Uumama 46:1 - KITAABA WAAQA

¹ Yakobooni waan qabu ch'ufa fud'ate Beersheba d'aqe achiti sorio Waaqa abba isaa Isaaqoti baase.

Uumama 46:1 Referans Kwoze

Uumama 31:42

Ato Waaqi abbooti tiyya, Waaqa Abrahamuuni yaamate Isaaqooni sodaate na woliini jiraachuu baate, atini sila arra kale harka duwa na ingalchiini. Ammo Waaqi ya d'iba kiyyafi huji anini harka kiyyaani hojad'ele ch'ufa arge, duuba edda wollaala siti mure.

Uumama 28:13

Yo inni jed'e, kuno, AABBO Waaqi bira eja. Waaqi waan jed'eeni, Anini AABBO, Waaqa Abrahamutiifi ka Isaaqo; lafa atini amma ira ch'iiftu tana sifi ilmaani teetii kenna.

Uumama 28:10

Yakobooni Beershebaa kae kara Harani iti d'aabate.

Uumama 21:33

Jennaani Abrahamuuni Beersheba keesati d'uurte oobre, fulla mukha suniti AABBO Waaqa, ka haga jiru jireenna jiru, yaamate.

Uumama 21:31

Waan worri lachu achiti wolti kakhateefi fulla suni maqa Beersheba baasanifi.

Uumama 21:14

Boriyya diirama, Abrahamuuni Hajiri sagaleefi gorjo bisaani miju kenneefi much'a dudda ira kayeefi, Beeni deemi jed'eeni. Jennaani isiini iti d'aabatte, lafa aloo ta Beersheba keesa marte.

Aayubu 42:8

Amma tana koromi torbafi Elemiya torba fuud'a, Ayubutini koota, maro wollaala keesanitifi sorio baasa. Hojattuuni tiyya Ayubuni Waaqa isanii kad'ate duuba anini kad'acha isaa d'agaye, ch'eera isani d'owe, waan sila isani tolchu lakisa. Isani aka Ayubuni waan kiyya d'uga dubbate indubbanne.

Aayubu 1:5

Yo jilti suni hobaatu ch'ufa Ayubuni ganama lafaa akae, aka ilmaani isaa ch'ufa qulqulleesu sorio qala. Wonti inni akasi tolchufi, waan ilmaani isaa hegeri garaa keesati Waaqa abaartu fa sehe sodaata.

1 Samueli 3:20

Duuba worri Israeli ch'ufti, ka haga Dani eje Beershebati eju ch'ufti, aka AABBO Waaqi Samueli raaga d'uga tolche, beekhe.

Uumama 35:7

Achiti fulla sorio iti qalani mid'aase, fulla sunii Waaqa Betheli gula El-Betheli jed'e yaame, waan Waaqi achiti isati mullateefi, gaafa inni oboleesa isaa Esau duraa baqate.

Uumama 35:3

Koota, Betheli godaane, achiti anini Waaqa ka gaafa anini d'iba qabu na qarqaare fulla anini deeme ch'ufati na wahelche, fulla sorio iti qalani mid'aasaafi.

Uumama 33:20

Achiti fulla sorio iti qalani mid'aase, El-Elohe-Israeli jed'e yaame, akasi jechaani Waaqa, Waaqa Israeli jechu.

Uumama 31:53

Waaqa Abrahamutiifi Waaqi Nahori jiddu teenna tae ha d'uga arguti. Jennaani Yakobooni maqa Waaqa abbaani isaa Isaaqooni sodaateeni kakhu kakhate,

Uumama 22:13

Abrahamuuni ufira millate elemo gaafi raasa keesati rakate eju, arge, deeme elemo suni fuud'e fulla sila much'a isaa qalu taani sorio baase.

Uumama 12:8

Eegi suni inni achii kae, lafa gaareeni ta dira Betheli moga ilaboru jirtuti qubate; fulla inni qubate suni ira Betheliini gara ila galchuuti; diri Aileeni gara ilaboruti. Achileti fulla sorio iti qalani ijaare AABBO Waaqa yaamate.

Uumama 8:20

Jennaani Nuhuuni fulla sorio iti qalani AABBO Waaqaa jaare, bineensafi simpirre gosa ch'ufa, ka nami nyaatu toko tokooni keesa fuud'e, gube sorio fulla suniti Waaqaa baase.

Uumama 4:4

Habiliini ree qara d'alate qale fooni gabbo AABBO Waaqaa baase. AABBO Waaqi waan Habiliini baaseefi jaalate iraa fud'ate,

Huji Ergattu 7:15

Jennaani Yakobofi ilmaani isaa lafa Misiri d'at'e achiti raawate.

Uumama 45:28

Ya naa geete, ilmi kiyya Yusufuuni ammalle injira, ato induiinu d'aqe isa arga jed'e.

Amosi 7:9

Fulla ilmaani Isaaqo iti Waaqa kad'atu balleesani fulla qulqullo Israelile ch'ach'absani. Anini worra hayyu Yeroboamu goraadeeni had'e balleesa.

Yoshua 24:4

Isaaqolee Yakoboofi Esau kenne. Esau, lafa Edomu ta gaareeni d'aala kenneefi, ammo ababooni keesani Yakobooni, ilmaani isaa woliini lafa Misiri d'aqe.

1 Samueli 8:2

Ilmi isaa ka angafa maqaani Yoeli, maand'icha maqaani Abiya; ilmaani tunini lamaani jaallaba Beersheba taate.