Yeremia 3:4 - KITAABA WAAQA

⁴ Ammatana waan nani jettani, Atini abba keenna, haguma ijoolluma teennati asi nu jaalata.

Yeremia 3:4 Referans Kwoze

Yeremia 2:2

Beeni, Yerusalemu d'aqi, waan nama isii ch'ufaani jettu, AABBO Waaqi waan jed'u, Anini imbeekha, aka atini gaafa kaima na d'ugeefatte, gaafa anini si fuud'e na jaalatte. Atini lafa gamooji keesa na gula deemte, lafa nami takaa infach'aasini.

Yeremia 3:19

AABBO Waaqi waan jed'u, Israeli anini ilma isani tolfad'e, lafa dansa lafa ch'ufa iraa mid'aadu isanii kennu fed'e. Ammalle waan isani aabbo nani jettanifi waan isani deebitani naraa gortani inseenne.

Hosea 2:15

Anini oobru isii ta zabibu isii deebise Bale Gaargala garagalche balbala abdi tolcha. Isiini achiti dubbi na jalaa qabdi, akuma gaafa kaima, ka isiini lafa Misiri keesaa baate na jalaa qabde kaani.

Yeremia 31:9

Gumiini tiyya boote na kad'atti, ato anini worra galchuu jiru. Anini afaani galaana daandi qajeeltu worri keesati ingufanne gula worraani godaana. Anini abba Israeliti, ilmi kiyya ka angafa Efraimu.

Mammaasa 2:17

ta d'iirsa insaalfanne, ta ammalle aada duri keesati fuud'ani gula indeemne duraa baata.

Faaru 71:17

Haguma ijoolluma tiyyaati asi, siumati na qarqaara, anini arrale waan dansa atini naa tolchite odeesumati jira.

Malaki 2:14

Duuba isani waan inni iti deebie waan isani baaftanifi imfud'anneefi gaafattani. Wonti inni dideefi, waan isani kakhu nad'eeni gaafa isani kaima fuutani kakhattaniifi ch'absitanifi. Nad'eeni suni teesani, ammo isani yayu kakhu worraati kakhattani ch'absitani, ato Waaqa durati, Aka dansaa isi finna jettanile.

Yeremia 2:27

Isani ch'ufa inch'eersani, ka mukhaani, Aabbo jettani, D'akhaani, siti na d'ale jettani. Wonti akasi isani tolchanifi waan isani dudda nati galtani, fuula naraa deefattaniifi. Ammo hojja gaargali isaniti d'ufu, nati d'uftani, kooti, nu baasi jettani.

Mammaasa 1:4

Inni nama woma imbeenne woi barsiise, kaimale beekhaafi qalbi dansa kennafi.

Faaru 119:9

Kaimi akami dandae qulqullumaani taa? Yo dubbi tante guute gula deeme ch'alla.

Faaru 71:5

Ee AABBO Waaqa, anini si abdad'a. haguma d'aloota kiyyati siuma d'ugeefad'a.

Faaru 48:14

Waaqi kunini Waaqa keenna, ka haga jiru jireennati; inni haga hegeri nuni deeme, tisse nu qorqorata.

Malaki 1:6

AABBO Waaqi waan qaaloleeni jed'u, Ilmi abba ufiti saalfata, ammalle tisseleeni nama hojattufi saalfatti. Yo anini abba keesani taate, isani maafi naa insaalfanne? Yo anini gudda keesani taate, isani maafi na insodaanne? Isani na tufattani ammo, Nu akami si tufanne? jettani.

Yeremia 31:22

Worra d'ugefacha inqamne kana, isani haga yoomi garaa lama qabaachu lakiftani? Anini yayu waan takaa inargini lafaani d'ufe — nami d'iira harka nama uwati bula.