Uumama 38:10 - KITAABA WAAQA

¹⁰ Wonti inni tolche suni AABBO Waaqa diqole ingammachiimne, tanaafi AABBO Waaqi isale ijeese.

Uumama 38:10 Referans Kwoze

Uumama 46:12

Yudafi ilmaani isaa: Shela, Peresi, ammalle Zera. (Ilmaani Yuda ta d'ibiini, Erifi Onani lafa Kanaaniti doote.) Ilmaani Peresi Hesronifi Hamuli.

Henna 26:19

Gosa Yuda: Balbalti worraa, Shela, Peresi, Zira, Hesroni, Hamuli. (Ilmaani Yuda nami lama Erifi, Onaniini, lafa kanaani keesati duani.)

Henna 11:1

Gumiini gaargala ufiiti AABBO Waaqati gungumte, jennaani inni d'agaye dallane, ibida gubbaa worrati erge.

Hagai 1:13

Jennaani Hagai d'aamsa AABBO Waaqaa biyyati hime waan jed'e, AABBO Waaqi waan jed'u, Anini isani woliini jira.

Yeremia 44:4

Anini maro heddu raagoota hojattu tiyya isaniiti erge, ta waan hamtu anini jibbu tana intolchina isaniini jette.

Mammaasa 24:18

Yo waan akasi sunii jette, qilit'amte, AABBO Waaqi hegeri herega kanke beekhe, si jibbe, nama kaani lakisa fa.

Mammaasa 14:32

Ch'ubbichi hameennuma ufiitini badi ufitini d'ufa, ammo nami d'uga d'uguma inni keesati buluni waan hamtu jalaa baha.

1 Odu duri 21:7

Waaqi waan tolchani suni jibbe worra Israeli gaargalani iti d'ufe.

2 Samueli 11:27

Guyyaani boha kaani hobanaani Daudini isi yaame manati galfate; akanaani isiini niiti isaa taate, ilma deetefi. Ammo wonti Daudini tahe suni AABBO Waaqa diqole ingammachiimne.

Henna 22:34

Jennaani Balamuni waan malaika AABBO Waaqatini jed'e, Anini ya ch'ubbu tolche; aka atini, kara keesa ejite na d'owarte anini imbenne; ammo amma tana hojja atini deema tiyya tana ira hameenna agarte keesa deebia.

1 Samueli 2:25

Yo nami toko nama d'ibiti ch'ubbame Waaqati kalchafi; ammo eenuti nama AABBO Waaqati ch'ubbame kalcha. Ammo worri abba ufi ch'aqasu dide; wonti akanatiifi AABBO Waaqi aka ilmaani suni fit'u ya kutate.

1 Hayyoota 17:20

Jennaani AABBO Waaqa kad'ate waan jed'e, Ee AABBO Waaqa kiyya, atini maanifi niiti hiyyeeti tana waan hamtu akana kana tolchita? Isiini guddo na qorqorate, atini ammo ilma isii ijeefta?

1 Odu duri 2:3

Yudaani ilmaani d'iira shani qaba. Niitiini isaa ta gosa Kanaani, ta Bathshua jed'ani, ilmaani sadi d'alteefi: Eri Onani, Shela. Ilmi isaa angafa ka Eri jed'ani, waan hamtu tahe jennaani AABBO Waaqi ijeese.