Yeremia 8:4 - KITAABA WAAQA

⁴ AABBO Waaqi waan nani jed'e, Waan atini gumi tiyyaani jettu, nami yo jige inkau? Nami yo kara iraa gore iti indeebiu?

Yeremia 8:4 Referans Kwoze

Mammaasa 24:16

Nami d'ugaa ato maro heddu jigele inuma kaa; ammo ch'ubbichi inuma bada.

Mika 7:8

Nyaapi kiyya waan maro gaargala kiyyatiifi gammaduufi inqabu; anini ya jige amma inuma kaa. Anini amma dukana keesa jira, ammo AABBO Waaqati ifsa naa keenna.

Hosea 6:1

Koota, AABBO Waaqati deebina! Inni qara ya nu tatarsaase, ammo inuma nu fayyisa; ya nu madeesele, ammo mada teenna inuma hid'aniti?

Yeremia 3:1

AABBO Waaqi waan jed'u, Yo nami niiti ufi jalaa baase, nami d'ibiini isii fuud'e, inni dandae deefata? Lafti suni yo akasi int'urooftu? Ammo isani worri Israeli ka jaalani heddu qabdani, nati deebiu feetani?

Isaya 55:7

Ch'ubbichi ha kara ufi lakisu, nami hameenna gula deemu ha herega ufi garagalfatu. Inni ha AABBO Waaqa keennati deebiu. Duuba inni naheefi hurrise araaramaafi.

Amosi 5:2

Gochiti Israeli aka dubra jidde kau dad'abde jirti! Isi lafa buusani, nami toko ka olkaasu injiru.

Hosea 14:1

Ee Israeli, AABBO Waaqa keesaniti deebia, dabi keesani ya gufachiise isani buuse.

Hosea 7:10

Kiyyibi worra Israeli ya worra balleesa, ammo ha taatu, worri ana, AABBO Waaqa worrati deebie imbarbaanne.

Ezekieli 18:23

AABBO Waaqi guddaani waan jed'u, isani waan hojja nami ch'ubbu qabu duu anini gammadu seetani? Hiyo, anini ingammadu, Isa sila ch'ubbu suni iraa deebie jiraatu fed'a.

Isaya 44:22

Anini ch'ubbu teesani yayu aka dumansa dabarse; nati deebia, nami isani baasu anuma.

1 Hayyoota 8:38

kad'acha worraa d'agayifi. Hojja worri kanke ka Israeli nami tokoleeni gaargala ufi arge, harka ufi gara Mana Waaqa kana qabe Waaqa kad'ate,

Yeremia 36:3

Hegeri hojja worri Yuda badi anini itiini d'ufu fed'u d'agaye, worri hameenna isaani iraa deebiafa. Duuba anini dabaafi ch'ubbu isaani inaraaramafi.

Yeremia 23:14

Ammo anini raagoota Yerusalemu, ta waan hagasi ira hamtu tolchitu, arge: Worri huji sharmut'oma hojate, d'ara dubbate, nama waan hamtu tolchule wahelche; duuba akanaani nami tokoleeni hameenna ufi iraa deebiu dide. Aka kiyyati worri yayu worra Sodomatifi ka Gomora fakaate.

Yeremia 4:1

AABBO Waaqi waan jed'u, Isani, worri Israeli, yo deebiu feetani, nati deebia. Yo isani waaqa harkaani mid'aafatani, ka anini jibbu gadi gatani naraa goru diddani,

Yeremia 3:22

Isani ch'ufti ka AABBO Waaqa iraa gortani, isati deebia; inni isani fayyise nama d'uga isani tolcha. Isani waan jettani, nu AABBO Waaqati deebina, inni Waaqa keenna.