Yeremia 2:8 - KITAABA WAAQA

⁸ Qaaloleeni, AABBO Waaqi me? Jette ingaafanne. Qaaloleeni tiyyaleeni na imbeenne. Jaaroleeni na didde, raagootileeni maqa Baalitini wo fadde, waan woma keesa injirre gula yaate kad'atte.

Yeremia 2:8 Referans Kwoze

Habakuki 2:18

Wonti harkaani mid'aasani kad'atani kunini maani namaa baati? Isiini ufiiftu akheekhuma, ka nami harkaani mid'aase; d'ara male huji d'ibi inqabdu. Wonti dansaani isiini abba mid'aase d'ugeefatu sunile tolchitu maani? — ka ufiiftu dandeete indubbanne!

Yeremia 10:21

Anini waan jed'eeni, Jaaroleeni teenna daalle, AABBO Waaqale gorsa ira infud'atu. Tanaafi wonti worraa ch'ufti hamaate, gumi teennale gargari firfirsani.

Yeremia 5:31

raagooti dubbi d'ara ch'alla fadde; qaaloleeni dubbi worraa gula yaate, gumiini tiyyaleeni waan suni iti quufte. Ammo guyya muumme maani tahani?

2 Korintho 4:2

Huji d'ossatiifi ta ch'eera la lakimne; nama insomnu, dubbi Waaqale ind'aareesinu. D'uga diidati dubbanne aka d'uga qamnu nama ch'ufa agarsiimna, Waaqa duraleeti.

Yohana 16:3

Waan kana maro naafi Abba imbeenneefi isani tolchani.

Hosea 4:6

Gumiini tiyya maro beekha Waaqaa inqamneefi ya badde. Isani qaalole, waan isani na diddani barsiisa tiyyale diddanifi, anini isani dide ilmaani teesanile qaalole tiyya tahu d'owa.

Yohana 8:55

Isani diqole isa imbeetani, ammo anini isa imbeekha, Yo anini, Isa imbeekhu jed'e, anini aka keesani kiyyiba. Ammo anini isa imbeekha, dubbi isale jabeesa.

Luqaas 11:52

Gaargala keesani, jara Seera beekhu! Fura balbala qorsuma fuutani; ufii seenu diddani, nama seenu fed'ule d'owartani.

Matayo 16:26

Yo waan lafa ch'ufa argatani ammo jireenna ufii d'abani, maani namaa baati? Nami maani dandae gati jireenna ufiti baasa?

Yeremia 16:19

Ee AABBO Waaqa, atini irre tiyyafi jabeenna kiyya; nami guyya gaargala na qarqaaru siuma. Gochiti muumme lafati d'ufte waan siini jettu, Ababooti teenna waaqa d'ara, ka harkaani boch'ani, ka woma nama imbaane ch'alla gula yaate.

Yeremia 12:10

Hayyooti gosa d'ibi hedduuni yayu oobru tiyya ta zabibu balleesite; worri yayu oobru tiyya ira ejaanjate balleese lafa tiyya dansa ona tolche.

Yeremia 7:8

Me ilaala, isani dubbi d'ara d'ugeefatani gula yaatani.

Yeremia 4:22

AABBO Waaqi waan jed'u, Gumiini tiyya raatu, nale imbeetu, worri ijoolle woma imbeenne, ta woma inhubanne, fakaata. Worri aka waan hamtu tolchu guddo iti qaro, ammo aka waan dansaa tolchu guddo iti daalle.

Yeremia 2:11

Gochiti d'ibiini ta taka waaqa ufi jijirate injirti? (Ato inni waaqa woma keesa injirre tahele.) Ammo gumiini tiyya yayu naa jijiratte, ana, Waaqa gurra worraa kenne, lakifte, waaqa woma keesa injirre gula yaate,

Yeremia 2:6

Worri, ato anini lafa Misiri keesaa baase lafa aloo ta gamooji lafa d'eebicha ta maansa qabdu, lafa goddu gaargala heddu qabdu, ta nami tokoleeni iti qubate yokhaani imaltule keesa indeemne, keesa worraani deemele, diqole na iyyaalle.

Isaya 30:5

worri Yuda imaaga, waan worri gosa suni, ta hojja worri qarqaarsa fed'u ch'eersite qarqaaru dad'abde, d'ugeefateefi.

Isaya 29:10

AABBO Waaqi yayu mugaati isaaniti buuse hiribi isani qabate. Raagooti sila ila namaa tahu malte, ammo Waaqi yayu ila ch'ufe.

Isaya 28:7

Raagootafi qaaloleeni farso d'udde, aka male machoofte dadaat'i. Worri aka male daad'ifi farso d'uge, machae gugufachaa yaa. Raagooti aka male farso d'udde daayya Waaqi garsiisule hubachu dad'abdi, qaaloleeni aka male machoofte dubbi itiini d'ufani qoru dad'abdi.

1 Hayyoota 18:40

Eliyaani waan worraani jed'e, Raagoota Baali ch'ufa qaqaba, tokoleeni imbahini! Biyyiti raagoota suni ch'ufa qabde, jennaani Eliyaani galaana Kishoniti geese worra ch'ufa fit'e.

1 Hayyoota 18:29

Worri akuma kaani haga lafti galgalooftuti iyyee maraate; ammo taatule nami qonqo worra d'agaye yokhaani worra jala owaate tokoleeni injiru.

1 Hayyoota 18:22

Jennaani Eliyaani waan jed'e, Raagi AABBO Waaqa ka hafe anuma ch'alla, ammo raagooti Baali nama d'ibba afuritiifi shantama.

1 Samueli 12:21

Waaqoota d'ara gula iyyaina; waaqooti akasi sunini dandeete isani qarqaarte yokhaani isani imbaaftu, wonti akanatiifi isiini waaqoota d'ugatiniti.

1 Samueli 2:12

Ilmaani Eli nama hamama woma keesa injirre. Worri AABBO Waaqa insodaanne

Qaabacha Seera 33:10

Worri ijoolle ufii ta Yakobo aada tante barsiise, Seera kanke ilmaani Israeli barsiisa; worri sorio fulla sorio iti qalaniti sii baasa.

Yeremia 9:14

Fulla suni worri mata jabaate waan harkaani boch'ani, ka Baali jed'ani, kad'ate, barsiisa abbooti worraa gula.

Yeremia 18:18

Jennaani biyyiti waan jette, Koota, mala d'awanna aka Yeremia balleesinu! Nu qaalole nu barsiiftufi jaarole qaqaro mala nu d'ooftufi raagoota dubbi Waaqa nu faddu lafa teenna keesa haguma jirule ind'amnu. Koota, dubbi isaa dinne isa himanna.

Ezekieli 22:26

Qaaloleeni worraa seera kiyya ch'absite, miha kiyya ka woyyu ch'ufa t'ureesiti. Worri waan qulqulloofi ka qulqullo intahini tokole gargari imbaasu, ammalle waan t'uri qabatifi ka t'uri inqamnele akuma waan taka barsiise, guyya Sabatole yaalu dide, waan worri tae kanafi worri Israeli ch'ufti na tufate.

Ezekieli 34:2

Namicha, worra lafa Israeli mohatu abaari waan jettuuni, wonti AABBO Waaqi guddaani jed'u tana: Isani tissituuni Israeli ya baddani! Isani ufuma qorqoratani male, hooliye inqorqoranne.

Aayubu 35:10

Ammo worri Waaqa worra uume, ka gaargala keesale worra qarqaaru, qarqaarsa inkad'atu.