deebia, dubbi dansaani waan jettaniini, Ch'ubbu teenna ch'ufa nuu araarami, kad'acha teenna ch'ufa nuu d'agayi, duuba akuma qara jenne kaani si faarsina.

1 Hayyoota 6:3

Ammalle mana suni fuula isaa dura mana d'ibi iraa jaarani, ka d'eerinni isaa d'und'uma kud'ani ka ballinni d'und'uma diddama, ka ballinni isa haguma ballinna mana kaani.

Bahisa 34:9

waan jed'e, Aabbo, yo atini d'uguma na maachite, anini si kad'ad'a, nu woliini deemi. Worri kunini mataa jajaba, ammo ha taatuti, amma atini dabafi ch'ubbu teenna hamtu ch'ufa nuu araarami, gumi tante nu tolfad'u.

Mika 7:10

Duuba nyaapi kiyya waan kana arge, nami qara na goyeese, Waaqi kanke me? naani jed'e inch'eera. Anini nyaapa suni ka aka d'oqe karaati d'id'iitani arga.

Amosi 7:5

Jennaani anini waan jed'e, AABBO Waaqa, lakisi! Gumiini Yakobo akami dandeete waan kana iraa hafti? Gumiini sunini diqo ammalle laaftu!

Ezekieli 20:9

Ammo aka gurra kiyya imballeesine worra balleesu dide; wonti akanatiifi anini qara worra worri woliini tau durati, lafa Misiri keesaa isani baasa worraani jed'e.

Isaya 37:20

Ammatana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti aka atini ch'allaani AABBO Waaqa beeti.

Faaru 89:51

Ee AABBO Waaqa, nyaapi kanke hayyu atini fohate muude miid'u jira, fulla inni deemu ch'ufa isa arabsani.

Faaru 89:41

Nami d'aatu bahu ch'ufti miha isaa saame, ollani isaa ch'ufti isaa goyeesa.

Faaru 79:4

Gochiti nu d'aatu jirtu nu arabsite nu kofalte nu goyeesite.

Faaru 74:10

Ee Waaqa, nyaapi keenna haga yoomi si kobla? Worri maqa kanke haga jiru jireenna arabsa?

Faaru 42:10

Nyaapi kiyya na arabse, Waaqi kanke me? jed'e na gaafanaani, anini araba isaani suni aka male d'ukubsad'e.

2 Odu duri 8:12

Solomonini sorio waan mesa fakaata ka inni Mana Waaqa durati jaare irati AABBO Waaqaa baase.

Qaabacha Seera 32:27

Ammo anini kiyyiba nyaapa worra sodaad'a, worri hegeri ufi d'aade, AABBO Waaqaniti, nuti worra harka keennaani hobaase jed'a.

Matayo 27:43

Inni Waaqa d'ugefate, Anini Ilma Waaqa ufiini jed'a. Yo akasi taate, aka amma Waaqi isa baasu fed'u ilaalu feena.

Malaki 1:9

Amma isani qaalole, aka Waaqi nuu eebisu, nuu kad'ad'a. Eegi isani waan akana kana baaftanifi, inni kad'a teesani isanii d'agaya?

Nehemia 9:36

Amma lafuma dansa sagale nu baaftu, ta atini nuu kennite tana keesati, tisse taane.

Yoeli 1:13

Ch'arqi naqad'a, boha, isani qaalole, ta huji Waaqaa hojatte sorio baaftu! Mana Waaqaa seena, halkani kana ch'ufa bohaa bula! Mid'aanifi daad'iini Waaqa keesanii baasani injirtu.

Faaru 42:3

Anini halkani guyya bohe, imimaani kiyya ch'alla soorad'a, ka nyaapi kiyya hojja ch'ufa na gaafate, Waaqi kanke me? nani jed'u.

2 Odu duri 7:20

anini lafa duri isanii kenne keesaa isani balleese, Mana iti na kad'atani, ka anini eebise kana, lakise biraa deema. Ammalle fulla ch'ufati mana kana goyeesani tufatani.

1 Hayyoota 9:7

anini gumi tiyya ta Israeli lafa duri worraa kenne keesaa balleese, Mana iti na kad'atani ka anini eebise kana lakise biraa deema. Ammalle fulla ch'ufati Israeli goyeesani tufatani.

Qaabacha Seera 28:37

Lafa AABBO Waaqi iti isani geesuti, biyyiti isani ira rifate, isani goyeesite, isani tufati.

Henna 25:6

Duuba namichi Israeli toko niiti gosa Midiani toko Musafi gumi Israeli ch'ufa durati waaroti galfate, ka worri balbala Waaro Woyyuma durati bou jiru.

Isaya 22:12

AABBO Waaqi guddaani guyya suni isani yaame, aka isani laalefatani bootani mata haadatani ch'arqi naqatani.

Yoshua 7:9

Gochiti kanaanitiifi nami lafa tana keesa jiru ch'ufti waan kana d'agaye, amma tana nu marse nu ch'ufa fit'a! Atini duuba maani tolchita aka gurra kanke badi d'owartu?

Faaru 42:4

Hojja anini waan dabre qaabad'u, gaafa anini gumi guddo woliini Mana Waaqaa d'aqe, gumi gammada qabdu ta sirbite Waaqaa faarsa yaatu dura deeme, garaani naa hamate.

Faaru 42:11

Anini maafi akana tae laalefad'e gaargala? Anini Waaquma abdad'a; ammalle deebie Waaqa kiyyafi baafama kiyya faarsa.