Yakobo 1:12 - KITAABA WAAQA

¹² Ayyaana nama gaargala obsuuti; eegi ilaalacha dabsate, eebafi jireenna argata, ta Waaqi nama isa jaalatu d'aamate.

Yakobo 1:12 Referans Kwoze

1 Petro 5:10

Ammo eegi isani bulti diqo toko gaargaltani, Waaqi eeba ch'ufa, ka aka guddinna Kristo woliini qoodattani isani yaame, isani qit'eese, jabeenna isanii kenne, yayaba jaba isanii mid'aasa.

Mudhii Yohaannisii 2:10

Gaargala d'ufu insodaatiini! Ch'aqasi, Sheet'ani isani gari mana hid'aansa keesa buuse isani ilaalata; haga bulti kud'ani d'ipatani gaargaltani. Haga dootuuti nama d'ugefatani tahi, duuba anini eebafi jireenna sii kenna.

Yakobo 5:11

Waan worri obseefi gammada qabani jenna. Isani ya obsa Ayubu d'ageetani, duuba aka Waaqi waan inni fed'u ch'ufa eege keenneefi imbeetani. Wonti akasitiifi Aabbooni guddo naasu qaba, guddo namaa naha.

Roomaa 8:28

Nu imbeenna, aka waan ch'ufa keesati Waaqi worra isaa jaalatu, ka inni fed'i ufitiini yaame, waan dansa tolchuufi.

Matayo 10:22

Nami ch'ufti maro tiyyaafi isani jibba. Ammo nami haga muumme obsu imbaafama.

1 Korintho 9:25

Nami utaalcha barachu fed'u ch'ufti waan infakaanne iraa ufi d'owu male; inni aka sure haga jirtu inteenne mata gubba keyatufi akasi tolcha; ammo nu, aka ta haga hegeri teetu argannuufi akana tolchina.

1 Petro 3:14

Ammo yo waan dansa tolchitani, isani gaargalchanile, ayyaana keesani! Nama insodaatiina, garaa ufi ind'aaniina.

2 Timotheo 4:8

Amma galata dabsachaati na eegata, ammo sure d'ugaa ta Aabbooni jaallabi d'ugaa guyya suni naa kennuti na eegata, na ch'allaaniti ammo worra jaalalaani d'ufiisa isaa eegu ch'ufa.

Yakobo 2:5

Ch'aqasa oboleyaani tiyya! Waaqi hiyyeeyi lafa tana fohate, aka d'ugefachaani duroomte, finna inni worra isa jaalatu d'aamate argattu.

1 Petro 5:4

Duuba gaafa Tissituuni Guddooni d'uftu, sure hayyuma ta haga jirtu adi ch'aama argattani.

1 Korintho 2:9

Ammo akuma t'aafiini jettu. Waan nami taka arge ind'agayiini, waan nami taka inheregiini, Waaqi worra isa jaalatu kurfeeseefi.

Qaabacha Seera 8:2

Aka AABBO Waaqi keesani ganna afurtama kana, lafa aloo ta gamooji tana keesa isaaniini deeme, qaabad'a; inni aka isani ilaalatu gaargala isaniti erge, aka waan garaa keesani keesa jirafi aka isani seera isaa guuttani beekhu.

Mammaasa 17:3

Worqifi qarsi ibidaani bassani ilaalani, AABBO Waaqileeni akasuma garaa namaa laala.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Mudhii Yohaannisii 3:21

Nama dabsatu anini d'awatu tiyya barch'uma kiyya ira teesisa, akuma anini dabsad'e amma Aabbo woliini barch'uma isaa ka guddinna ira tau.

1 Petro 4:13

Ammo gammada, maro isani gaargala Kristo qoodattaniifi, aka hojja guddinni isaa mullatu gammadi keesani qit'au.

1 Korintho 8:3

Ammo nama Waaqa jaalatu Waaqileeni imbeekha.

Mudhii Yohaannisii 3:19

Anini nama jaalad'u ch'ufa gorseti gaargalcha. Jabaad'u daba kanke iraa deebii.

Qaabacha Seera 13:3

isani dubbi raaga sunitifi, ka nama waan oobju himu suni, inch'aqasina. AABBO Waaqi keesani nama akasi suniini isani laalata, aka isani AABBO Waaqa garaa tokofi onne tokooni jaalattani argu fed'a.

