Yeremia 23:3 - KITAABA WAAQA

³ Anini gumi tiyya ta hafte lafa iti firfirse keesaa guure, lafa worra ta qaraa taaniti galcha. Achiti worri ilmaani heddu d'ale lafa ira dabra.

Yeremia 23:3 Referans Kwoze

Yeremia 32:37

Anini worra ch'ufa lafa anini dallansu tiyyaani worra iti firfirse keesaa wolti guure fulla tanati deebise nagayaani teesisa.

Yeremia 29:14

Ee, isani na agartani, aninileeni lafa teesaniti isani deebisa. Nami dubbi tana jed'e ana, AABBO Waaqa.

Yeremia 30:3

wonti akanatiifi guyyaani ind'ufa, ka anini gumi tiyya worra Israelitiifi ka Yuda lafa worra iti boojiani keesaa galche, lafa anini duri ababoota worrati d'aala kenneti deebisu. Nami dubbi tana jed'e ana, AABBO Waaqa.

Ezekieli 11:17

Tanaafi waan jettuuni, wonti AABBO Waaqi guddaani jed'u, Anini lafa isani iti firfirse keesaa isani baase lafa Israeliti isani deebisa.

Yeremia 31:8

Anini mirgaa worraani d'ufe muumme lafale worra guure galcha. Naafafi ballaleeni worra woliini d'ufe, nad'eeni garaacha qabdufi, ta diquma ind'alinileeni worra woliini d'ufti, worra gumi heddu muumme inqamneti gala.

Faaru 106:47

Ee AABBO Waaqa keenna, nu baasi, gosa keesati nu firfirsani keesaa nu deebisi, aka nu galata sii deebimne maqa kanke qulqullo faarsinu.

Ezekieli 36:24

Anini gosa ch'ufafi lafa ch'ufa keesaa wolti isani guure lafa teesaniti isani galcha.

Ezekieli 36:37

AABBO Waaqi guddaani waan jed'u, Anini ammalle kad'acha worra Israeli d'agaye, waan worri fed'u ch'ufa guutaafi: Anini worra daraarse deebanse aka hoola ree lafa ira dabarsa.

Mika 7:12

Nami gaafasi gama ch'ufaa isaniti d'ufa — Ashuru ta ilaboruti, Misiri ta bitati, arda galaana Efratatiifi galaana ch'ufafi gaareenile ch'ufa.

Yeremia 8:3

Ammo gochiti hamtuni tunini, nami hafu ka lafa anini iti firfirse keesa qubatu, jireenna ira dua jaalata. Nami dubbi tana jed'e ana, AABBO Waaqa gudda.

Yeremia 30:10

Gumi tiyya ta Yakobo, insodaatina; worra Israeli, imudamina. Anini lafa fago suni, ta qara boojiani iti isani geesani, keesaa isani baase, isani galtani nagayaani teetani, nami tokoleeni deebie isani insodaachisu.

Yeremia 31:7

AABBO Waaqi waan jed'u, Maro Yakobotiifi gammadani sirba, maro gosa gosa ch'ufa ira guddotifi lalaba, faaru teesani d'aad'a. AABBO Waaqi ya gumi ufi baase, nama hafele ch'ufa ya baase jed'a.

Yeremia 46:27

Gumi tiyya, insodaatina, worra Israeli, imudamina. Anini lafa fago suni ta boojiani iti isani geesani keesaa isani baasa. Isani lafa teesaniti galtani, nagayaani teetani, ch'alleesumani teetani, nami isani mudamsiisu injiru.

Lawi 26:9

Anini isani eebise isani daraarse isani horsiise, wold'aqisa anini isani woliini tolfad'e gama kiyyaani jabeesa.

Yeremia 16:15

Ammo fulla suni worri waan jed'u, Nu maqa AABBO Waaqa ka worra Israeli lafa mirgatifi lafa inni iti firfirse ch'ufa keesaa galcheeni kakhanna jed'u. Anini lafa duri ababoota worraati kenneti worra deebisa. Nami dubbi tana jed'e ana, AABBO Waaqa.

Yeremia 50:19

Anini worra Israeli lafa isaniti deebisa. Worri sagale gaara Karmeli irati baatefi ta lafa Bashani keesati baatele nyaate. Ammalle mid'aani lafa Efraimutifi ta Gileadi keesati bahale haga fed'u nyaata,

Ezekieli 36:11

Anini namaafi saa keesani ch'ufa horsiise lafa ira dabarsa. Isani lafa ira dabartani, ilmaani heddu d'altani. Anini akuma duri isani achi teetani kaani achi isani teesise, haga duri kaanile ira isani horsiise, isani deebansa. Duuba akanaani aka anini AABBO Waaqa beetani.

Mika 2:12

Ammo anini, ee Yakobo, isani worra Israeli ka hafe wolti yaama. Anini aka ree moonati galchani wolti isani galcha. Yokhaani aka ree wolti baate d'eedu, nami deebie lafa teesani akuma duri kaani guuta.