Yeremia 7:4 - KITAABA WAAQA

⁴ Dubbi d'ara tana, ta nami deemu ch'ufti kunini Mana AABBO Waaqa, kunini Mana AABBO Waaqa jed'u, ind'ugeefatina.

Yeremia 7:4 Referans Kwoze

Mika 3:11

Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a.

Sefania 3:11

Gaafasi isani gumiini tiyya waan isani qara na diddanifi deebitani inch'eertani. Anini nama kiyyiba ufi saadu ch'ufa isani keesaa baase, isani deebitani gaara kiyya qulqullo irati mi mata d'aabdani ufi inguddiftani.

Ezekieli 13:19

Isani gumi tiyya durati na tufatani, aka garbufi qit'a diqa toko argatani. Isani nama duu himmalini ijeeftani, nama sila duu male lakiftani. Duuba isani dubbi d'ara gumi tiyyati himtani, worri isani d'ugeefata.

Yeremia 29:31

Qonqo tana gara worra boojiani Babiloni geesaniti ergi waan jettuuni: Wonti Shemaya ka AABBO Waaqi jed'u tana: Anini, AABBO Waaqi, Shemayaafi d'aloota isaa ch'ufa ingaargalcha. Anini isa inergine, ammo inni raaga ufi tolche, isanii fage, dubbi d'ara isani d'ugefachise. Inni gosa teesani keesaa bada, ilmaani inhoratu, yokhaani waan dansa ka anini gumi tiyya tolchu inargu; wonti akanatiifi inni worraani, Waaqa dida jed'e barsiise. Nami dubbi suni jed'e ana, AABBO Waaqa.

Luqaas 3:8

Huji nami daba iraa deebiu tolchu tolcha. Abbaani keenna Abrahamu ufiini injed'ina. Waan anini jed'u, Waaqi d'akha kana keesa ilmaani Abrahamu mid'aasu indandaa.

Yeremia 28:15

Jennaani anini waan Hananiani jed'e, Hanania, na ch'aqasi! AABBO Waaqi si inergine, atini jara kana sobde dubbi d'ara dugefachisuu jirta.

Yeremia 6:14

Worri aka waan madaani worra kiyya tararo woi taate, lafa nageenni bad'aad'a jed'a, ka ufiftu nageenni injirre.

Yeremia 29:23

Wonti worri gaargala suni argatuufi worrati Israeli keesati waan dabaa tahe: Worri nad'eeni biyya barate, ammalle maqa AABBO Waaqatini d'ara dubbate. Wonti worri tolchu kunini waan Waaqi fed'uniti; inni waan worri tolche beekhe ila ufitini arge. Nami dubbi tana jed'e AABBO Waaqa.

1 Hayyoota 9:7

anini gumi tiyya ta Israeli lafa duri worraa kenne keesaa balleese, Mana iti na kad'atani ka anini eebise kana lakise biraa deema. Ammalle fulla ch'ufati Israeli goyeesani tufatani.

Isaya 48:2

Ammo ha taatu, isani kiyyibdani, Nu worra dira qulqullo keesa tau, ka AABBO Waaqa gudda Israeli d'aabbatu ufiini jettani.

Isaya 59:4

Isani gaadisa koraa d'at'ani, dubbi d'araatiini nama himatani. Isani d'ara gula yaatani kara sunini d'uga barbaadani. Hameenna hereddani waan hamtu nama tolchitani.

Isaya 66:1

AABBO Waaqi waan jed'u, gubbaani barch'uma kiyya, lafti fulla anini miila d'ad'abad'u. Mani isani naa jaartani me re? Fullaani anini hafuura iti baafad'u eesa taati?

Yeremia 7:14

Tanaafi waan anini qara Shilo tolche amma Mana kiyya kana, ka isani d'ugeefatani tolcha. Arma fulla tana ta anini ababoota teesanifi isanile kenne, akuma qara Shilo tolche tolcha.