Yeremia 4:1 - KITAABA WAAQA

¹ AABBO Waaqi waan jed'u, Isani, worri Israeli, yo deebiu feetani, nati deebia. Yo isani waaqa harkaani mid'aafatani, ka anini jibbu gadi gatani naraa goru diddani,

Yeremia 4:1 Referans Kwoze

Yoeli 2:12

AABBO Waaqi waan jed'u, Ammo amma tanale, garaa keesani ch'ufaani nati deebia, ufi agabsa, laalalaani boha.

Yeremia 3:22

Isani ch'ufti ka AABBO Waaqa iraa gortani, isati deebia; inni isani fayyise nama d'uga isani tolcha. Isani waan jettani, nu AABBO Waaqati deebina, inni Waaqa keenna.

Ezekieli 43:9

Amma tana worri Waaqa d'ibi kad'achu lakise reefa hayyoota guuru male. Yo worri waan suni tolche, anini haga jiru jireenna jiddu worra taa.

Yeremia 25:5

Worri waan jed'e, Isani nami ch'ufti kara hama kanafi waan hamtu tahuti, jirtani kana iraa deebia, duuba akanaani lafa AABBO Waaqi isanifi ababoota teesani haga jiru jireenna d'aalaa kenne keesa teetani.

Yeremia 3:12

Beeni, worra Israelitini waan atini jettu, Worra Israeli ka na didu, nati deebia. Anini naaso deebie isaniti indallanu,

Yeremia 3:1

AABBO Waaqi waan jed'u, Yo nami niiti ufi jalaa baase, nami d'ibiini isii fuud'e, inni dandae deefata? Lafti suni yo akasi int'urooftu? Ammo isani worri Israeli ka jaalani heddu qabdani, nati deebiu feetani?

Uumama 35:2

Duuba Yakobooni waan worra isaatiifi nama isa woliini jiruuni jed'e, waaqoota harkaani boch'ani, ta lafa nyaapati kad'attani taani gata ufi qulqulleesa, woya jijirad'a.

Hosea 14:1

Ee Israeli, AABBO Waaqa keesaniti deebia, dabi keesani ya gufachiise isani buuse.

Hosea 2:2

Ijoolle, haateti dubbad'a ufi ya dad'abe, isiini amma niiti tiyyaniti, anileeni d'iirsa isiitiniti, ammo ha taatuti, iti dubbad'a, aka isiini sharmut'oma isii, ka ch'eera d'abde lafaani martu kana, lakiftu.

2 Odu duri 33:8

Ammalle yo gumiini Israeli Seera kiyya guute, seera hojatuni tiyya Musani kenneefi ch'ufa gula yaate, anini aka lafa anini ababoota worraati kenne taani keesaa worra baasani ee injed'u jed'e,

2 Odu duri 15:8

Asani waan Azariani, ilmi odedi, fage d'agaye jennaani garaa jabaate. Inni Waaqa d'ara, ka harkaani mid'aasani, lafa Yudatifi ta Benjamini keesati kad'atanifi Waaqa d'ibi, dira inni boojie, ka lafa Efraimu ta gaareenile ch'ufa, balleese. Ammalle inni waan sorio irati baasani, ka d'aatu Mana Waaqa, ka qara ch'ach'abe, mid'aase.

2 Hayyoota 23:24

Ammalle Yosiani falfaltuufi worra ayyaanatifi ammalle akheekha waan aka Mana Waaqa keesati kad'attani ch'ufa Yudafi Yerusalemu keesa balleese, aka akanaani t'aafi kitaaba qaallicha Hilkia jed'ani, Mana Waaqa keesati arge kaani keesa jirtu guutufi tolche.

2 Hayyoota 23:13

Hayyu Yosiani fulla sorio irati baasani, ta hayyu Solomonini gaara ejersaatini bitaa Yerusalemu ilaboruti jaare aka waaqa d'ara ka Ashtorethifi waaqa Sidonitifi Kemoshi waaqa Moabutifi Milkomu waaqa Amoni iti kad'attani t'ureese balleese.

1 Samueli 7:3

Samueli waan worra Israelitini jed'e, Hojja isani AABBO Waaqati garaa keesani ch'ufaani ka deebitani tatani, isani waaqa worra gosa d'ibitifi akheekha waaqa Ashtorethi ufiraa balleesu maltani. AABBO Waaqati ufi kenna, isuma ch'alla kad'ad'a, duuba inni harka worra Filisti keesaa isani baasa.

Jaallaboota 10:16

Duuba worri waaqoota worra gosa d'ibi kaani gadi gate, AABBO Waaqa ch'alla kad'atani. Inni duuba gaargala worra Israeli arginaani obsu dad'abe.

Hosea 7:16

Worri yo ch'ufa naraa gore waaqa woma keesa injirre kad'ate guube dabdu fakaata. Waan jaaroleeni kiyyibdeefi, worra goraadeeni fit'ani, worri Misirileeni worra kobla.