Ebrania 10:32

Aka isani duri jirtani qaabad'a. Gaafasi, eegi ifsaani Waaqa isaniti ifse, isani guddo gaargaltani, ammo gaargali suni isani indabsanne.

Faaru 119:71

Gaargali atini na gaargalchite naa dansa seera kanke na barsiise.

Qaabacha Seera 7:9

Beekha, AABBO Waaqa keesani ch'allati Waaqa, ka dubbi ufi guutu. Inni wold'aqisa ufi guute, jaalala ufile d'aloota kunki ka nama isaa jaalate seera isaa guutu agarsiisa;

Ebrania 6:15

Abrahamuuni obse jennaani waan Waaqi iti kakhate argate.

Matayo 25:34

Duuba Hayyuuni waan hooliye harka mirgatiini jed'u, Abbaani kiyya ya isani eebise, koota, guddinna haga lafa uumani isani mid'aasani seena.

Faaru 119:67

Gaafa atini qara na inqajeelchiini, anini wollaala tolche ammo ammatana anini dubbi tante inguuta.

Nehemia 1:5

Ee AABBO Waaqa gubbaa, Waaqa gudda, ka dandae nami sodaa si dura inejine ka nama jaalate seera kanke guutu wold'aqisa woliini tolfatani jabeesitu;

Ebrania 11:17

D'ugefachaani Abrahamuuni ilma ufi Isaaqo aka sorio qallu fed'e, gaafa Waaqi Abrahamu ilaalate. Waaqi Abrahamuti kakhate, ammo inni kurfo jira aka ilma ufi tokocha aka sorio qallu.

Faaru 119:75

Ee AABBO Waaqa, anini imbeekha, aka dubbini tante ch'ufti d'ugaa, ammalle aka atini d'uga gula gaargala nati ergite.

1 Yohona 4:19

Wonti nu jaalannuufi, Waaqati qara nu jaalate.

Isaya 64:4

Nami tokoleeni takaa Waaqa aka keeti, ka nama isa abdatu wo bahu, arge ind'ageenne.

Faaru 5:11

Amma nami siti d'eetu ch'ufti ingammada, guyya ch'ufa qilit'ameti sirba. Nama si jaalatu qorqorad'i, maro teetifi worri gammada qaba.

Bahisa 20:6

Ammo anini d'aloota kunki kunki ka na jaalate seera kiyya guutu jaalad'e nahaafi.

Ebrania 12:5

Dubbi dansa ta Waaqi aka ilmaani isaa isaniti dubbatu la deettani? Ilma kiyya, yo Aabbooni si qajeelche taba insehiini, yo inni si gorse garaa illaafiini

Aayubu 5:17

Nami Waaqi gorsu ayyaana qaba! Yo Waaqi guddaani sii qajeelchu, intufatini.

Faaru 94:12

Ee AABBO Waaqa nami atini qajeelchite Seera kanke barsiiftu akami ayyaana qaba!

Uumama 22:1

Eegi suni Waaqi Abrahamu laalate waan jed'eeni, Abrahamu! Abrahamuuni owaate waan jed'e, Ani kuno.

Aayubu 2:10

Ayubuni waan jed'eeni, Atini aka nad'eeni woma imbeenne dubbata. Nu dansuma ch'alla Waaqa iraa eeganna? Hameennale ineegannu? Gaargala kana ch'ufa keesa Ayubuni taka woma dubbate Waaqa inhaalanne.

Faaru 11:5

Inni nama d'ugaa qajeelafi ch'ubbichale inilaala garaani isaa nama woi yaku guddo jibba.

Luqaas 6:22

Ayyaana keesani hojja nami isani jibbe gusse arabse, maqa keesani aka waan hamtu alati gatu, maro Ilma Namatiifi!

Roomaa 5:4

obsi amalani d'ufa, amali abdiini d'ufa.

2 Timotheo 2:15

Ufi qorqorad'u, aka Waaqi huji tante quufu, aka hojattu huji ufiiti inch'eere, ammo ka d'aamsa Waaqa qajeelche himu.

1 Petro 4:14

Ayyaana keesani yo maro maqa Kristotiifi isani arabsani; wonti kunini aka Lubbuuni Waaqa, ta guddinna, gara keesani d'ufte agarsiifti.