Yeremia 9:3 - KITAABA WAAQA

³ Worri worra afaani gorani ka arabi isaani yo ch'ufa d'ara dubbatu. Fulla d'uga d'arati lafa mohata. AABBO Waaqi waan jed'u, Gumiini tiyya guyya ch'ufa woluma gula ch'ubbu tolchite, ammalle aka anini Waaqa worraa inhereddu.

Yeremia 9:3 Referans Kwoze

Yeremia 9:8

Arabi worra aka t'iya nama ijeeftu jira; hojja ch'ufa d'ara dubbata. Nami ch'ufti dubbi dansa nagaya woliini dubbata, ammo garaa ufi keesa t'urura woli kayu malata.

Roomaa 3:13

Lubbuuni worraa aka awaala qotani jirti. D'arti araba worraa iraa baati, dubbini hamtuuni, ta aka had'aa bofa jirtu, afaani worraa keesaa baati.

Yeremia 4:22

AABBO Waaqi waan jed'u, Gumiini tiyya raatu, nale imbeetu, worri ijoolle woma imbeenne, ta woma inhubanne, fakaata. Worri aka waan hamtu tolchu guddo iti qaro, ammo aka waan dansaa tolchu guddo iti daalle.

Jaallaboota 2:10

D'alooti sunini ch'ufa hobae jennaani, d'alooti d'ibiini, ka worra gula d'ufe, AABBO Waaqafi waan inni gumi Israeliti tolche wollaalani.

Yeremia 31:34

Nami tokoleeni deebie nama gosa isaa yokhaani oboleesa isatini, AABBO Waaqa beekhi jed'e, imbarsiisu; wonti akanatiifi worri ch'ufti, diqaafi guddaleeni, na beekha. Anini daba worraa araarameefi ch'ubbu worraale deebie inqaabad'u. Nami dubbi tana jed'e ana, AABBO Waaqa.

1 Samueli 2:12

Ilmaani Eli nama hamama woma keesa injirre. Worri AABBO Waaqa insodaanne

Mudhii Yohaannisii 12:11

Oboleyaani teenna d'iiga Ilme Hoolatiifi d'uga worri odeesuuni isa dabsatte; worri kurfo jira aka jireenna ufi baase duu.

Yihudaa 1:3

Jaalaani tiyya, anini guddo herege aka waan baafama nuuni ch'ufti woliini qamnu isani t'aafu; duuba tatabe tana ya isanii t'aafe aka isani jabaattani, d'ugefacha Waaqi gumi isaa ch'ufa maro tokotu kenne jabeesitani badi d'owartani.

2 Timotheo 3:13

ammo nama hamafi kiyyibaani ch'ufti ira hamaata, ufi sobani nama d'ibile sobani.

Filipi 1:28

Nyaapa keesani insodaatiina; hojja ch'ufa jannooma, wonti kunini aka isani worra dabsatani agarsiifti Waaqati dabsacha isanii kenna!

Roomaa 1:28

Maro biyyiti waan d'uga Waaqa barachu diddeefi, inni ya qalbi hamtuti worra lakise, tanaafi waan tolchu himmalini tolchani.

Roomaa 1:16

Wonti akanatiifi anini Odu Dansa iraa inch'eeru: isiini jabeenna Waaqa ka worra d'ugefate ch'ufaani baasani, qaraa fiit'e Yahudi eegi suni gosa d'ibi.

Yohana 17:3

Ammalle jireenni hegeri kana: aka atini Waaqa tokocha d'uga si beekhani, Yeso Kristole ka atini ergite beekhani.

Mariko 8:38

Yo nami tokoleeni anaafi dubbi tiyya dide, d'aloota hama Waaqa didu kana keesati, Ilmi Namaleeni isa indida, gaafa inni guddinna Abba ufitiini d'ufu, malaika qulqullo woliini.

Yeremia 22:16

Inni dubbi hiyyeesa d'uga gula qore, tanaafi waan tolche ch'ufa keesati eeba argate. AABBO Waaqi waan jed'u, Waaqa beekhitini waan akanatiniiti?