Ezekieli 18:13

beese namaa liqeesele tirfi ira barbaade, nami kunini injiraata? Hiyo, injiraatu. waan inni waan ch'eera hamtu kana taheefi, inni inuma dua, d'iigi isaaleeni gubbuma isati.

Ezekieli 11:18

Worri hojja deebiu waan ch'eera hamtu achiti argu imballeesa.

Yeremia 36:3

Hegeri hojja worri Yuda badi anini itiini d'ufu fed'u d'agaye, worri hameenna isaani iraa deebiafa. Duuba anini dabaafi ch'ubbu isaani inaraaramafi.

Yeremia 35:15

Anini maro heddu raagoota hojattu tiyya isaniti erge worrileeni isani gorse waan jed'e, Isani nami ch'ufti hameenna lakisa, waan d'uga gula yaa. Waaqa d'ibi gula yaatani inhojatinafi. Duuba yo suni, lafa anini ababoota teesani kenne nagayaani keesa teetani. Ammo isani dubbi tiyya ind'ageenne yokhaani na jalaa inqamne.

Yeremia 24:9

Anini badii hamtu akana tana worratiini d'ufe, gosa lafa keesa jirtu ch'ufa mudamsiisa. Nami worrati tabate, worra goyeese tufate, fulla anini worra iti firfirsu ch'ufa maqa worraatini nama abaara.

Yeremia 15:4

Anini gumi tana waan nama lafa ch'ufaa rifachiisa tolcha, maro waan duri Manaseeni, ilmi Hezekia, gaafa inni hayyu Yuda, Yerusalemu keesati tolcheetifi.

Yeremia 4:4

Wold'aqisa keesani ka AABBO Waaqaani woliini tolfatani, jabeesa, garaa keesani AABBO Waaqati kennad'a, isani worri Yudatifi ka Yerusalemuleeni. Yo isani akasi tolchu diddani, maro isani waan hamtu tolchitanifi dallansuuni tiyya aka ibida isani gubdi nami tokoleeni ka dandae d'aamfu injiru.

Yeremia 3:14

Worra na didu kana, nati deebia, isani kiyyuma. Anini nama toko dira ch'ufa keesaa fuud'e lamale balbala gosa ch'ufa keesaa fuud'e, gaara Sioniti isani deebisa.

Isaya 31:6

AABBO Waaqi waan jed'e, Isani worri Israeli ya nati ch'ubbamtani na diddani, ammo ammatana nati deebia!

Yoshua 24:14

Duuba Yoshuani ammalle waan jed'eeni, AABBO Waaqa sodaad'a d'ugaafi garaa tokooni isa hojad'a. Waaqoota d'ara ka ababooti teesani duri galaana Frati gammafi lafa Misiri keesati kad'atte d'id'imati d'aa, AABBO Waaqa ch'alla hojad'a.

Qaabacha Seera 27:15

Waaqi nama waan boch'ani waaqa jed'e kad'atu ka d'akha taanaani, mukha taanaani, sibiila taanaani mid'aase d'ossani kad'atu ha abaaruti, AABBO Waaqi waan akana kana guddo jibba. Duuba gumiini ch'ufti ha Amini! jettu.

Qaabacha Seera 4:30

Yo wonti hedduuni isaniti buute, gaargali isani qabate, isani eege AABBO Waaqa keesaniti deebitani d'ugeefatani.

Yeremia 7:5

Finna keesa jirtani kana jijirad'a, waan tau jirtani kanale lakisa. Woli indabsina, waan dansaa woli tolcha.

Yeremia 7:7

Duuba yo isani waan kana taatani, anini lafa duri ababoota teesani d'aala kenneefi keesa isani teesisa.

Yeremia 15:19

Dubbi suni gula AABBO Waaqi waan jed'e, Yo atini iraa deebite, anini si fuud'e deebise hojatu tiyya si tolcha. Yo atini dubbi woma keesa injirre lakifte dubbi d'uga dubbate, deebiteti raaga naa taata. Biyyiti siti deebiti, wonti atini worra barbaadufi injirtu.

Yeremia 18:11

Amma waan atini worra Yudatifi ka Yerusalemutini jettu, AABBO Waaqi waan jed'u, Anini isaniti malachuu jira, aka isani gaargalche isani balleesu. Tanaafi isaniini ch'ufti kara keesani hama lakisa, amalafi adaba keesani jijirad'a.

Zekaria 1:4

Aka ababoota teesani intahiina. Duri duri raagooti waan worraani jette, Kara hamafi huji hamtu iraa deebia, ammo worri ch'aqase naa insaalfanne.

2 Odu duri 34:33

Yosiani akheekha waaqa d'ara, ka lafa worra Israeli ch'ufa keesa jiru, balleese haga inni jiru gochiti isaa taka kara AABBO, Waaqa ababoota isaani, iraa ingorre.