Uumama 48:21 - KITAABA WAAQA

²¹ Jennaani Israeliini waan Yusufuuni jed'e, Ingarta, anini ya duu gahe, ammo Waaqi si woliini tae lafa abbooti teetiti si deebisa.

Uumama 48:21 Referans Kwoze

Uumama 50:24

Yusufuuni waan oboleyaani isaatini jed'e, Anini la duu gahe; insodaatina, ammo Waaqi inuma isani qorqorate lafa tana keesaa lafa duri inni Abrahamufi Isaaqoti kakhateti isani galcha.

Uumama 46:4

Anini gara lafa Misiri si geese hegerile gadi si deebisa gaafa atini doote Yusufuti si awaala jed'eeni.

Uumama 28:15

Ammalle si wahelche, fulla atini deemtu ch'ufati si qorqorad'e, lafa tanati si deebisa. Anini si illakisu, haga waan sii tolcha siini jed'e ch'ufa sii guututi.

Uumama 26:3

Arma tai, ani si woliini jiraad'e si eebisa. Lafa tana ch'ufa sifi ilmaani teeti kenna. Anini kakhu Abrahamu abba kanketi kakhad'e inguuta.

Ebrania 7:3

Melkizedekiini abbaafi haad'a inqabu, ammalle ababootale inqabu; d'alootafi dua isale nami imbeekhu. Inni aka Ilma Waaqaa jira: haga jiru qaallu.

2 Petro 1:14

Anini imbeekha d'iotu dua, akuma Aabbo Yeso Kristoni diideese nati hime.

Ebrania 7:8

Qaaloti qooda kud'anneeso nama iraa guurtu indooti; ammo Melkizedekiini ka qooda kud'anneeso nama iraa guure, akuma t'aafiini jettu ammalle injira.

2 Timotheo 4:6

Hojjaani sorio na baasani ya geete; hojjaani anini jireenna kana keesaa bahu ya geete.

Huji Ergattu 13:36

Daudini d'aloota ufi keesa fed'i Waaqa guunnaani, ababoota isaa woliini awaalani shame.

Luqaas 2:29

Amma, Aabbo, aka atini jette gula, garbicha kanke nagayaani deemsisi.

Faaru 18:46

AABBOONI Waaqa jiru! Siida kiyya ha faarsani! Waaqa na baasu guddinna isaa odeesa.

Yoshua 23:14

Amma guyyaani kiyya ya gabaabate. Isani ch'ufti garaafi qalbi teesani imbeetani, waan dansa AABBO Waaqi keesani isanii kakhate isanii kenne wonti inni isani kakhate ch'ufti ya guutamte, tokole ta intahini injirtu.

Yoshua 3:7

AABBO Waaqi waan Yoshuani jed'e, Anini arra gumi Israeli ch'ufa durati si guddisa, akanaani nami ch'ufti aka anini akuma Musa wahelche sillee wahelchu beekhu.

Yoshua 1:9

Anini qara ilaafini, garaa jabaad'i siini injenne? Sodaate garaa ilaafini, wonti akanatiifi anini, AABBO Waaqi kanke, fulla atini deemtu ch'ufa sii wahelcha.

Yoshua 1:5

Haga atini jirtu nami tokoleeni dandae si dura ineju. Akuma Musa wahelche sillee wahelcha; anini waan sii tolcha jed'e inuma tolcha, ammalle si illakisu.

Qaabacha Seera 31:8

Nami si wahelche siini deemu AABBO Waaqa; inni si lakise si biraa indeemu, tanaafi insodaatini, garaa jabaad'u.

Uumama 37:1

Yakobooni lafa Kanaani, ta abbaani isaa duri keesa godaane, qubate ke tae.

Uumama 15:14

Ammo anini gosa worra tissele tolchite wollaala iti mure gaargalcha; ilmaani tante, gaafa achii baatu, hori guddaani baati.

Uumama 12:5

Abramuuni niiti isaa Sarai fud'ate, Lutu ilma oboleesa isaale fud'ate, horifi tissele Harani keesati horate ch'ufa fud'ate, lafa Kanaaniti godaanaa kae. Lafa Kanaanitiini baannaani,

Qaabacha Seera 30:3

AABBO Waaqi keesani isani naha. Inni gosa d'ibi ta inni keesa isani firfirse keesaa isani deebise, ammalle isani horsiisa.

Uumama 15:16

Eegi d'aloota ababoota tanteeti ilmaani tante lafa tanati deebiti, wonti akanatiifi anini gosa Amori lafa tana keesaa imbaasu, haga ch'ubbuuni worraa guddatte guyyaani ani worra gaargalchu gahuuti.

Uumama 47:29

Guyyaani gabaabate jennaani ilma ufii Yusufu yaame waan jed'eeni, Harka kanke jiddu gudeeda kiyya keeyad'i, aka lafa Misiri keesati na inawaalle kakhad'i.

Uumama 50:6

Faraoni waan jed'eeni, beeni, abbe awaali, akuma atini qara iti kakhatte.