Yeremia 9:5

Nami ch'ufti jaala ufi sobe, tokoleeni d'uga wolti indubbatu; worri araba ufi d'ara barsiise, ch'ubbu gula yae iraa deebiu dide. Worri waan hamtu guyya ch'ufa woluma gula tolche guyya ch'ufa woli soba. AABBO Waaqi waan jed'u, gumiini tiyya ya na didde.

Yeremia 7:26

Taatule nami tokoleeni ch'aqase na jalaa inqamne. Isani ababoota teesanile ira mata jabaatani na ch'aqasu diddani.

1 Korintho 15:34

Qalbi teesaniti deebia, kara keesani ka daba lakisa. Nami gari waan Waaqa imbeekhu; anini aka isani ch'eertanifi jed'a.

Lawi 19:11

Woma inhatina, yokhaani namale insobina, d'arale wolti indubbatiina.

Isaya 1:3

Looni abba ufii imbeekhani, harreleeni gombo abba ufii imbeeti. Ammo gumiini tiyya ta Israeli na imbeetu worri woma tokole inhubatu.

Isaya 3:5

Nami ch'ufti woldabsa, kaimi jaarole insaalfatu, nami seseegi ufitu woma keesa injirre gudda ufiti saalfachuu dida.

Isaya 6:5

Jennaani anini waan jed'e, Anini ya fafae, ya lafaa badde. Wonti akanatiifi arabi kiyya ch'ubbu ch'alla dubbata, nami nu woliini teenuuleeni ch'ubbu male waan d'ibi indubbatu. Ammo amma anini ila tiyyaani yayu AABBO Waaqa hayyu gudda, arge!

Yeremia 5:4

Jennaani anini herege waan jed'e, worri kunini hiyyeeyi woma imbeenne, worri waan daalluma taha, kara AABBO Waaqaa imbeekhu.

Yeremia 5:5

Anini worra gugurda d'aqe dubbad'aani. Worri suni kara AABBO Waaqa inuma beekha, waan Waaqi fed'ule inuma beekha. Ammo worri ch'ufti woligale dubbi AABBO Waaqa lakise isaa saalfachu dide.

Danieli 11:27

Duuba hayyoota taani lamaani ta garaani worraa wolballeesu fed'u, mesa takaa ira woliini teteete wolti kiyyibdi. Ammo waan tahu fed'ani inargatani, wonti akanatiifi guyyaani wonti sunini taatu ingeenne.

Uumama 39:16

Jennaani haga d'iirsi galuti, woya isaa ufi bira olkeete.

Jaallaboota 14:17

Bulti torbaani jila suni ch'ufa iti boote jennaani guyya torbeeso waan hiimpo suni, waan isiini isa gargalchitefi iti hime. Duuba isiini kaate worra gosa isii ka Filistiti himte.

Mammaasa 12:5

Heregi nama d'ugaa kama d'ugaati, ammo heregi ch'ubbicha waan d'araati.

Isaya 9:18

Ch'ubbuuni gumi aka ibida bobeete, mukha qoraatitiifi mogorele gubde, akuma ibida badda gubu, ka aari guddaani keesaa olbahu taati.

Yeremia 6:28

Worri ch'ufti ya mata jabaate, na dide; mata jabeenni worraa akuma sibiila diimatifi guraacha jira. Worri ch'ufti nama waan hamtu tolche, fulla ch'ufaa yae nama nyaatu.

Yeremia 12:6

Oboleyaani tante ta woliini d'alatanileeni yayu siti malatte, faani tante yaate si balleesu feeti. Ato worri afaani dansa siti dubbatele ind'ugeefatini.

Ezekieli 8:13

Jennaani AABBO Waaqi waan nani jed'e, Atini waan hagana ira ch'eera, ka worri kunini tolchu, agarta.

Huji Ergattu 24:9

Yahudiini ch'ufti wold'ate, Himachaani tunini d'uga jette.