11 AABBO Waaqi, Yeremia, atini maani agarta? Jed'e na gaafate. Anini waan jed'eeni, Anini dame qolaati arge.
Inni, Amosi, maani agarta? jed'e na gaafate. Anini waan jed'eeni, Haada mana jaaraniini qajeelchani arga. Jennaani inni waan naani jed'e, Anini haada kanaani, aka gumiini tiyya ta Israeli qajeela injirre, garsiisa. Anini deebie worraa araarame biraa indeemuufi.
Inni waan naani jed'e, Amosi, maani agarta? Anini waan jed'eeni, Dadu mid'aani arga. Jennaani AABBO Waaqi waan naani jed'e, Muummeeni gumi tiyya ta Israeli ya geete, anini deebie worraa araarame ch'ubbu biraa indeemuufi.
Malaikaani waan anini arge na gaafatte, jennaani anini waan jed'eeni, Woraqata barisu arge jed'eeni. D'eerinni isaa d'und'uma diddamaati, ballinnileeni kud'ani.
Maani agarta? jette na gaafatte. Anini waan jed'eeni, Anini waan ifseeni ira ejitu, ka worqiini mid'aasani, arga. Gubba isii d'ameela d'ad'aa jira, ammalle ifse torbati ira ejaanja, ta tamu bututu bobeesaniini torba qabdu.
Jennaani AABBO Waaqi waan nani jed'e, Yeremia, atini maani agarta? Anini waan jed'eeni, Mid'aani odaa arge, dandansani guddo dansa hamamoni guddo hamo, waan nami dandae nyaatuniti.
Boriyyaate Musani Waaro Woyyuma seene jennaani ule Haruni, ta gosa Lawi, ta latte baate daraarte mid'aani baafte arge!
Guyyaani Israeliini badu d'ufuu jira, had'iisi fulla ch'ufa kau jira, ufi saaditileeni ya lafa ira dabarte.
Yakobooni dame jiitu mukha sadi, ka aka qiltafi dambifi abratu jiru, iraa ch'ire, qunch'e fulla gari iraa ququnch'ise, aka fullaani ira qunch'isani sunini barru taatu.
Akasuma dubbini afaani kiyya keesaa baatu taati — isiini waan baateefi guutu male, lafati imbaddu; ammo waan anini ergeefi ch'ufa intolchiti.
Anini, AABBO Waaqi guddaani, worraani dubbad'e jechi kiyyaleeni guutama. Worra woi didu kana, dubbini tunini amma inturtu, ato isani jirtanu wonti anini, intolcha jed'e, kunini guutamti. Nami dubbi tana jed'e, ana, AABBO Waaqa gudda.
Duuba waan atini worraani jettu AABBO Waaqi guddaani waan jed'u, Amma wonti kunini deebite inturtu. Wonti anini jed'e, inuma guutamti. Nami dubbi tana jed'e ana, AABBO Waaqa.