Yeremia 4:4 - KITAABA WAAQA

⁴ Wold'aqisa keesani ka AABBO Waaqaani woliini tolfatani, jabeesa, garaa keesani AABBO Waaqati kennad'a, isani worri Yudatifi ka Yerusalemuleeni. Yo isani akasi tolchu diddani, maro isani waan hamtu tolchitanifi dallansuuni tiyya aka ibida isani gubdi nami tokoleeni ka dandae d'aamfu injiru.

Yeremia 4:4 Referans Kwoze

Qaabacha Seera 10:16

Tanaafi deebitani mata injabaatiina armaa achi AABBO Waaqa d'agaya.

Kolosai 2:11

Isa keesa qabanqaba isani qabani, qabanqaba nami tolchuuniti ammo qabanqaba Kristoti, ta jabeenna nafa dabdicha kana jala nama baasu.

Qaabacha Seera 30:6

AABBO Waaqi keesani garaa keesanifi ka ilmaani teesani laafise, ufii isani saalfachiisa aka isani garaa keesani ch'ufaani isa jaalattani, lafa suni keesati bultani.

Yeremia 21:12

worra d'aloota Daudi! AABBO Waaqi waan jed'u, Guyya ch'ufa waan tolchitani ch'ufa d'uga gula tolcha. Nama dabsani harka nama dabse jalaa baasa. Yo baasu baatani, wonti hamtuni isani tolchitani kuni dallansu tiyya aka ibida nami dandae ind'aafine bobeesiti.

Amosi 5:6

AABBO Waaqa barbaada, injiraattani. Yo isani barbaadu baatani, inni aka ibida worra Yusufuti d'ufe guba. Ibidi suni worra Betheli gube, nama d'aamfule d'abani.

Sefania 2:2

ato gogoddani aka daraara imbadiini, ammalle ato dallansuuni AABBO Waaqa isani ingubini, ammalle ato guyyaani dallansu AABBO Waaqaa isani ind'aqabiini.

Ezekieli 20:33

Anini inkakhad'a haga anini AABBO Waaqi guddaani jiru, aka anini isaniti dallane irreeni isani bulchu.

Ezekieli 24:13

Ee Yerusalemu, hameenni kanke ya si t'ureese ato anini si qulqulleesu fed'ele, t'urini siraa imbaatu, Haga dallansuuni tiyya naraa galtuti, atini deebite qulqullo intaatu.

Boha 4:11

AABBO Waaqi aka male dallane, gugubate, dallansu sunini d'ufe Sioni, ibida iti bobeese gube hobaase.

Ezekieli 24:8

Anini d'iiga suni fulla nami ch'ufa arguti lakisa, aka akasiini nami garaani hammaate haalo baafatu.

Ezekieli 16:38

Anini aka nad'eeni huji sharmut'a hojate d'iiga nama jissitu wollaala iti murani, wollaala siti mura. Duuba anini, ka dallansu qabu, si gaargalche dua siti mura.

Ezekieli 8:18

Tanaafi worri dallansu tiyya duraa imbahu. Anini worraa biraa indeemu, yokhaani innahufi. Ammalle yo worri haga dandau iyye na kad'atule inch'aqasu.

Ezekieli 6:12

Nami fago jiru fayyad'abe raawata; ka d'io jiru woraanaani hobaa; ka waan suni jalaa bahuleeni garaachani hobaa. Akanaani worri aka dallansuuni tiyya hamtu arga.

Yeremia 36:7

Hegeri worri AABBO Waaqa kad'ate hameenna duri iraa deebiafa, wonti akanatiifi AABBO Waaqi yayu worra kana aka male iti dallane.

Yeremia 23:19

Dallansuuni isaa aka bubbe jirti, ta irrumani mata worra ch'ubbu roraaftu.

Yeremia 21:5

Anini irre tiyyafi jabeenna kiyya ch'ufaani aka hama gugubad'e dallane si had'a.

Isaya 51:17

Ee Yerusalemu damaqi, kai oli eji! Atini muduunu AABBO Waaqi dallansuuni sii kenne ya d'udde fooqifte, machoofte dadat'eeni.

Lawi 26:28

anini dallansu tiyya keesa isaniti gargale gaargala keesani haga qarale ira guddisa.

Ezekieli 21:17

Duuba aninileeni harka d'ae, akasiini dallansuuni naraa galti. Nami dubbi tana jed'e ana, AABBO Waaqa.

Ezekieli 18:31

Hameenna isani tolchitani kana ch'ufa yaala baha, qalbiifi garaa hareesa horad'a. Isani worri Israeli, maafi badu feetani?

Qaabacha Seera 32:22

Dallansuuni tiyya aka ibida bobeete, boola fulla Ekherani jirtuleti woi gubdi: Dallansuuni suni lafafi waan isiini baaftule ch'ufa balleesite, gaarale ch'ufa ibidaani gubdi.

Roomaa 2:25

Yo Seera guute qabanqabaani tante wo sii baati; ammo yo Seera ch'absite qabanqaba qabachu d'ibaatele womaniti.

Lawi 26:41

ufi na jibbisise aka anini worra lafa nyaapa worrati ergu na tolche, daba suni ch'ufa himate ira deebie; ammalle yo d'alooti keesani ufi diqeese, gati dabaafi ch'ubbu suni baase,

Isaya 10:17

Waaqi ifsaani Israeli ibida tahe, Waaqi qulqullooni Israeli bobae, guyya tokooni waan ch'ufa gube balleesa, qoraatifi mogorele.

Isaya 30:33

Duri duri, fulla ibidi guddaani toko hayyu Ashuru iti gubu kurfeesani. Fullaani sunini gadi qile, ammalle ballo, qoraanileeni arti miju. Duuba AABBO Waaqati hafuura isaatini ibida gabaase guba.

Yeremia 9:25

AABBO Waaqi waan jed'u, Guyyaani ind'ufa, ka anini worra gosa Misiritiifi ka Yudatifi ka Edomutifi ka Amonitifi ka Moabutifi worra lafa gamooji ka mata ufi gababse ch'iratu gaargalchu. Worri kunini ch'ufti aada gula qabanqaba qabata, ammo waan aadaani suni malteefi inguunne. Worra kanafi worri Israeli tokoleeni wold'aqisa kiyya injabeesine.

Yeremia 44:22

Guyyuma kana lafti teesani badde ona taate, nama keesaa d'abani. Isii, nami yo arge iraa rifate, maqa isiitiini woli abaara; wonti akanatiifi AABBO Waaqi hameennaafi ch'ubbu isani tolchitani tana ya obsu dad'abe.

Ezekieli 44:7

Isani yayu nama gosa d'ibi, ka qabanqaba inqabanne, ka ammalle naa insaalfanne, hojja gabbinnafi d'iiga sorio naa baasani Mana kiyyati galchitini akasiini Mana kiyya t'ureesitani. Duuba akanaani gumi tiyya isani yayu waan hamtu taatani wold'aqisa kiyya ch'absitani.

2 Odu duri 34:25

Worri ya na dide, sorio Waaqa d'ibii baase, akanaani huji sunini na dallansiise, tanaafi dallansuuni sunini ta anini Yerusalemuti dallane deebite naraa ingaltu.

Yeremia 15:14

Anini lafa worri waan isii imbeenneti geese harka nyaapa worrati kenna, wonti akanatiifi dallansuuni tiyya ibida fakaati, haga jiru jireenna wo gubdi.